فهد ) علو في الحياة وفي الممات !

[قلم المنتدي]

الله وأنت المرتجى يا رب زمـزم والحطيـم
تحفظ ملكنا ياكريـم وتنقـذه مـن كـل شـر
يا خادم البيتين بـرقٍ لاح مـا يخفيـه غيـم
والغيث لامن لاح برقـه هـل وبلـه وأنهمـر
يا غيثنا لاصار وجـه الوقـت متغيـر دميـم
يا بدرنا اللي يختفي مـن نـور مبـداه القمـر
الله يديمك للوطن يـا البانـي الشهـم الحليـم
والله يقيك من الشرور ويمنحك طـول العمـر
يا خادم البيتيـن حبـك فـي مشاعرنـا مقيـم
نشكي إذا منك شكيـت وغالـي الدمـع أنتثـر
مقدام ما أغرتك الحيـاه ولا متاهـات النعيـم
عشت وطموحك في الحياه النصر يقفاه النصـر
كم من خصيمٍ رامنا نسي إن فهد هو الخصيـم
بغى يصير المبتـدأ وبحكمتـك صـار الخبـر
في ظل حكمك أستوى سعد المواطـن والمقيـم
كفك تجود بغيثهـا مثـل السحايـب والمطـر
أسرة زعامه والزعامـه فـي وطنـا للزعيـم
فهـد العـرب سياستـه يزينهـا بعـد النظـر
من ربع قرن وموطني يهنأ ويحيى فـي نعيـم
عنوانها أمن وأمان وعـدل بالشـرع أنتشـر
رحلة عمر تكللـت بالطيـب والخيـر العميـم
ما أنتاب موطنـا بهـا لا مضنيـات ولا كـدر
يا كم حملت همومنا يا صاحب القلـب الرحيـم
وياكم رفلنا بالمنام وعينـك أضناهـا السهـر
يا كاسي أجساد العرى يا كافـل الطفـل اليتيـم
يا منجد الشيخ المسن إذا أنحنىمنـه الظهـر
جارك إذا منه شكى مـن سكـة الأيـام ضيـم
تبذل معه جهد الشجيع وتنقـذه يـوم الخطـر
مسارك الخط السوي منهاجك الشـرع القويـم
مدارك أعلى من الجدي وصدرك أرحب من بحر
لك هيبة الرجل الحكيم و سطوة السيف الصريم
لك طيبة الأب الحليم يا صاحب الوجـه الأغـر
كفك ندي وجهك ندي منك الندى وأنت الكريـم
وأنت الوفاء كل الوفاء وأنت المليـك المعتبـر
يا باني المجد الجديد يا حافـظ المجـد القديـم
الله يديمـك للوطـن ويبقيـك للأمـه ذخــر