كيف أربط . البريد على الــ OUTLOOK

كوكتيل · #1 27-05-2002, 07:46 PM

السلام عليكم

أخواني الافاضل ..

إذا كان عندي بريد في الهوت ميل مثلا . . .
و أبغى أستخدم الــ OUTLOOK ... حتى يكون هو المتلقي
الاساسي للبريد بدون ما اذهب للهوت ميل ..

ما هي الطريقة بالتفضيل الممل ؟؟

لا تنسون .. الممل

حواس · #2 28-05-2002, 03:03 AM

يا هلاااااااااا وغلاااااااااااااا بكوكتيل افندي

وابشر باللي يسرّك .. بس ما ادري هل بيكون شرحي بالممل وإلا لأ .. عاد انت تحدد ؟!

المهم ... من قائمة tools اختر Accounts سيظهر لك مستطيل اختر منه Add وبالطبع Add تحتوي على الكثير من الخيارات .. لكن اختر Mail ، وعند قيامك بما سبق .. سيظهر لديك مستطيل يطلب منك معلومات .. قم بتعبئتها على النحو التالي :

**من النافذة ( الاولى ) اختر منها اسم حركي .. وهذا الاسم سيظهر لكل من يستقبل اي رساله من رسائلك ..بعدين NEXT

** من النافذة ( الثانية ) امامك طريقين .. اما ان تكون تملك عنوان بريدي وتريد استخدامه هنا .. فعليك اختيار الاختيار الاول ثم كتابة بريدك هناك ....
او ان تكون لاتمتلك عنوان بريدي وتريد فتح عنوان بريدي فقم باختيار الخيار الثاني وقم بفتح بريدك الجديد لدى الهوت ميل .. بعدين NEXT

** من النافذه ( الثالثه ) قم بتحديد نوع الخادم الذي تستقبل منه بريدك .. وهي على التالي :

مزود البريد الوارد POP وتكتب في الفراغ الأول pop.hotmail.com

ومزود البريد الصادر SMTP وتكنب في الفراغ الثاني hstmp.hotmail.com .. بعدين NEXT

** من النافذه ( الرابعه ) قم بكتابة اسم المستخدم الذي سجلته بالعنوان البريدي وكلمه السر التي سجلتها هناك كذلك ثم ضع علامه صح امام العباره remember password اذا اردت ان تسجل كلمه السر اتومتيكياً عند عمليه التشييك على البريد .. بعدينNEXT

** الان اضغط على FINISH لتتم العمليه وتستقبل بريدك على الاوت لوك .

وبالتوفيق ... بس انتبه للفيروسات لأن الأوت لوك يحمل الرسائل وبس .. بدون ما يفحصها .. وهذا حسب علمي .

هاه بشّر .. الشرح ممل

كوكتيل · #3 28-05-2002, 08:54 PM

المهلي ما يولي .. حواس باشا

<==ليست واحده بل إثنتان

و لله شرح .. يفتح النفس .. و من شدة ما هو رهيب .. قريته خمس مرات

الله يعافيك .. و يسلم ذا الأنامل اللي طقطقت على لوح المفاتيح

أما الفيروسات ... فبكيفهن .. .. الكمبيوتر (( يفرمت )) كل أسبوعين

أنا ما أخفيك .. أعرف شوي بس يوم جات pop دقرت و بحلت بعمري

لكن ..

ما دام حواس الخيمة فيذا .. عز الله اللي (( لا مشكلة ))

بس ودي اسأل <== و لله النشبه

وش معنى SMTP .. ولا عليك أمر

شكرا جزيلا على التوضيح

كوكتيل · #4 28-05-2002, 09:00 PM

أخوي حواس .. <=== النفس شاينه

سويت اللي كتبت (( بحذافيرها )) و سويت أتصال
و بعد أقل من ثلاث ثواني كتب الاتي :
تعثر العثور على ملقم الحساب POP3 ملقم pop.hotmail.com

وش رأيك .. وش السوات

حواس · #5 29-05-2002, 02:35 AM

ياهلا والله بكوكتيل افندي ..

وتسلم على هالإطراء اللي ما استحق ولا ربعه

وبالنسبه لرسالة التعذّر .. حاول تغير في ملقم البريد الوارد ( اللي هي النافذة الثالة ) وتلقاها في اعلى الصفحة .. وعلى شكل قائمه منسدله وتخليه pop3 وانشاء الله بتضبط ..

وههههههههه وبالنسبة لـ SMTP
هي الـ Simple Mail Transfer Protocol وهذي للبريد الصادر .. والـ pop للبريد الوارد .. أقول ... الله من اللكاعة في ذا الراس يا كوكيز

كوكتيل · #6 29-05-2002, 05:25 PM

مااااااااااااااااااش .. شكل الـ outlook حقي مرقوع بعين

ما طاع . . أخوي حواس . . المشكلة نفسها ما تغيرت

بس أنا ودي (( أفتي ))

الحين ذي pop صح كذا أو أخليها pop3

و لله راسي أنقلب .. من كثر التجارب

أقول .. وش رأيك (( أفرمت )) الجهاز يمكن فيه فيروس لاصق فيه

أفيدونا .. أفادكم الله

.. يا شيخ حواس

حواس · #7 30-05-2002, 02:29 AM

هلا < ~~~~ كنه ملّ شوي

والله غريبه .. انا متأكد من الاعدادات هذي ؟!!!

بس قل لي من وين غيرت الـ حخح3 قصدي الـ pop3 ؟

الملقم تخليه زي ماهو pop.hotmail.com

والـ pop3 تغيره من القائمه المنسدله .

بس تأكد من عملية النسخ واللصق .. يمكن نسخت معها مسافه .. حاول مره ثانيه .. اكيد بتضبط

كوكتيل · #8 31-05-2002, 01:49 PM

حواس باشا ..

أنسى الموضوع .. المشكلة لا هي من الكمبيوتر ولا منك

المشكلة من شركة الهوت ميل <=== ما عاقت و صرفها

عشان كذا خل (( أبرق )) لهم ببرقية .. كود أنهم يحلون المشكلة

و أنا في غاية الاسف و الاحراج .. على الشحططه اللي سويتها لك

و أستر ما واجهت <== يسمع بها

حواس · #9 06-06-2002, 02:07 AM

يا هلا بكوكتيل افندي ..

يقولون ما تقدر تستقبل بريدك في الهوت ميل او الياهو عن طريق الاوت لوك لانه صار بفلوس!
لكن فيه برنامج اسمه Web2Pop تستطيع من خلاله استقبال بريدك .. شف هالرابط وانشاء الله يفيدك

شرح برنامج Web2Pop

وبالتوفيق ,,,,,

كوكتيل · #10 10-06-2002, 09:15 AM

حواس باشا

أجعلي ما أبتسيك

و لله أني مستحي منك .. دوختك و أنا ما أستاهل

حبيبي .. اللي بقروش .. ينعاااااااف ما نبغاه

ما دام فيه غيره .. ببلاش

و الف شكر على الرابط اللي أنت حطيت
و نخدمك في أحسن و أفضل منها ..
عسى الله يجيب الفرصة ... بس