مذكرات عزوبي مغترب مواقف و طرائف

وليد الظهران · #1 22-04-2002, 02:17 AM

كأي مغترب .. وده ياخذ شهادته و يرجع لاميمته تفلي راسه من القمل .. عشان اذا راح يخطب تكون قبيلة القمل اللي في راسه معزّله .. سافرت أحمل احلامي و طموحاتي في صندوقي الاخضر اللي طيرته من ابوي يوم قلت له ان نخلتنا ولدت !! ( طبعا نسيت اعلمكم اني ارفل من يومي صغير .. اسمعهم يقولون النخله حملت و احسب ان التمر هو بيض النخله !! كنت مأساه الله يصبر الارض علي ) .. و طبعا ابوي يدري اني خبل و ما يشره علي .. فيوم قلت له ان النخله تولد ظن اني اقصد البقره حقتنا .. و راح يشرف على عملية الولاده و لا يدري باللي صاير .. و طيرت صندوق ابوي و على المطار بسرعة مليون !!

( و الله اني انسان مكافح .. ما ودعت ابوي و انا مسافر .. ابوها من شنطة !! )

*.*.*.*.*

عاد يوم وصلنا .. انواع المسلسلات .. بس ماله داعي نشر الغسيل ..

يااا كثر ما كلنا خنزير بالغلط .. الله يحوم تسبد العدو .. مره انا و واحد من الشباب قاعدين ناكل في بيتزا هت .. و طالبين سوبر سوبريم اللي فيها سلامي .. عاد حنا قلنا نبي بيف سلامي "يعني لحم بقر" .. قومي يا النادله "تتعبون مع هالكلمه" و جابت لنا الطلب .. بيني و بينكم طعم البيتزا كان متغير علينا .. موب نفس اللي عندنا في السعودية .. قلت لخويي : ياخي احس ان فيها خنزير .. الطعم غريب علي ..

قام خويي و طلع شريحة سلامي من البيتزا و قام يدلدلها قدامي و هو يناظرني .. و كلها و قام يتطعمها .. و في الاخير قال : يابن الحلال ماهيب خنزير هذا لحم بقر ( منتاب عاقل يا الخبره !!)

قلت له يابن الحلال و الله لحم البقر ماهوب هذا طعمه .. قال تكفى يا الدنماركي !! انت و هالبقره اللي عند ابوك .. اشوى ان الارانب تتناحش عنها تحسبها سلقة من هزالٍ فيها .!

عاد يوم ذب علي ذا الذبه عصبت .. و قلت كلش الا بقرة ابوي .. و الله لو تذوق بيضها تسان ما قلت هالكلام ( حالتي صعبة و الله ادري )

و ناديت المضيفة مدري النادله .. و قلت لها هالسلامي هذا وش مصنوع منه ؟؟ قالت لي ابد يا طويل العمر .. مصنوع من خنزير على شوي بقر مخبوط في بعض !! يوم حامت تسبدي و هاوشتها من زود ضيقة الصدر .. عاد في الاخير جابوا لنا نفس الطلب بس بدون سلامي .. و ضربناه زي العسل على قلوبنا ..

بس المشكلة اني قعدت ثلاث ليالي احلم ان خويي اللي كان معي حمار .. و يقعد يقطع من لحم يده و ينطلها في المقلى و يلقمني .. و انا حايمة تسبدي و اقول : لا لا لا لا .. تكفى الله يرحم والديك تراك هريتني بلحم الكتف .. عطني من الظهر شوي

*.*.*.*.*

هذا موقف صاير قريب .. كنت انا و العيال سهرانين يوم ويكند .. و دخل وقت الفجر و جينا نبي نصلي .. عاد الامام حقنا ما شاء الله عليه حافظ القرآن .. و انا و خويي اللي معي حدنا آية الكرسي و عشر ايات من الكهف .. و السور الصغار

اقمنا للصلاة و تقدم هو يصلي بنا بصفته احفظنا مع اني اكبر منه ( يحلفون اني اتهاوش انا و اياه دايم على هالنقطه ) .. و يوم خلص قراية الفاتحه قام يقرا علينا سورة آل عمران الظاهر .. و ما شاء الله عليه قرا حول العشرين آيه .. بعدين وقّف !!!

حنا قلنا بيركع مثلا .. الا و الله الموضوع اكبر من كذا بكثير .. طلع ناسي الايه اللي عقبها .. و انا و خويي نقلب روسنا ..

هذا شكل الامام و هو يحترينا نذكره

و هذي اشكالنا و حنا فاقين اثامينا

و قعدنا على هالحالة عشر ثواني تقريبا .. صمت مطبق مالح ( لا تشرهون رابي مع زيود و قاري مجلة ماجد مرتين )

يوم شاف الامام ان اللي وراه الله بالخير .. عاد الآية مره ثانية كود يتذكر .. لكن نفس الحالة صارت .. مع تغير اشكالنا الى --->

عسى الله لا يعاقبنا .. انا و اللي معي كاتمين الضحكة من ثوارتنا .. و نسمع انفاس بعض و لا نقدر نسكت .. و ما غير : استغر الله .. استغفر الله .. اعوذ بالله من الشيطان .. لكن ما فيه فايدة .. الوضع كان حرج جدا ..

كنا في الركعه الثانية .. و ما كان ودي اكمل صلاتي و هي كذا لاني حسيت انها بطلت .. قمت قطعت صلاتي و كبرت مره ثانيه يوم ركع الامام بعد ما شاف انه لاهوب اللي بيتذكر .. و لا اللي وراه ينشد بهم الظهر ..

اثر الامام يوم قال الله اكبر و ركع كان كاتم الضحكة على دباشتنا .. و الضعيّف ما قوى حتى يقول سمع الله لمن حمده .. صارت الدعوى الله اكبر تعقبها الله اكبر .. اثره قام من الركوع و سجد و حنا تونا راكعين .. عاد انا بصراحه في هالمواقف ما امسك نفسي .. قعدت فاق اثمي كذا بدون ما اطلع صوت .. الين في التشهد الاخير ماااا قوييييت .. احاول يمين يسار ما فيه فايده .. و اللي جمبي الله يهديه ما قدر يمسك نفسه بعد .. بس يضحك بدون صوت ..

في النهاية .. و بدون اي سابق انذار .. سويت كذا :

اممممخخخخ .. احم احم .. امممخخخخ هاهاهاهاهاها .. الله لا يلومني .. اللي جمبي ما قوى يمسك نفسه .. و الامام قدامنا قاعد يتنافض من الضحك .. و كان الحل الوحيد انا نقطع الصلاة و نعيدها كلنا مره ثانيه ..

*.*.*.*.*

مره كنا عازمين شباب عندنا في الشقه .. طبعا كلنا عزوبيه .. و سويت نفسي بطل و قلت الا لازم اطبخ لهم .. مع اني ما طبخت قبلها الا خمس مرات .. و مره وحده ضبطت لان امي كانت معي على المسنجر عن طريق اخوي .. هو يسألها و يرسل لي جوابها ..

و عزمنا الشباب و توهقنا .. قلنا لهم بنسوي لكم كبسه ( الشي الوحيد اللي نعرف نسويه) .. و يوم جوا و طبخت لهم و كلش .. نكبنا الغدا .. و هنا كانت الطامة الكبرى .. ابو بطح نسى يحط ملح !! و ما دريت الا يوم ذقت اول لقمة .. قمت و بحركة انتحاريه قلت : اووه معليش يا شباب نسيت اجيب لكم الملاحه .. حنا في العاده ما نحط ملح في الاكل عشان فلان (واحد من اخويانا) فيه ضغط الله يساعده .. قام خويي خزني بطرف عين ( كل هذا طرف عين ؟؟) و مشاها لي عقب ما سويت حركة لحسة اللسان و علامة زائد في الحلق اني ما عاد اتعودها

عاد يوم دريت اني مطقوق مطقوق الله لا يعوق بشر .. قمت كل شوي اقول : و الله المفروض اننا طابخين لك بلحالك يا فلان .. الشباب مساكين ملوا و هم ما غير يحطون في هالملح .. و الرجال يقلب راسه .. يقول بس : متى يذلفون ؟!!

و الله ياهو بعير .. و و الله ياهو طقني طق

هههههههههههههههههههههههه عشان ما تنامون نحيس فيني عرق ؟؟؟؟؟؟؟؟؟؟؟؟؟؟؟ الباقي تعرفوته

صوره حقيقيه حقت جني بس يشبه واحد في المنتدى صح الخالق الناطق ثقيل على قلبي هههه

الدومري · #2 22-04-2002, 05:38 AM

اخي وليد
أضحكتني اضحك الله سنك

و ذكرتني يوم كنـا مسافرين ، جيت و قال انا لازم اطبخ للشباب و أحسن طبخة اسويها هي رزبالفول و طبعا انت تدري انها سهلة
سهلة موهيك بزعل منك المهم اخوك ابو النور قعد يطبخ من الظهر لتالي العصر بالرز و الفول و اخيرا جهزت الطبخة و صارت ياسلام و ريحتها موصلة الخفجي ، و كشفنا الغطاء عن الطنجرة و الراجل يقدر يطلع من الطنجرة حبة رز واحد و صارت الطبخة كلها قطعة واحدة مع الطنجرة كيف حتى اليوم بسأل حالي هذا السؤال كيف نجح ابو النور بصناعة حجر من الرز و الفول

و سلامتكم

وليد الظهران · #3 22-04-2002, 05:45 AM

اضحكك الله دنيا واخره يا الفاغر

ملاك الشرقيه · #4 22-04-2002, 08:09 AM

ههههههههههههههههه
يحليلك ياوليدووه
والله ودي احكي لكم عن مغامرتي بالمطبخ((بالذات طبخه الرز مع الذره))كيف هذه ماادري صارت ذره؟؟؟
بس مستحيه اتفشل

ملوكه

وليد الظهران · #5 23-04-2002, 12:44 AM

ذره مع رز ما صارت طبخه هذي ما اقول الا حليل الي اكلها لا تقولي لي وين نامو هذاك اليوم علشاني ادري في المستشفى بس لا عاد تعودينها

ملاك الشرقيه · #6 23-04-2002, 08:52 AM

وليدووووووووووووووه ابوضروووووووس

تتريق هاااه
بس تطمن مافي غيري وغير امي الله يرحمها اللي اكلنا الطبخه

بس والله ماصار فينا شي والله

انا اقولك الطبخه
هي اساسا طبخه رز+عدس اوكي
قبل وفاتها باسبوعين قلت لها انا بسوي رز وعدس واشوا الطريقه علمني
علمتني بس هي غسلت الرز لانو ماكنت اعرف ولااطيقه
بس تطمن الحين مافي قدي بغسيله ولاكلوركس

المهم
ههي دلتني على مكان العدس انا من خبالتي رحت واخذت الذره على بالي عدس وحطيت الذره+الزر+الملح+الزيت كلهم خلطه على بعضهم البعض وانا ماادري
خلصت الطبخه واو
ورحت فرحانه مصدقه عمري وحطيته بصينيه لي نا اوهي وبس((الباقي اشكل يعني ))
هي لما شافت قالت لي انو ذره فقلت لها لا عدس بس اشفيه قاسي مع اني والله سلقته عدل بمويه حاليه قبل مااخلطه
هي شكت وغلطتت نفسها
ولما ذااااااااااااااااااااااقته هههههههههههههههههههههههههههههههههههههههههههههههههه هههههههههههههههههههههههههههههههههههههههههههههه ياذيك الفااجعه
هههههههههههههههههههههههههههه
طلع ذره وعلى بالي عدس

هي قامت تضحك وتقول الله يهديك هذا ذره فقلت لها واش يعرفني انا خلاص المره الجايه اضبطه
ولقيت لها حل ههههههههههههههههههه نلقط وناكل
وذاك اليوم صراااحه شي جلسنا نلقط وناكل كاننا دجاج

بس كانت هذه اخر طبخه تاكلها من يدي نوره

بس لاتضحك الحين اووكي هذا جزء بسيط من مغامراتي زماان بالمطبخ
بس الحين اوووووووف من قدي مكرووونه حلوووه بس كل اسبوع لازم احرق الرز

هههههههه ادري انك بتحرم تتزوج الحين

ملوكه

أبو أشواق · #7 23-04-2002, 09:19 AM

اخوي وليد اضحك الله سنك و الله ان العزوبية شي .. بس خل عنك .....

ملوكة عاد ذرة و رز ؟؟؟

والله حالة ......... الله يعينهم عليكي اذا طبختي لاهلك

الف تحية

الدومري · #8 24-04-2002, 02:17 AM

ول
اذا الملاك ما يعرف يطبخ مجدرة
الله يعين اللي رايح ياكل من ايدينها

و أسال نفسي ليـــه ملاك كل من جا مقابلة مع دكتور تنط تسأله
دكتور بالله عليك اعطيني و صفة اسمن شوية اريد ازيد كم كيلو انا نحيفة حيل .

طيب خيتو روحي تعلمي الطبخ و بعدين تسمني على طووووووووووووول

الله يستر ما تطبخي رز + بصل

ملاك الشرقيه · #9 24-04-2002, 07:22 AM

دوووووووووووووووووووم

خلاص انا زلعاااانه منك

تتريق عليا هاااه

بس لاتخاف اعرف اسوي رز+بصل
نحمس البصل ونحمرره وبعدها نخلط معها لرز وبعدين نحط مويه ونخليه يخلص
او نقلي البصل ونسلق رز على حدى وبعد مايخلق نحط فوقه حاجه صفرا((اللون اللي يلون الاكل)) وبعدها نرش البصل فوق
ويلا هم هم هم هم هم

شفت كيف انا طبااااخه

ملوكه

الدومري · #10 24-04-2002, 08:45 AM

طيب من غير زعل

تعرفي تطبخي رز + معقود

لو عرفتيها اشهد وياك انك تعري تطبخي