صباح الخير يا اردن ..........

العنود النبطيه · #1 24-07-2007, 11:40 PM

صباح الخير يا

حُــــــب

النسري · #2 25-07-2007, 10:51 PM

هدبتلي شماغي الاحمر بيدها وغزلت علم
قالت يا بني خلي راسك فوق عالي بالقمم
شكشكتني بالكرامة وطرزتني بالكرم
أنا امي اردنية همها تربي زلم
مهرتي الحرة الاصيلة شرشبّلي سرجها
يوم ترمح في ميادين البطولة ترجها
الوطن زغرودة حلوة لما امي اتعجها
تدبك الافراح جوفيه على احلى نغم
لو يشوفوا طيب افعالي وأصالة معدني
رح يقولوا يسلم البطن اللي جاب الاردني
عينك بنجمة علمنا تلمع بعمري الهنا
احنا ترباية كفوفك قوة قلب وهمم
هذي امي والملاحة كلها من ملحها
خيمة تجمعنا ابحضنها وخبزنا من قمحها
القمر من ليلها ونور الشمس من صبحها
تنسج خيوط المفاخر ثوبنا بين الامم

***
صباح الخير يا وطني العزيز الأردن

النسري · #3 28-07-2007, 10:49 PM

دعونـا نُدندنُ لحنَ الوفــــــا *** لبيتٍ أصيلٍ كفى واكْتفــــــى

لبيتٍ تَوسّدَ حُضن النّجــــومِ *** ولمّا الْتقينا صفا واصْطفى

فمنْ شدَّ نيرا لعمري وفــــي *** ومن شد نيرين جل الوفـــا

ومن جاء يقرا سلط الغوالي *** لعمري حبيب لوصل هفـــا

الله يسعد صباحكم أجمعين ...

العنود النبطيه · #4 29-07-2007, 12:43 AM

يسعد صباحك يا بلدي
يا اهلي
يا ناسي

يا كل دنياي

النسري · #5 29-07-2007, 10:51 PM

يا سلط و اديك ريان و بلبله

و عين حزير ما زالت منابعها

و ما تزال بزي ، أيكه فتنت

و ما يزال ببطنا والبقيع صدى

ما زال يصدح بالالحان والطرب

تسقي العطاش بماء سلسل سكب

بسحرها سالف الايام والحقب

من شدوك الحلو او تغريدك العذب

يسعد صباحك يا وطنا ويدوم عزك يا أردنا

المصابر · #6 06-08-2007, 04:20 AM

البقاء في أصل الموضوع أفضل ..
دائم العلو

النسري · #7 06-08-2007, 10:34 PM

هبّت النار والبارود غنّى
أطلب شباب يا أردن واتمنى
هبت النار وبروس الجبالِ
حنا فداك يا أردن يا غالي
هبّت النار براس الخروبه
وهذا الأردن يا حامي العروبه

*****

صباح الوطن الجميل ... صباح معطر بخلق الله لأحلى خلق الله صباح الأردن الذي يكيد الخفافيش الظلام ولا يذود عن حمى الأوطان ...
أردني وبفتخر
واللي مش عاجبه ينتحر
ويكتب عقبره
واحد حاول يقهر اردني وما قدر

النسري · #8 08-08-2007, 01:16 AM

أردنيين وما ننظــــــــام *** ومهرك يا الأردن غالي
نتغاوى بعقال العــــــــز *** أعز وأهيب عقـــــــــالِ

يهب الريح يوم الريـــح *** تقرب سورك العالــــــي
يثبت شاردات الخيــــــل *** يوم يطبه جفــــــــــــــالِ

دقوه ابراج المهبـــــاش *** يومن فاح بــــــــــــدلالِ
أردننين وما ننظـــــــــام *** ومهرك يا الأردن غالي

أصايل بس يروج تموج *** يرج مروج وجبــــــــــالِ

صباح الأردن الذي إذا دق المهباش لا يسبقه في الكرم والطيب والأصالة أي متسابق
صباح الوطن الأغلى والأعز والأحلى ...

النسري · #9 13-08-2007, 04:21 AM

اول القول ذكر الله...
والشياطين نخزيها...
يا شباب الاردنيه...
كلهم سباع ونموره...
زغردت كل نشميه...
فرعت كل مستوره...
ديرتي حلوة الميه...
وفلسطين عربيه...

وبالمكسي الاحمر... خشي حارتنا بالمكسي الاحمر...
تمشي تتمختر... بنت حارتنا تمشي تتمختر...
بالمكسي النيلي... خشي حارتنا بالمكسي النيلي...
ظلتش غنيلي ... بنت حارتنا و ظلتش غنيلي...

***

صباح الخير عالوطن الأغلى والأحلى والأجمل ... صباح يستحق رفع اسمك فوق الشمس وما ينداس ....
صباح الخير يا وطني العزيز الأردن

العنود النبطيه · #10 16-08-2007, 03:26 AM

صباحوووووووووو