قلتها كلمة وحكيمة..

[منال درويش]

قلتها كلمة وحكيمة
ضاعت الحكمة القديمة
في الملامح والخطوط
والحزن عشش في البيوت
بين ايدين الاخطبوط
قلت جايز يجي بكرة
يمحى من قلبي الجمود والذل
اوح يمسح دمعة حايرة من عيون الكل
مش عشانك أو عشانى
ح اكتب واقول ما ح امل
لأ عشان ابنى وابنك
نمحى عار الانكسار والذل..


قلتها كلمة وحكيمة
لما شاب الطفل فينا
والأمانى المستكينة
لما مات النور
وغرقت بينا أحلام السفينة
وانتحر ضى القمر
لما دقنا الشهد مر
والحنين للوطن دايماً يغر
يلاه نرجع ..لا مفر
العروسة لابسة توبها
والفتى مستنى دوره
لجل يرجع للحبيبة
ليها ح يعدى بحوره
نهر فايض من محبة
حلم تتأصل جذوره
وانتى شاهدة يالحبيبة انى راجع
مهما كان الجرح دامع
مهما كان القلب شاهد ولا سامع
انى سيبتك غصب عنى
وانتى جوة القلب نينى
بس نفسي يبقى عندى جلابية ،
جديدة نوفى
حتى اقابل بيها احبابي وضيوفى
غربتى يمكن طويلة والسبب ايدى العليلة
والأمانى المستحيلة
اسمعى همسى وشوفى
آه بحبك ..بس لكن من سكات
عشت فيك العمر كله باصحى ع الاحزان وابات
لما احس انك غريبة عن عيونى
والحقيقة فيكى ضايعة
والفساد فارد دراعه
لما يبقى مسلمات
باتخنق وأفور وأغلى وارمى نفسي
في حضن غيرك
من سكات..!!
ليه يا (وطنى) تقل خيركْ.
ينتحر حلمي وضميركْ
لما مات العدل فيكْ
يوم بكيت ليه وليكْ
قلت رايح
مش راح ارجع
وانتَ جرح في قلبي يوجع
باشتكيكْ بس ليكْ
عمري ما داعيت يوم عليكْ
وانتهى بيا المطاف
اركب الموجة ..ما اخاف
دوست على قلبي اللي شاف
فيك يا وطنى سنين عجاف
قلت اضيع وسط الخلايق
مهما خانتنى الحقايق
مش ح اقول أنا كنت راضى
باللي حاصل واللي ماضى
كنت ثاير
جرحي غاير
شوكة في قلب الضماير
واللي راح زي اللي شاف
مش ح تفرق!!
قلب حاير
عشت الملم في الفلوس
اللي داست ع النفوس
واللي خان اهله عشانها
دوس على الناس بيها دوس
والسنين مرت طويلة
والايدين ما بقت كليلة
قلت ارجع
عايز اسمع
صوتها تانى
مش ح اكون انسان انانى
عايز اكون ليها وبيها
لجل ابنى مش عشانى

قلتها كلمة وحكيمة
يلاه راح نركب سفينة
والشراع مفرود يشاور
ع الحبيبة أم البشاير
مهما كان البعد بينا
ح التقيها بحلمى طاير
كنت واحد من الاف
عدى بحر الخوف ما خاف
انا شوفت لحظة موتى صورة مش خيال
الارض تصرخ ع الولد لأ والجبال
وعنيا غرقت في الدموع
انا شوفت موتى وسط بركان الخضوع
السفينة لما مالت مالت الاحلام معاها ، بدون رجوع
قلت اصرخ يمكن القى حد يسمع
ولا عين تبكي وتدمع
طائر النورس حزين
كان بيسأل أنتوا مين ؟!
قلنا : غلابة ومحرومين
اترمينا في حضن ما بيرحم جنين
ولا يشفع للامال جوانا أو حتى الحنين
آآآه يا وطن المظلومين
الف واحد منا ماتوا
مين ح يحمل ذنبنا؟!!
ولا يدافع عننا
وصل المطاف بينا يتاجروا في دمنا
وفي لحمنا
ولا عشان اكمننا
من الغلابة المحرومين
اللي داقوا م الهوان مر السنين
تاجروا في قوتنا وحلمنا

والعتمة ليها ميت دليل
القلب صارخ
والعذاب في حشانا جارح
واللي ماتوا مش قليل
لما مات فينا الضمير
انهزمنا كلنا ..
واللي هزمنا ،حبنا ليك يا وطن
بيصوروك دايماً بخيل..!!!!!

[أسعد المصري]

عندما يموت الضمير ويستبدل الدرهم بأرواح البشر ودمائهم .. فعلى الدنيا السلام ..

ما أجملها من كلمات .. وما أسماه من إحساس ..

لنصلي معا راجين الرحمة لمن مات .. والصبر لكل من فقد عزيزا في حرب الضمير ...

تحية لك أختي الكريمة ولقلمك الجميل .

[منال درويش]

أخى الكريم / اسعد المصري
تحية غالية واشكر لك مداخلتك
ونعم نحن في حرب ضمير لكن دولة الظلم ساعة ودولة الحق تقوم الى قيام الساعة

مع اطيب التحية وارق الامنيات

[أتمنى]

ما أدري بس أحس الكلام يدور حول عبارة السلام ...فعلاً الانسان رخيص في عالمنا العربي آآآآآآآآه يالقهر شكراً لك منال

[منال درويش]

اتمنى
دعنى ارحب بك أولاً واشكرك على مرورك وفعلا ايها العزيز هى بعينها وموتاها
وحسبنا الله ونعم الوكيل فيمن يتاجرون بارواح الناس واقواتهم

دمت لنا ودام تواصلك

[العنود النبطيه]

المشاركة الأصلية بواسطة منال درويش

لما مات العدل فيكْ
يوم بكيت ليه وليكْ
قلت رايح
مش راح ارجع
وانتَ جرح في قلبي يوجع
باشتكيكْ بس ليكْ
عمري ما داعيت يوم عليكْ

آآآهٍ يا وطني الحبيب
تغرس في خاصرتي الخنجر وانظر اليك أُهديك ابتسامة
تزرع في عيني الحزن فأُهديك وردة
وتقطف من عمري سنة فأهبك شمعة

نعم يا حبيبي
لاني اعلم ان بعض ابناءك العاقين قد اقترفوا باسمك الجرم
لاني اعلم انك من دمي براء
ومن جرحي براء

فانت الحنون
ولا تتقن الا فن الحب لابناءك
فدم حنونا يا وطني

آآآه يا وطن المظلومين
وصل المطاف بينا يتاجروا في دمنا
وفي لحمنا
ولا عشان اكمننا
من الغلابة المحرومين

تبا لهم
باعوا دمي واشتروا به ورقا يكتبون عليه تصريحاتهم
باعوا جسدي واشتروا به كؤوسا ليثملوا بها
شلت ايدهم التي استباحت دم المواطن وأحلامه

تبا لهم
من امتهنونا لاننا من المحرمين
وهم الذين زرعوا الحرمان فينا

لما مات فينا الضمير
انهزمنا كلنا ..
واللي هزمنا ،حبنا ليك يا وطن
بيصوروك دايماً بخيل..!!!!!

مات فيهم الضمير
بعد موت كل شيء اخر فيهم
وهزمونا بالداخل يوم افقدونا الثقة فينا وفيهم

ولكن
يبقى حبك يا وطني
الزهرة التي تنثر العبير بارجاءنا
والتي تزيّن بألوانها صحراء ظلمهم القاهرة الظالمة

وتبقى انت يا وطني
الصلة التي تربطني بالامل
وبالحياة

فدم لي يا وطني

وانتظر ان تلفظهم من احشاءك الطاهرة
وتلد لنا غلابا ومحرومين للحب فقط
منا وفينا
فاننا من امثالهم يكفينا

رائعة انت يا منال
واهلا بعودتك ايتها الحبيبة بعد الغياب
ومرحبا بالحبيبة مصر تتنفس بين كلماتك
ومرحى لكل الغلابا الذين تتحدثين باسمهم
ودعواتنا بالرحمة للذين قضوا في حادث عبارة السلام
وتعازينا لذويهم المكلومين

[منال درويش]

الغالية عنود
حبيبتى لا ادر كم من الوقت مر على الغياب
لكن كل ما اعلمه اننى اعود بجرح جديد وتأكدت ان هكذا يولد الشعر
شكرا لمداخلتك التى لا تقل اهمية ولا روعة عما كتبت
والخلاصة اننا ننتظر من الله ان ينتقم من هؤلاء المتاجرين بارواحنا طالما ان ليس بيننا من يقول لا وينتفض طرداً للفساد وزالمفسدين

تحياتى الخالصة لك وكل الحب

[المشرقي الإسلامي]

كل شيء فيك يا مصر يغلو ...إلا الإنسان
لعل علماء الرياضيات اكتشفوا الصفر وما قبله من أعداد سالبة لأنهم كانوا على علم بأنه سيأتي زمان يؤتى فيه بشيء في مصر اسمه الإنسان.. وشر البلية ما يضحك
كلمة ..وحكمة

[منال درويش]

نعم سيدى كل شيء ترتفع اسعاره ونتهافت على شراءه الا الانسان المصري رخصوا ثمنه فرخص في عيون الاخرين وفي عين نفسه لا بارك الله في اناس تاجروا بنا وبدماءنا
حسبنا الله ونعم الوكيل

تحياتى

[يتيم الشعر]

أختي المنال
تحية عاطرة لك ولحرفك الرشيق
كم كنت أتمنى لو أقرأ لك في ظروف غير هذه ، وأن أقرأ لك ما به النفس تفرح والصدر يُشرح ، لكنها مأساة لم يغرق فيها البشر فقط بل غرقت معها القيم والضمير

بانتظار المزيد من روائعك يا أختي