ماما .. .. .. أمريكا .. .. ؟

[das6]

ماما أمريكا قلبها حنين وكله حنية
ولم يعجبها حال ابنائها العرب

وصعبوا عليها
لوجود فروق فى الدخل بينهم

فأعادت تقسيم الثروة
وهى تأخذ من الدول النفطية العربية

وتعطى أبنائها العرب ذات الدخل المتواضع
بالدول العربية غير النفطية

بس المهم يسمعوا كلامها كلهم
اللى بيعطى قبل اللى بياخد
ومايزعلوش اسرائيل

واسطولها أما يييجى يزورنا
نستقبله بالبشر والترحاب
ونشكر المولى على سلامة الوصول

وهى كانت زعلانة شوية من أبنائها الفلسطينيين
ولكنهم صالحوها وباسوا رسها
وهم دلوقت سمن على عسل

وعرفوها أما يشتموها ماتزعلش منهم
عشان ده للاستهلاك المحلى فقط
واللى فى القلب فى القلب

عشان كده هى مكبرة دماغها ومابتزعلش

وعلى فكرة هى مش بخيلة وايدها فرطة وسخية

وصعب عليها ابنائها الفلسطينيين بعد الصلح
وقررت لهم نفقة سنوية ومصروف جيب شهرى

بس المهم يخفوا شوية عن اسرائيل
ابنتها آخر العنقود
والعسولة الأمورة دلوعة العم سام

عشان كده ياسر عرفات بيجرى على أمريكا
لو بس شاف أى اشارة منها
لأنها تعتبر الأم الحنون اللى ماجصرت

أما باقى العرب فلهم زيارة سنوية لأمريكا
بغرض الاطمئنان على صحتها
وعدم قطع صلة الرحم وزوى القربى

والنبى وصى على سابع جار
والسفر له سبعة فوائد

وهكذا لن نتخلى عن ماما أمريكا
واخوتنا أبناء العم سام زوج ماما أمريكا


تحياتى
محمد داس das