عتاب عتابا لبو زيد الهلالي
عتاب عتابا لبو زيد الهلالي
عجب هالعين ما تبكي بحرها
وحق العين يتطوّف بحرها
مْواج الهم تتلاعب بحرها
ولاجل النذل تتفتح بْواب..
العتب ما يفيد تاقوله واعيده
دهر حرّم علي بهجه وعيده
وعد بالسعد ما وفى وعيده
وعد بالضيم وفى بلا حساب
يا ابن غانم يا بو زيد يا سلامِه
يا اهل تغريب ما يرجى سلامِه
قولولي ليش باودي سلامي
إلى الأحباب ما بيرجع جواب
يا بو زيد وهلالك طل غربي
عجب غربت ما تسأل عا غربِه
نجم هالصبح أغواني وغر بي
رحلتلو لاقيته سراب
يا بو زيد وشو بدك بخليفة
ما هو قدرك تصير مير وخليفة
يا شاعر ليش ما صار لك خليفة
ولا باهلك عرف قدرك ذياب
يا بو زيد عالربابة قول وعلي
يا لعبك عالربابة يشفي علة
العتب مش عالأعادي العتب علي
نسوا العشرة وهم أهل وقراب
|