مجلة الخيمة حوار الخيمة دليل المواقع نخبة المواقع Muslim Tents
التسكين المجاني التسكين المدفوع سجلات الزوار بطاقات الخيمة للإعلان في الخيمة
الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

العودة   أرشــــــيـــف حوار الخيمة العربية > القسم الترفيهي > خيمة الصور واللقطات
اسم المستخدم
كلمة المرور

المشاركة في الموضوع
 
خيارات الموضوع بحث في هذا الموضوع طريقة العرض
  #1  
قديم 19-12-2006, 10:15 AM
*سهيل*اليماني* *سهيل*اليماني* غير متصل
عضو مميّز
 
تاريخ التّسجيل: Jan 2006
المشاركات: 1,467
إفتراضي لحظة .. انقطاع ...

الرد مع إقتباس
  #2  
قديم 19-12-2006, 08:56 PM
على رسلك على رسلك غير متصل
سـحـابة ظــــل
 
تاريخ التّسجيل: Jul 2005
المشاركات: 6,053
إفتراضي

إقتباس:
المشاركة الأصلية بواسطة *سهيل*اليماني*


طــواه الـردى عني فــأضحى مــــزاره,,,,,,بــعـــيــداً قــربي قـريـباً على بعدي
__________________
الرد مع إقتباس
  #3  
قديم 20-12-2006, 04:39 AM
على رسلك على رسلك غير متصل
سـحـابة ظــــل
 
تاريخ التّسجيل: Jul 2005
المشاركات: 6,053
إفتراضي

يبـــه ... ويـــن ... امي ؟


--------------------------------------------------------------------------------

من يومني صغينونه وانا محرومه من خدمة امي لي والسبب ان امي دايمن مريضه على فراشها

كنت احيانا افتح عيوني الصبح على صوت ابوي وهوداخلن مع الباب شايلن فوطه فيها خبز وقدر صغير فيه فول ... يحطهم على المركا .. ويقوّم اللي نايمن فينا .. وأختي الكبيرة ( نوره) في المطبخ تسوي الحليب .

ثمّن تجي تاخذني من يدي وتغسّل وجهي وتفطرني انا واختي ( هيــا ) وتلبسنا مراييلنا وتكدّ شعورنا وتزين شرايطنا وتحط لكل وحده فسحتها في شنطتها ... ويمسكنا ابوي كل وحده بيد ويودينا للمدرسه ...

اما اختي نـــوره ـ الله يعدّي عنها ــ تركت المدرسه وهي في سنه خامس ابتدائي ... مدري هي تركتها من نفسها والا ابوي هو اللي قعّدها ؟
اللي اعرفه ان اختي نوره ــ الله يعافيها ــ كانت هي المسئوله عنّا انا واختي ( هيا ) ... تلبسنا وتوكلنا ووتغسلنا وتذاكر لنا واذا تشاقينا ... تهاوشنا .. واذا زعلنا تراضينا ــ الله يذكرها بالخير ــ وكانت دايم تقوللي :
يا ... لطيفه .. عن الشطانه خلّـوا امنا تنوم ... لاتصجونها ترا بيعاقبنا ربي ..
اما امــــي ... : ياحبيبيتي يامي...

كنت اقوم من نومي في بعض الليالي وماألقاها في فراشها ... اروح اقوّم اختي نوره واسألها : نوره ... وين امي ؟
تقول لي وهي تصدّ بوجهها عني : وداها ابوي للمستشفى ..

ـــ هماه ودّاها ذاك اليوم ؟ كل يوم يوديها

وألاحظ دمعه عنيده في محاجر عيون نوره تحاول توزّيها : هالحين بتجي حبيبتي ... روحي نومي في فراشك .
وأعوّد لفراشي واتكوّر فيه وانوم ... واذا قمت الصبح لقيت امي في فراشها وابوي داخلن علينا بالخبز والفول ..

كان هذا حالنا ... كــــم سنه ...
امي في فراشها مريضه ... يخدمها ابوي ... ابوي الصابر الحنون العطوف .. المؤمن ... واخت مسكينه تحمّلت المسئوليه مبكّر شالت بيت وهمّ اكبر من سنها واجد و ( دقّــــت حالتها ) اللي يشوفها مايعرفها .

ومع كل هذا . نحاول نضحك . نحاول نخلي البسمه مقيمه ؟؟!!

في مساء يوم . حسّيت انه فيه شي حاصل في البيت ... بس مدري وشو ؟ ...
جتنا عمتي ( شيخه ) وخذتنا لبيتها انا وخواتي ( نوره وهيا ) ... كانت ساكته طول الطريق ... ويوم دخلنا بيتها قالت لختي نوره : خذيهم وانا امك للحجره وغيّري هدومهم الين اسوّي العشا .

اختي هيا سألت نوره : حنّا بنرقد فيذا ؟
ـــ ايـــــــــــــه
ــ مانّاب معوّدين لبيتنا

ـــ الاّ ... باكر انشالله
ـــ اجل مانّاب رايحين المدرسه باكر

ـــ لا ... باكر بتقعدون
دخلت علينا عمتي شيخه وقالت لنوره : يالله يمّه العشا زاهب .

تعشينا ونمنا ... و .. تالي الليل قمت من فراشي ورحت للحمام .. لقيت عمتي قاعدتن تصلي في المجبب ... وتدعي وهي تصيح ... استغربت ... مهوب عشانها تصلّي ... عشانها تبكي ؟ انا اشوف كل الحريم يصلّون بس مايصيحون طيب ورا عمتي تصيح ... مافهمت ...
عوّدت لفراشي عقب الحمّام وانا خايفه وحاسّه بضيق مدري وش سببه ... وحاكيت نفسي .. وانا اتنافض ... ليتنا نعوّد بيتنا بس وانوم جنب امي .. امي حبيبتي المسكينه اللي ماقد ربطة لي شريطه والا راجعت معي دروسي وحفّظتني ..

امرحنا عند عمتي شيخه وتمّينا يومنا كله عندها ... لعبنا مع عيالها ...

لكن اختي نوره مدري ليه طول اليوم وهي قاعدتن مع عمتي تسولف معها بشويش وتصب لها القهوه ... كلامهم شوي وسكاتهم واجد .؟؟؟

عقب العشا جانا ابوي وسمعته يقول لختي نوره تبون تروحون والا تمرحون الليله بعد ؟
قالت اختي : ازين نروح ........ البنات وراهم دراسه .

قالت عمتي : خلّهــم يقعدون مهوب لازم دراسه هالسبوع .
رد عليها ابوي : لا يابنت الحلال قعادهم مايغير شي دراستهم احسن لهم ... لبسيهم خلينا نسري .

و ... دخلنا بيتنا .. ورحت اركض للمكان اللي خابرتن امي نايمتن فيه .. لكني مالقيتها .... ولا لقيت فراشها ..
عوّدت لبوي اسأله : يبه وين امي ؟

ناظرني بحنان و ... سكت . التفتّ ادوّر نوره ابسالها .. مالقيتها ... كانت صاكتن عليها الغرفه ... و .. ( هيا ) جلست مكان فراش امي وعقدت مصابعها في حظنها ورفعت راسها تناظر فينا بكل براءه ..

حاول ابوي يغيّر الموضوع ... قال : وش تبون نجيب عشا يابنات ... لكن( هيا ) كررت السؤال : يبه وين امي ؟

وكان لازم يجاوب ابوي : امـــك عند ربها يابنتـــــي .

عقولنا الصغيرة مااستوعبت المعنى ... قلت له : بتجي بكره ؟ قال : لا ماعادهيب جايّّه .
قالت ( هيا ) : اجل ودّنا عندها .

صوّت ابوي لنوره وقال لها : تعالي يابنتي اقعدي عند خواتك الين اجيب لكم عشا .

ليله وراحت ... باقي تفاصيلها ماتـــــنذكر ...

بكره الصبح ... رحنا للمدرسه وكل المدرّسات كانوا دارين وش اللي صاير وفاهمينه والظاهر ان المدرسه كلها تعرف الا انا و ( هيا) عشان كذا كانوا طيبين معنا حتى مدرّسة الحساب اللي ماتحبني مدري ليه صارت تحبني ...

انا و(هيا) بس اللي ماعرفنا ان امي ... ماتت .

وقعدنا شهور انا و(هيا) نسأل ابوي وهو داخل وهو ظاهر ... هذا الاب الحنون الصابر المؤمن ... يمكن نلقى عنده جواب نفهمه ... جواب عن سؤالنا اللي صار يتيم مثلنا ...

: يبـــه ... ويـــن ... امي ؟؟؟؟


منقول...
__________________
الرد مع إقتباس
  #5  
قديم 20-12-2006, 08:26 PM
دايم العلو دايم العلو غير متصل
مشرف عام
 
تاريخ التّسجيل: Jul 2003
الإقامة: السعودية
المشاركات: 7,232
إرسال رسالة عبر MSN إلى دايم العلو
إفتراضي

آآه يا كل يا آمالي ..
تركتني وحيدة في هذا العالم ..
من سيحميني .. ؟؟!!
من سيوصلني إلى مدرستي .. ؟؟ !!
أنتظرتك بفارغ الصبر أمام بوابة المدرسة لتأتي وتأخذني كما هي عادتك ..
ثم تذهب بي إلى ( البقالة ) لأشترى بعضا من الحلوى
وطال انتظاري لكن دون جدوى ..
أتاني خبر أنك هنااااك ..
مشيت أجر حقيبتي تارة وأحملها على ظهري تارة أخرى
أتيت إلى هذا المكان ولأول مرة ادخله
وقفت أحاول أن أتماسك لم أستطع
سقطت على رجلي .. همومي تسبق دموعي
لحظات خانقة .. لحظات تمزق فؤادي .. تمزق جوارحي وإحساسي
آآآه يا أبي ..
غصت في حلقي ولوعة في صدري وأنات تمزقني ..
كيف هو حالي بعد رحيلك .. ؟؟!!

أبتاه .. ياقبراً ظمه ..
أبتاه .. يامن قد أحاطت به الظلمة ..
أبتاه .. يامن روحه ارتفعت إلى بارئها
أبتاه .. ياكل آمالي ورجائي ..
أبتاه .. جمعني الله بك في الفردوس الأعلى مع النبيين والصديقين
__________________


فضلاً لا أمراً .. اضغط بالفأرة على الصورة ..
الرد مع إقتباس
  #6  
قديم 28-12-2006, 04:22 AM
maher maher غير متصل
رب اغفر لي و لوالدي
 
تاريخ التّسجيل: Sep 2004
الإقامة: tunisia
المشاركات: 2,978
إرسال رسالة عبر MSN إلى maher إرسال رسالة عبر بريد الياهو إلى maher
إفتراضي



هذا الطفل كان قبل أيام كأي طفل يفخر بأبيه

كان هذا الطفل ينتظر عودة أبيه من العمل كل يوم

ولكن قبل أسبوع اختار الله أباه ليرحل من هذه الدنيا بحادث سيارة

بقي هذا الطفل مع أمه واخواته الصغار ليس لهم إلا الله ثم أهل الرحمة مثلك

اليوم وأثناء رجوع هذا اليتيم من المدرسة مشياً وقف على قبر أبيه

خنقته العبرة

لم يصدق أن والده الذي كان معه قبل أيام أصبح في عداد الموتي

لم يصدق أنه أصبح يتمياً وأن أخوته أصبحو يتامى مثله

ينادي والده ويبكي بجوار قبره ولكن ما من مجيب

هل تكسب أجر هذا اليتيم وتمسح دمعته ؟

هل تريد أن أن تكون من الرحماء الذين يرحمهم الله ؟

باستطاعتك كفالة يتيم مثله فقط بمائة ريال سعودي شهريا أي ما يعادل 27 دولار فقط في الشهر

قال رسول الله صلى الله عليه وسلم ( أنا وكافل اليتيم كهاتين في الجنة وأشار بأصبعه السبابة والوسطى )

فقط باتصال هاتفي يأتيك المندوب وتختار اليتيم الذي تريد من قائمة اليتامى لدى الندوة العالمية للشباب الإسلامي 038425116

وبإمكانك التحويل لهم مباشرة من أي بنك او زيارة موقعهم على الانترنت :

http://www.wamyeast.org/committees_3_1.aspx

أن لم تكن تملك القدرة المالية لرحمة هذا اليتيم فلا تبخل عليه بنشر هذه الرسالة بين أصدقاءك وفي المنتديات العامة وتأكد أن الدال على الخير كفاعله وهذا ايميل لجنة الأيتام

yateem@wamyeast.org


من البريد
__________________


و جعلنا من بين أيديهم سدا ً من خلفهم سدا ً فأغشيناهم فهم لا يبصرون

قال صلى الله عليه وسلم:

ما من عبد مسلم يدعو لأخيه بظهر الغيب إلا قال الملك: ولك بمثل
ً

كن كالنخيل عن الاحقاد مرتفعاً *** ترمى بحجرٍ فترمي اطيب الثمر
الموسوعة الكبرى للمواقع الإسلامية
الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع

حوار الخيمة العربية 2005 م