طلبات الحريم من طقطق لسلام عليكم

ألوان · #1 26-10-2002, 08:25 AM

ارجووووووووووو انه مايزعلن على البنات......

ترى الموضوع للوناسة

طلبات النساء من الالف للياء:

>الالف: ابي فلوس بروح معزومة على شاى ضحى

>الباء: بكرا ابيك توديني لبيت اهلي عندهم عزيمة

>التاء: ترى اليوم انا ماني مسويه عشاء روح للمطعم جيب عشاء

>الثاء:ثلاث اسابيع ما طلعنا للملاهي يالله ودنا اليوم

>الجيم: جيب خدامه تساعدني بشغل البيت.........(والبيت نص شقة) قهر

>الحاء:حبيبى..ودى بساعة شوبارد ,مليت من ساعتى الاوميغا(شوفوا النفاق..توها تذكرت هالاسم)

>الخاء: خل الشله اليوم..انا عازمتك نتعشى بره, بس على حسابك

>الدال: دور لنا فله على 3 شوارع وفيها سرداب (الراتب 2500ريال من وين ياحسرة

>الذال :ذيك السنة (قبل 10 سنوات) قلت لك اشتر لنا سيارة فان اوسع وما شريت

>الراء:روح قدم على اجازة خلنا نسافر لاوروبا ,,اووف حر

>الشين: شيل ولدك شفه يصيح هناك,انا تعبت من العيال..

>السين: سو للبيت حديقة كشخة,حط فيها نافورة ,انزين!!

>الصاد: صفف الملابس هناك منثرة,مليت وانا القط وراك

>الضاد: ضبط اوضاعك..ترى كبرت المسؤولية..(توها والدة)

>طاء: طالع السيارة سكراب تفشل قديمة, نبي شبح

>الظاد: الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس)

>النون : نبى نحجز شاليه شرم الشيخ طول الصيف ..لا تنسى!

>الهاء: ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟!

>الواو : ورني شطارتك رح عند اخوك خذ منه الورث( راعية مشاكل)

>اللام: لازم تتحقق مطالبى اول بعدين ارد لك..

>الكاف : كافى كلام..كسرت خاطرى راح اردلك بس بشرط ..

>الياء : يالله ايدك على 20000ريال رضاوة.. >

ياااااااارب انك ترزقنا بوحده مافيه من هذي الطلبات قوووولوووا امين
منقوووووول

ALAMEER99 · #2 26-10-2002, 10:56 AM

بسم الله .... وبه نستعين
أما بعد :-

في سياق الحديث عن طلبات بنات حواء
أذكر طرفة سمعتها منذ زمن
حيث إشتكى أحد الرجال من أن زوجته لا تقول له كلمة ( خذ ) أبداً
فأخبرها بذلك ..وكانا في جلسة صفاء وتجلي .. قائلاً :-
لم أسمعك في يوم من الأيام تقولين لي ( خذ )
وما سمعت إلا ( هات ، هات ، هات ، هات ..... )
فقالت الزوجة ببرود ظاهر :-
أتمنى أن لا تغضب يا زوجي العزيز
( خــــــذ ) هذه الورقة فقد كتبت لك فيها ما أريده من السوق ، وأتمنى أن لا تنسى شيئاً مما ورد فيها

شكراً جزيلاً لك أختي الفاضلة ( ألوان )
وأظن أنك قد فتحت على نفسك باباً يصعب إغلاقه ...

ودمتـــــم ،،،،

عسى&ى&ى ماشر · #3 26-10-2002, 11:29 AM

الحقيقه موضوع رائع

هو فيه شويه فكاهه بس مو خالي من بعض الحقائق

اخي الامير ما عرفت وش مكتوب في ورقه الطلبات؟؟

اتوقع انها بتكون القشه التي قصمت ظهر البعير

سلام

كوكتيل · #4 26-10-2002, 12:14 PM

يمكن قليل منها غير صحيح ..

لكن أغلبها ..

ابو حمد · #5 26-10-2002, 06:29 PM

فيه شيء من المبالغة
فهناك نساء ( حريم ) يضرب بهن المثل وليست قليلات بل كثير ولله الحمد