هههههههههههههههههههههههههههههههههههههههههههههههههه هههه

[المنشق]

مرحبااااااااااا ... اليوم اول مره في رمضان اقوم العصر (خوش صيام ) المهم جالس بالبيت طفشان واقلب بهالقنوات ..كلها افلام كرتون وطبخ ..ضاق صدري وعطشت . ..لو امي ماهي مسنتره بالمطبخ كان افطرت ... حسبي الله على سعيدان مسحرني امس كيلو ملح ..

المهم قلت ياولد رح وسع صدرك بالحراج وضيع وقت ... والله واشغل الموتر وانقززز لحراج ابن قاسم ....

اول مالبقت سيارتي بالحراج .. وينقز لي واحد جاني احساس انه من يوم تالده امه ماتروش .. قلت له خير وش تبي ؟؟ قال :: ممكن انا غسل سياره انتا رفيق؟ قلت له انقلع بس السياره وهي وسخه انظف من وجهك ..ويلزق خشمه في خشمي اعوووووووووذبالله كنه شارب سطل ثوم ... قلت له ياخي انقلع مابيك تغسلها .. ويقوم الخبل ويجلس على السياره .. ويقولخلاص يالله روه انا في يجلس هنا ..عاد انا انرفع ضغطي .. ومير اصقعه كف قلبت مخه ... وبأثناء ماايدي راجعه الى مكانها الطبيعي لمحت اسمه مكتوب على صدره .. (جمال حمدان) ههههههه جمال حمدان ... واتذكر الا والله هذا مراقب عندنا بالخيمه ... قلت له انا المنشق .. ويمسك ايدي ويحببها ويصيح المسكين .. يقول تكفى ياعمي لاتعلم اهل الخيمه اني غسال بالحراج .. تراني كاشخ عليهم هناك وحاطيني مراقب .. قلت له ابشر ماني معلمهم ... عاد الحين ماني معلمكم انه غسال بالحراج ........ المهم مااطول عليكم السالفه دخلت الحراج .. واسمع صووووت ينادي على خمسه ياولد على خمسه ياولد .. مابعنا بالكوم الا اليوم .. قررررب ياولد قرررب ياولد .. والحق الصوت ..الا هو واحد واقف فوق حوض ددسن .. ومعه قدور وملاعق يحرج عليها .. وشكله اللهم ياكافي ماتعرف وجهه من قفاه ..
انا يوم شفته شكيت اني اعرفه وقربت منه شوي بتاكد ... قلت له بكم القدر ياولد ... قال بخمسه ... قلت مايجي بريال ؟؟
يوم قلت بريال .. ويرسل علي القدر يمشي مليووون ولا رده الا جبهتي .. قال خذه تستاهل .. اختلطت عندي الالوان وطشر دمي .. وبعد ماخف الوجع شوي .. قلت ليه توافق بريال .. مايطلع بخساره عليك كذا؟؟ قال:: يارجال خذه ولايكثر هرجك .. شرهتك على اللي دفع فيه ريال واحد !!!!!!!! ... يوم عرفت انه سارقه ... تاكدت انه هذا .. دايم .... اخبره الولد اشتغل حرامي بعد ماطردوه من سوق الحمام لانه كان يبيع شروخ وطراطيع للبزران ويستناهم برا السوق ويطقهم وياخذ الطراطيع يبيعها مره ثانيه ....
اخذت القدر غصبا عني .. لاني ان رفضت فهو بيطب ببطني ...قلت فرصه وانا طالع اعطيه للضعيف المسكين جمال يطبخ فيه قطوه ولا يشوف له حل ..
قمت اتمشى بالسوق ... وجا على بالي اشتري فصفص .. واشوف وحده جالسه على بسطتهاقصيررره مرره ولا لها رقبه ومعها عصى وكل مامر من قدامها واحد جلدته بهالعصا ... ؟؟ استغربت انا ليه تسوي كذا ... سالت واحد وشفيها هذي تطق العالم؟؟ قال هذي الله يكفينا وياكم الشر .. مهبوووله .. ومنحاشه من مستشفى شهار بالطايف ... قلت ليه وش صار لها عشان تنهبل.؟ قال: هذي الله يسلمك كانت مضرب المثل بالعقل والثقل والطول والجمال..كانت في يوم تمشي بالشارع وتفكر بالدنيا واحوالها ... وفجأه طاح عليها مكيف من عماره كانت تمشي تحتها .. ومسيكينه انضغطت وصار طولها نص متر .. وبعدها بايام طالعه من غرفتها ونقز عليها قطوو .. وانهبلت من الخوف .. صارت عاد قصيره وخبله .. لكن جميله . وفي يوم من الايام الخبله كانوا طالعين للبر وشافت برميل قاز تحسبه مويه وراحت غسلت وجهها منه .. وعقبها راحت تتدفى عند النار وولع وجهها ولا بقى من ملامحها الا نص خشمها ...المهم
رحت بشتري منها .. ومير تقوم وتمسكني مع رقبتي وتقول اشتر مني ولا والله لاذبحك ميوووووو .. ميووو؟؟ وراها تقول ميو؟ تذكرت عاد القطو اللي باخ فيها المسيكينه .. قلت انشاءالله بشتري وش اسمك انتي ؟؟ قالت انا ندى .. قلت ياحسافة الاسم على هالشكل .. قالت داريه والله بس وش اسوي ..خذيت منها كيلو فصفص بعشرين ..عطيتها خمسين .. ورجعت لي ثمانين ؟؟؟ اللهم حوالينا ولا علينا ..قلت لها غلط عليك .. ماامداني اكمل الا لاحطتني بالعصا مع وجهي .. ودي اطقها لاكن مااقدر مهما كان حرمه .. رحت ادور احد مسئول بالحراج .. والقى واحد سوبر فايزر .. قاعد يشوووت باطفال صغار .. وابوهم يقوله يابن الحلال اتركهم والله ماعاد يعودونها مره ثانيه .. عاد الاطفال .. اللي حافي .. واللي اصبعه مدخلها في خشمه وواصله مخه .. واللي لابس ثوب الظاهركان سماط في بيتهم .. وابوهم مسيكين معه صك اعسار ويدور فيه بالحراج .. عطيتهم المقسوم وتوسطت لهم عند السيكورتي وتوكلوا على الله ...

يتبع ... صراحه تعبت من جد ..

[...etc]

شكل صيامك راح فيها

و اشوا انك ما شفتني

[المنشق]

.

[جمال حمدان]

اللهم إني سائم ..... لو ما كنت سائم كان أنا سوي جنجال لكن الشرهة وايش أقول :::::: المنشق منشق ولو أنه دمه بيلطش زي البقققققققققققق نهيييييييياع وععععععععع

[ندى2]

اااه يالمنشق شفت الزمن شلون

انا الحين احسن بس ما شفتني قبل شلون كنت

انت عطيتني خمسين رجعت لك ثمانين

اول كنت امشي واوزع الباقي

خسرت في تجارة الفصفص بيني وبينك وشو الفصفص؟؟؟؟؟؟؟؟؟

اخاف كلمة مب زينة وانا قاعدة اعيدها

والله يا ويلك اذا كلامي طلع في محله.

المهم ابشرك انشالله كلها كم يوم واروح اتعالج

بس الحين قاعدين يجمعون لي قيمة التذكرة والعلاج
ما تشوفني ابيع الـ.........

لاني ابي اروح فرنسا اسوي عملية تجميل

وبعدين خل اعطيك وجه يالدب

[هنــد]

المنشق كل هذا يطلع منك
والله زين سوت فيك ندى
لما جابتك بالعصى
حتى تعرف انها ما تلاعب
ندى تعالي شوي
.
.
.
.
.
.
.
.
.
.
.
.
كم مرة قلت لك لا تقعدين في ذاك المكان

زين الحين فضحنا هالمنشق

الله يقطع ابليسك بس
الحين وين اودي وجهي

احسن شي لا اعرفك ولا تعرفيني

مع السلامة

[ندى2]

هنود
انتي والزمن والمنشق
تعالي اسمعي السالفة بالاول وبعدين ازعلي

[هنــد]

ندى بغيت اروح واخليك

كسرتي خاطري

عرفتي وشو الفصفص؟

هو الحب...

بفتح الحاء

لكن الصراحة يا ندى

كنت روعة في الفلم

بس شفتي شلون راعي العسل

طلع مؤلف داهية...

خلانا نعيش الموقف من صج

[جمال حمدان]

الأختان ندي2 وهند
كل عام وانتما بخير

ودي اعلمكم عن المنشق ايش كان يسوي في يوم العيد لما كان زغيرون يعني قبل اربعين سنه من اليوم ....

هذا يا طويلات العمر كان ابوه يتنكد مرة لما يتصبح فيه ..ودوم يقول لام المنشق واللي يرحم والديكي خللي هالملقوف هذا ما يصابحني من صباح الله ..ترى لما اشوفه يومي يركبه مليون عفريت ..

يوم العيد من صباح ربنا تنح الملقوف قدام الغرفة اللي فيها أبوه على بال يومن يقز أبوه يقوم يحب على ايدينه ابراطمه الزينين علشان ابوه يعطيه ريال والا ريالين ..... لكن ابوه - واللي يسلمه قزه من نقرة الباب وشيع أمه عشان تخفيه في اي مكان ..... وبالفعل عملت اللي يسلمها زي ما قال لها ابو المنشق ... قام المنشق زعل من حركة أبوه النص كم ومد براطمه شبرين ( يا حلاته وهو قايم من النوم وزعلان) وقال يا فكيك على البر .....
تدرون وايش كان يساوي في البر ؟؟؟؟؟

أييييييييشششششششش ؟؟؟؟؟ كان يصيد ظب ويبيعهن لجارتهم أم زعيقان.. لكن للأسف طول عمره المنشق من يومن وهو زغيرون وهو غشاش ... كانت جارتهم أم زعيقان عمشه ودوم أتصوم بعد ما يقلط من رمضان أربعة والا خمسة ايام يا الله تشوف الهلال .. وكان المنشق يستغل نص عماها ويبيعها حراذين مع الظب والحرمة على نياتها ...

الله يفشلك على رأي أخونا الدايم .....

وكل عام والجميع بخير ومعذرة على لهجتي الفرانكوبدونجدية

[ندى2]

اهلين صاحب اللهجة الفرانكوبدونجدية

الحين المشكلة مب في هالخبل اللي عندكم

المشكلة ان باربي ماقالت لي ان الخيمة فيهاخبلان درجة اولى

كل اللي عرفنا منهاان فيها واحد ما عنده اسنان

أذتنا من كثر ما تطلب منا نسجل

واخر شي خلتنا وراحت

لكن خل ترجع ان ما سويت معها الكاميرا الخفية ما اكون ندى

اخليها تنسى اللي ذاكرته للامتحان كله.