السلام عليكم ورحمة الله وبركاته
كيفكم يا اخوان
انشاء الله طيبين
انا عندي فكره بعد مو بس انتم اللي تفكرون
الفكره ان كل واحد يقول لنا موقف طريف من حياته
وعادي لو تتسلف موقف من واحد من اخوياك
المهم توقف السياره
يؤ يؤ يؤ قصدي المهم تكتبه لنا
وانا راح ابدا
في يوم من الايام الخوالي(زود ثقافه) جيت كذا بعد العشا وقلت بمر على احد المطاعم لعلي اجد ما اسد به كرشتي
فوجدت ذلك المطعم (بوفيه) بس لازم نسوي حقين مطاعم الامهم وقفت برى وطلبت قلت له واحد فلافل بالطحينيه وشويه من لحم الضأن وشويه مشاوي كل هذا في سندوتش الفلافل
(نصبه تلاحظون) المهم وانا واقف بلحالي برى المطعم عاد ماشاء الله مطعم نظيف من جد والقزاز انظف من النظافه زاتها المهم ويجي اخونا في الله الزول
(واحد سوداني) ومدرعم الاخ ماشي 120 خطوه بالثانيه وينصى الباب دررررررررررررررررررررررررررررررررررررررررررررررررر رربج في الباب الا وتنطبع معالم الاخ على بالباب
عاد انا وقتها ما مسكت نفسي من الضحك تبطحت وتعصرت من قوه الضحك وبعد ان صحوت من موجه الضحك الا والاخ قاعد يعاتب عمال المطعم ويقول انتم ليه ما تفتحوا الباب وانا اقول في نفسي ما احد منهم توقع انه يوصل بك الكسل انك ما ترفع راسك وتناظر الباب
هذي كل السالفه
ننتظر مشاركاتكم
سلام