جدتي و العولمه

[ابو ليلي المهلهل]

روحت لجدتي في الديره لي زمن عنهامايقارب شهر
ولي غرفه عند جدتي محد يجيها غيري
وحاط فيها دش لا رحت يم جدتي اشوف اخبار الدنيا عليه
المهم استقبلتني جدتي بالترحيب و السب والعن
وحنا جيل فاسد قطوع مادور من وراه خير
لاني ماجيتها من شهر
وقهوتني ومن العسل و السمن والفطير شبعتني
والغدا تويس ورز بدواني وعليه سمن بري
يكفل صمامات القلب من الزفر
وبعد العصر قالت لي روح يم حراج الغنم واشتريلي
تيس فحل
قلت يجده التيس يلي شريته العام الاول وينه
قالت كرصته حيه و مات
وانا مافي حيل اروح وتوي جاي من السفر وادور النوم ومافي ادافس بين التيوس والغنم
وروايح ولاتكول من باريس كرستيان ديور
قلت يجده بصوت عالي يدوب تسمع
في جده تيوس من كشمير يقولون نسلها
طيب ونسلهايدر الحليب ولحمها واجد
ويمدحونها واجد لا نزلت جده الاسبوع الجاي
اشتريلك واحد منها
وقالت جدتي تبي تصلحلي عــولــمه
بخوش الغنم وتجبلي تيس من كشمير
انا ابد تقول واحد صفقني كف
جدتي تتكلم عن العولمه
هي يادوب تسمع لا بعد من المعارظين للعولمه
الله دنيا مافيها احد جاهل