لا تكون برداية ( موضوع هادف) رقم .007 شاركو

[لبناني]

تحمل المسؤولية والبت في النزعات صعبة

والله يعين اللي بيتحمل المسؤولية

يمكن كتير من الاحيان تشتبه عليه الامور

وبيتصرف تصرفات تسيء اولا له
ولكن غصبا عنه ويمكن احيانا بيقصد هيك يعمل

بدنا نحكي اليوم على اللي نيتو صدق وصافية

هيدا الله يعينو لان تحمل المسؤولية كتير صعبة

خاصة اذا كان مطلوب منو فصل نزاعات او حكم او قضاء

كتير من الاحيان قد يتصرف على حسب ما بين يديه من معطيات ويعطي نتيجة على اساسا بس بلفعل يكون المحكوم عليه مظلوم

هون ما ذنبو شي لانو حكم باللي بين ايده وتحقق مزبوط

بس اصحى بالو ثم بالو انو يكون برداي وستار او ايد لغيرو

هون
ولو كان بيوثق باللي مشغلو واللي حاطو بالموقع
ولو كان بيوثق فيه مية بالمية
لما بدو يغلط بالناس هو بيتحمل المسؤولية

لما بدو يجنى على حدا هو رح يكون السبب لانو انقاد لغيرو

مرة بحجة انو هيدا افهم
ومرة بحجة ( هيك بدو شو بقدر اعمل )
ومرة بحجج ما بتنفع يوم العرض على الله


بس لما بيتعامل بكل ضمير وبيرفض يكون ستار وبيقول للي حاطو بالموقع وموظفو لا ... للظلم


هون بس

بس هون لو غلط بحدا بيشفعلو موقفو واستقلاليتو واجتهادو الذي اخطأ فيه
هيد رايي

[*اليشمـــك*]

السلام عليكم

عنوان ظريف وموضوع أظرف

الأخ لبناني

المسؤولية كما نعلم تظل عبئ على صاحبها مهما كبرت أو صغُرت ..

ومن أكبر المسؤوليات التي نحملها هنا .. هي مسؤولية الكلمة

فبالإضافة لما نكتب وضرورة مراعاة الله ومراقبته في كل حرف .. هناك أيضا مسؤولية من نوع آخر ألا وهي :

إنكار المنكر على صاحبه

فأنت عندما ترى الكاتب الفلاني أساء لشخص آخر إساءة واضحة وصريحة أو قذفه بما ليس فيه أو بما يجرح شعوره .. كان لزاماً عليك أن توجه له النصح والتحذير من عقاب الله

خصوصا لو كانت بينك وبينه علاقة مودة وتفاهم أو معرفة سابقة

لأنه في هذه الحالة سيتقبل منك الملاحظة أو النصح

لذلك كانت مسؤوليتك تجاهه أكبر إذ انك قادر على إصلاحه!


أما مقولة أنك لا تتدخل فيما لا يعنيك التي يكررها البعض في غير محلها .. فهذه ليست من طباع المؤمن الذي يريد الخير لغيره.. أولم يقل الرسول لايؤمن أحدكم حتى يحب لأخيه ما يحب لنفسه؟

وأما الاكتفاء بالدعاء بأن يهديه الله فليس هنا محلها إذ أنك قادر على التغيير بما هو أقوى وليس بأضعف الإيمان نظراً لمكانتك في قلبه أو مدى قربك منه


وكما نعلم جميعاً فإن الإساءة لـ"مخاليق" الرحمن من أكثر أنواع الإساءة انتشاراً في المنتديات .. ولقد تنوعت الأشكال والوسائل في هذا المجال .. والسبب في ذلك هو الشعور بأن الاسم المستعار يعمل كـ " برداية" ويجعلنا نشعر بالأمان فنحقر ونسب ونقلل من شان الآخرين .. وكما تعلم فهذه صفة ضعاف النفوس والإيمان الذين لم يحفظوا الله فلم يحفظهم فتراهم عرضة لتجريح الجميع حتى أصبحت سيرتهم الغير عطرة على كل لسان!



ولكن ولله الحمد هناك صحيفة لكل فرد يُسجل عليها كل حرف .. بل كل نفس وكل فكرة وكل نظرة وكل عبرة.. وربك لايظلم أحداً

واليوم الذي ستقع فيه "البرادي ".. سنرى الفضائح !!

وكما قيل قديما

"بكرة بيدوب التلج وبيبان المرج"


وعلى مايبدو أن المرج سيكون أسود على غير عادة!!


اللهم عافنا مما ابتليت به كثيرا من عبادك .. اللهم واهدهم وارحمهم


اخي..

أنا وأنت كمسلمين لابد أن نقول كلمة الحق حتى لو كانت في غير صالحنا

وإن كنا ندعي الإسلام والإيمان لابد إذا أن نثبت إدعاءنا في مواقف كهذه إذ أننا نستطيع من خلالها ان نكشف صدق دعوانا .. أو كذبها!

وفي هذه المواقف تحديدا تبدأ رائحة الإمعات في الإنبعاث فهم يختفون عن الأنظار عندما يسيئ صاحبهم للغير ويظهرون عندما يُساء له

وكما تعلم فإن أسوأ صفة يتصف بها الرجل على الإطلاق هي ان يكون إمعة لا تراه إلا يجر ويرفع ثوب فلان حتى لا يتسخ في حين أنه اسود أغبر رائحته نتنة

لذلك أنصح نفسي وانصحكم بأن لا تكونوا إمعة وأن تتصفوا بالخُلق الذي افتقده الكثيرون

وأن تتحملوا مسؤولياتكم وان تعرفوا أن الكلمة مسؤولية كبيرة سنُُحاسب عليها حسابا عسيرا سيجعل بعضنا يتمنى لو كان تراباً

تحياتي واحترامي

وأشكرك على الموضوع المميز

[تالا]

موضوعك جاء في الوقت المناسب...


فعلا لاتكن برداية رغم ان البرداية شوي عالية....

لكن الاهم ان لا يكون سجادة يتم الضغط عليها بالقدم متى شئن الحسناوات وغير الحسناوات...


تئبر البي

[لبناني]

يا اختي اليشمك

كلامك كلو صح وحلو وفينا ناخدو باتجاهات كتيرة ونلبسوا لناس كتير كتير كتير

ومنشان هيك عمقول انا انو الواحد يعمل من موقع مسؤوليتو ولا يكون ستار لغيرو واذا اخطا فاجتهادو بيشفعلو

انا وضختا تسلميلي قلت اذا اخطا بيشفعلو اجتهادو واستقلاليتو

اما لما يكون برداي فلن يشفع له انقيادو اذا ظلم الناس

اما موضوع سقوط الاقنعة وبيان المرج فهذه شرحا يطول ويمتد ويعممم يعممممم

خلينا بالفكرة ومن جد رايي فكري فيه

الواحد يعمل ضميروا ويكون صاحب مبدا ويكون مستعد ان يقول للظلم لا ولو من اللي اعلى منو

هيك بنام على مخدة وارسو مرتاح ولو اجتهد فاخطا

[*اليشمـــك*]

السلام عليكم

أخي لبناني كلامك جميل وأهم ماجاء فيه:

الواحد يعمل ضميروا ويكون صاحب مبدا ويكون مستعد ان يقول للظلم لا ولو من اللي اعلى منو

لابد أن يقول لا لكل من يظلم .. حتى لو كان أعز الناس على قلبه

صح ؟

عندها فقط ستنام وترتاح على مخدة

عموما أنا أعتبر هذا الموضوع موجه لضميرك وضميري وضمير كل من يقرأه وكل من يحمل موقع مسؤولية

وإن كنت أعتقد أننا جميعا نحمل مسؤولية !!

تحياتي واحترامي وياليت تخصص موضوع عن الأقنعة لأنو عندي كلام عن الكزابين والمنافقين واللي بيحملوا اكتر من وجه

[لبناني]

اليشمك تاخرت بس بعتذر لاني ما انتبهت

بدي اتاسف منك ما رح اقدر حط موضوع عن الاقنعة والكزابين المنافقين متل ما قلتي لاني ما بحب جيب سيرة بعض الناس لانو اذا جبت سيرتن بيحذفو الموضوع وبهددوني بالطرد

وانا فقير معتر ما الي ضهر ولا سند
شكرا لردك مرتين بموضوعي عقبال التالتة

[*اليشمـــك*]

وهي التالتة

معذور خيو

والله يبعتك ضهر

تحياتي