دكتور شريف مع التحية

[عسى&ى&ى ماشر]

وش انا قاعد اشوف

كلكم مبدعين ما شاء الله

تصدقون قريت الموضوع ثلاث مرات

عيني عليكم بارده بس لا تقطعون

سلام

[راضية]

شكرا أستاذنا عسى ماشر
وعسى ماشر

[منال درويش]

لما يومينك ينقضوا
راح يفردوا دمك قصيدة، للى رايح واللي جاي
ح تشوفها صورة ع الحيطان متزوقة ،
والناس ، أدان يصرخ ، وحلمك داب ف قلب المحرقة
والناس ايدين متفرقة ، والنور معدى والسفينة مشرقة

لما يومينك ينقضوا !!
راح نرفضوا ،، وننددوا ،، راح نشجبوا ونزودوا
كام كلمة في حق الولا
واللي ابتلى لازم ح يصبر ع البلا

يا دي الغلا ،، والقلب م القهر اتملى
واتسرسب الحلم اللي شاب ،، لما يدوب سكت الولا
ما عدش صوتك يتسمع ما درينا ايه اللي حصل واللي جرى


لما يومينك ينقضوا ،
ح اكتب على قبرك ، سلام ع اللي ما بعش ولا اشترى !!
ح اكتب على قبرك ، سلام ع اللي ما بعش ولا اشترى !!

[راضية]

مين اللى قال يابنت درويش الكبير..
إن اللى يومينه انقضوا..
ماباع ولا حتى اشترى..
مين اللى قالك إن نبوت الغفير..
اللى فى ايده..
مانكسر أو ماانتنى..
يابنتى ده مات من الصويت..
م الهم..من الضرب المميت..
مات قبل مايموت ألف مرة م الألم..
مرة انعزق مرة انشتم..
من كتر ما القلب انظلم..
عمره انسرق..
عقله اتخنق..
والدمع صار كلمة فى ورق..
ولاحد عزى فى دفنته..
غير واحدة بس ..
حتحصله ..فى الألف حبس..
تكتب على قبره قصيدة بتنجلد..
عنوانها آه...
صرخة بلد..