لماذا ؟؟؟؟؟؟؟؟؟؟؟؟

[طنب الخيمة]

السلام عليكم
ماهو رأي أعضاء الخيمة في هروب المواهب من نادي النصر ؟
ذهب طلال الفردوس وقبله مرحوم المرحوم ووليد الطرير وغيرهم من درجتي الشباب والاشبال

[موادع]

أخووي (( طنب )) الراي واضح ومايحتاج تعليق نهائياً ..
مثلك عارف ان كل الي صار كلها صارت بسبب الأداره النصراويه والمتمثله برئيسها الحالي..
فأغلب الاعبين الي انت ذكرتهم كلهم رحلوا من الفريق والمتسبب واحد!!!!
ولا ترووح بعيد هذا فهد الهريفي لحقهم
أنا من جد استغرب من العباره الي تقال وهي (( النصر بمن حضر ))!! .. منهم الي حضر.. حسين هادي ولا احمد نصيب !!!!!!
وياليت هالعباره جت في محلها وشفنا البطولات .. لكن وش تقوول عاد
وعلى فكرره أنا استغرب بعض التصريحات الي تذكر بأن الجمهور له الرأي في المرتبه الأولى في النصر !!! وشلون له الراي والجمهور قاموا يرفعون لافتات مكتوب عليها فهد الهريفي ويهتفوون به في الملعب قدام الرئيس وفي مباراه الشباب الي أنهزم فيها النصر 3/1
وبالأخير ينزل تصريح بأن جمهور النصر جمهور سيء ومندس !! لييه كل هذا على شان انهم طالبوا بلاعب خدم ناديه وله تاثيره في الفريق!!
لكن وش تقوول عاد المسأله ومافيها باختصار شديد ان الدعوه كلها مسائل شخصيه ، وعناد وبس.. ولا النادي يروح في ستين داهيه

مـــــــــوادع
ga977@ayna.com

[طنب الخيمة]

تسلم والله ياموادع على المعلومات الطيبة
والله مهنا غير هالإدارة هي السبب ( حتى أعضاء الشرف المميزين تركوا الفريق )
كان النصر ماشي صح في عهد الإدارة السابقة
ولكن تغير كل شيء خلال اسبوع وعودة الرئيس السابق
والله يرحم صاحب السمو الملكي فيصل بن فهد ويسكنه فسيح جناته
عندي قائمة طويلة من السقطات لهذه الإدارة منذ زمن طويل وحتى الآن ، ولكن المجال لا يسمح بذكرها
تصدق لو تأتي عملية الخصخصة للأندية يمكن ان يكون المستفيد الأكبر منها النصر انشاء الله ،