لا لا لا وين رايح ؟؟ لازم تدخل ....

[عسى&ى&ى ماشر]

السلام عليكم ورحمة الله وبركاته

مساكم الله بالخير

هذا بالنسبه للي يداومون في المساء

اما انتوا ياللي تداومون الصبحيه فصباحكم فل

ولا تنسون فيروز على الصبحيه

فيه ناس بينتقدون هالكلمه بس منيب ما سحها


خلونا نرجع للموضوع

جيت اليوم فتحت الجهاز وجا ببالي فكره قلت لازم اطرحها لكم يمكن تعجبكم

ولو ما عجبتكم عادي يعني لا احد يرد مجامله

اتفقنا

ترى ابشع شي المجامله

نرجع للموضوع

وش كنت اقول ياربي

ايه تذكرت جات ببالي فكره بس ترى مو كل مره تجيني فكره

احيانا تجي واحيانا تروح بس لما تروح بترجع اكيد

المهم

جا ببالي فكره وانا اشوف قطار الاصدقاء وقريت فيه شوي

ما تلاحظون انه تغير التوقيت

مو مهم التوقيت بس المهم المضمون لا تدققون عاد

الفكره تقول كل واحد وتكلم عن بلده او منطقته او حتى عن حارته

وش رايكم لو كل واحد فينا يجي ينقي له يوم من الايام ويقول لنا وش سوى فيه

بس مو ينصب علينا ويقول رحت وجيت وسويت وهو ما سوى شي

حتى لو انك نايم من الصبح قول نمت وانقلبت على جنبي وبعدين جاني كابوس اسمه عسى ماشر عادي

ولا الثاني اللي يقول جالس على النت علمنا وين دخلت ووين رحت ووين جيت يمكن تدلنا على مواقع تفيدنا

يعني شي زي كذا مو بالضروره ان الواحد يجيب كل شي لا مانع من التمليح شوي

ادري طولت عليكم بس صدقوني لو اني ما ني مضطر اطلع
كان قفلتو النت بالمره مو بس الموضوع

عموما شوفوا الموضوع وقولو ينفع ولا لا عشان لو فيه ناس كثير بنسوي جدول عشان نروح مع صديقنا لكل مكان يروحه اكيد مو اصدقاء
والصديق ما يخلي صديقه يروح لحاله



نشوفكم على خير