{ قصـــايد أعجبتني }

[الوافـــــي]

حومة فكر

للأمير / خالد الفيصل

[poet font="Arial,5,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ستّل جناحه ثم حام = يرقى على متن الهوى
يزفّه بعيـــد وانا =محدود في حد النظر

له بـالهوا شف ومرام = يلعب مع الغيمة سوا
ولا جناح لي وطيــر = والأرض صارت لي مقر

طيري ، ضرب جو الهيام= ولو دعيـته ما التوى
عزي لمن طيـره غدا = ولا له من امره مفر

فكري تغشاه العسـام = أمسيت وفكري ما ضوى
الأرض قفر من الونس = والليل من فرحي قفر

شبّـيت ضوي بالظلام = في صحصحٍ ذيـبه عوى
ما لي أنيس إلا النجوم = أو نور وضاح القـمر

خالي وكني في زحـام = قلبي تلهب وانشـوى
ما عاد أميز بالحشـا = وإلا على الضـو الجمر

وين انت يا داعي سلام = وين انت يا بايع دوا
ردوا لي النومـه ترى = بالعين جلاد السـهر

دورت بالشدة حزام = ولا لقيت اللي قوى
يا لله دخـيلك ما لقيت = اللي ينشد به الظهر
[/poet]


تحياتي

[همس الأحاسيس]

الرسالة الأصلية كتبت بواسطة الوافـــــي

[poet font="Arial,5,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
شبّـيت ضوي بالظلام = في صحصحٍ ذيـبه عوى
ما لي أنيس إلا النجوم = أو نور وضاح القـمر
[/poet]

الله صورة حلوه بالحيل والله
أتخيل الوقت بعد المغرب بآخر الشهر والدنيا برد
وجالسين جنب النار ، وصوت الذياب تعوي
والسما صافيه بالحيل
والهووووووووووووء يشل المكان إلا من صوت الرياح
دائما خالد الفيصل مبدع في تصويره
تسلم أخوي الوافي على هالقصيدة الحلوة
وأحلى ما فيها الغموض اللي بكلماتها

بااااي

[همس الأحاسيس]

ثوبها كفن !!

[poet font="Simplified Arabic,4,blue,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=white,strength=5)"]
ثوبها بعيونهم ثوب الزفاف = وثوبها بعيون خفاقي كفن
والزغاريد ابفرحها 00 والهتاف = التراب اللي على حلمي دفن
والزهر والورد 00 في دربه يلاف = كنه نصايب عالي القبر 00 إنصبن
دمعتي 00 صمتي والأحزان اعتراف = عن غرامٍ كان لاحلامي 00 وطن
وادمعي يا عين واغرق ياجفاف = واجزعي يا نفس 00واضحك يا زمن
[/poet]

عبدالرحمن الرشيد

[الرائد]

الأخت / همس الأحاسيس ؟

( اسم على مسمى) كل القصايد التي اخترتيها من أجمل ماكتب في الشعر

وهذا يدل إحساسك الجميل وذوقك الرفيع

يعطيك ألف عافيه .

الرائد ( ابو محمد)

[الـــــــــريم]

دمعتي 00 صمتي والأحزان اعتراف عن غرامٍ كان لاحلامي 00 وطـن
وادمعي يا عيـن واغـرق ياجفـاف واجزعي يا نفس 00واضحك يا زمن

كلهم وانا نحيك على هالاختيار الحلوووووووووو ياعزيزتي

وانا اختار لكم هذي القصيده عسى تعجبكم

[poet font="Simplified Arabic,4,sienna,normal,normal" bkcolor="transparent" bkimage="backgrounds/19.gif" border="none,4,gray" type=0 line=200% align=center use=ex length=0 char="" num="0,black" filter=""]
كلنانشكي فراغ العاطفة "="
هايمين قلوبنا ضمياحنان
ساكنتنا احلام عذرى خايفة"="
مانحققها يعاندنا الزمان
كلنا مهموم روحه عايفه"="
واقعه ضاقت به حدود المكان
نرتجي بعد السكون العاصفة"="
تخلف المعتاد ما آن الآوان
لي حبيب اعرفه مااعرفه"="
حيث ربي ماكتب وصله وحان
ألتقي به ياخيال او سالفه"="
لاطريته كل شين الوقت زان
[/poet]

[همس الأحاسيس]

هلا وغلا بالريم
تسلمين يا الغاليه على ذوقك الحلو وإختيارك الأحلى
وتسلمين بعد على الجماعه اللي يرقصون معك وإنتم تحيوني
ومن جد إختيارك حلو بالحيل وبالذات هالأبيات

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
حبيب اعرفـه مااعرفـه= حيث ربي ماكتب وصله وحان
ألتقي به ياخيـال او سالفـه=لاطريته كل شين الوقـت زان
[/poet]

وياليت ما تنقطعين عنا كثير فإنتي مثل المطر إذا جيتي أزهرت القاع وأخضرت الأرض

باااااي

[همس الأحاسيس]

كل عام وجرحي بخير

[poet font="Simplified Arabic,5,red,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=white,strength=15)"]
ومرت سنه
على فرقاك
على صوتك 00 وأشواقك
غريب كيف الزمن يرحل
وأحلام العمر تذبل
سنه مرّت وانا أول
حبيبٍ يوقد الشمعه
لجرحه فــ عيد ميلاده
هلا بالحب واعياده
وكل عامٍ وجرحي بخير
مشيت دروبنا 00
خطاوي قلوبنا
ومريت الوعد 00
ولا الأيام هي الأيام
وما ادري ليه هالشارع 00
نسوه الناس
ومتى هالمقعد الخالي 00
يجوه الناس
حبيبي ليه فــ غيابك 00
يغيبو معاك الناس
حبيبي
إي والله حبيبي 00
إي والله
نساني العمر لو أنساه
نساني الفرح لو أنساه
أحبه ما ظهر نجم ٍ
ونبت عشب وسرى برق
أحبه لا زمن يشفي جروحي
ولا جفا 00 وفراق
أنا هذا الهوى كله
وقلبي آخر العشاق
[/poet]

بدر بن عبد المحسن

[مساهم]

[همس الأحاسيس]

تم تحريره من قبل مساهم في 28-03-2004 عند06:36 PM

ليه أخوي مساهم ...

[الوافـــــي]

قالت بدو
وصدت و قالتها بقرف
بنت الاكابر و الترف
متكبرة متعالية
يعني بدوي يقعد طرف

قالت بدو
و المعنى دون المستوى
ما حنا واياها سوا
احنا بنظرها من نكون
ريشة يطيرها الهوا
مفهومها حنا عدد
رقم ولا اكثر بعد
يعني مجرد تكمله
والا فهي أصل البلد
يعني صفر على الشمال
هذا على احسن احتمال
تصدر حكم ما تلتفت
تحكم ولا تترك مجال
قالت بدو
متصورتني باستحي
واترك مكاني و انتحي
تفاجأت تغيرت تلعثمت
ما تدري إني بافتخر
و لي الفخر

حنا بدو
حنا عمى عين العدو
حنا البداوة وضعنا
و أهل الوفا هم ربعنا
حنا نتفاخر بأصلنا
يا بنت هذا طبعنا

ماهي بداوة تلفزيون
والا مسلسل أردني
بس بدوي بالميكروفون
ولا هد سيفه ينثني
والا بدو بيت السدو

حنا البدو
حنا بداوتنا تراث
من جيل لي جيل انتقل

حنا معاني سامية
نروي السيوف الضامية
نرد المنايا ما نهاب
لو هي سعاير حامية

حنا بدو

حنا البداوة عيدنا
ما ناكل الا صيدنا
ما نعيش عالة مجتمع
نموت ما نمد ايدنا

حنا بدو

حنا البداوة بدمنا
ما نسمي أحد عمنا
حتى و لو من هو يكون

و لو هو زعل ما همنا

حنا البداوة عمرنا
ماحدٍ بيصبر صبرنا

لأنها مصنع للرجال
نمشي و تمشي بأمرنا
حنا البداوة أصلنا
و حنا البداوة فصلنا
حنا بدو متماسكين
و هذي نتيجة وصلنا
يا بنت ياللي تضحكين
قلتي بدوي تستهزئين
غرك لباسك الاجنبي
و المشكلة ما تعرفين
ان البدو أصل العرب
تبغين هالكلمة طرب
صارت نشب
يا آنسة يا عانسة
يا ضايعة و مستانسة
يا تارسة وجهك صبغ
يا تارسة عينك شدو
حنا بدو
و لو كان قلتيها بقرف
لنا الشرف
إنا بدو

حنا بداوتنا شيم
دين و قيم
طيب و ظفر
معنى كبير
ما أظن مثلك يعرفه
لو تدعين المعرفة
شيٍ عسير
ما أظن مثلك ياصله
صعبة ولا هي حاصلة
كلمة بدو
تعني التمسك بالجذور
ما هو التخلف و الجهل

و إلا بعد حب الظهور
و إلا التنكر للأهل

كلمة بدو
تعني الشمم
فعل و كرم
و مبدأ حضارات الأمم
حنا القمم
نارٍ على راس العلم
يشهد لنا سيف و قلم
و ان كان ما عندك خبر
لنا الفخر
لو عشنا ببيوتٍ شعر
عيشة ألم
عيشة فقر
عيشة تعلمنا الصبر
ما نقترض لأجل السفر
و نحسب أيام الشهر
ما نفترض
و نعيش واقعنا بحذر
و بالضيق نرخص بالعمر
نشرب من الماي الهماج
و نكحل نواظرنا بعجاج
و غسيلنا حفنة رمل
هي الدوا و هي العلاج
عيشة رضا ما هي نكد
ما فيها تعقيدٍ أبد
ساعات ما نلقى ذرى
يكفي نتلحف بالنجوم
و فراشنا رمل الثرى
و سراجنا نور القمر
لا من ظهر
و نام من عقب العشا
و نصحى قبل وقت الفجر
نؤمن بقضانا و القدر
ما هو كسل
و الا نعيش بلا أمل
نملك طموح
علم و امل
نرعى الإبل
و نرعى الغنم
و نعزف من الونة نغم
و نتابع أخبار المطر
و ندور الروض الخضر
و نسري ورا
برقٍ سرى
و لا نتراجع للورا
و نبحث عن المرعى العشيب
و من شعيب إلى شعيب
ما نستقر
عنواننا كل الديار
تجوالنا ليل و نهار
نعيش عيشة هادية
و هذي حياة البادية
سنةٍ ربيع و سنةٍ دهر
رغم الفقر نخاف من قولة أفا
و نتعب على قولة نعم
و نعيش عالين الهمم
من فضل ربي ما نخون
نرعى الذمم
و نركض و نتعب ما نمل
ما حنا مثلك
لا شغل ولا عمل
ما غير بس اكلٍ و نوم
و من الشحم
ضاقت عباتك و الهدوم
يا أسمن أنواع الحريم
يا عايشة على الرجيم
ياللي تقولين بدوي
أنا بدوي
و لي الفخر إني بدوي
عزمي قوي
ما أخون
ما أبوق الخوي
يبدا نهاري بالصلاة
و أصارع أمواج الحياة
ما ضاقت الدنيا أبد
و لاني من أصحاب الحسد
أرفع يديني للسما
و اطلب من الله و استخير
ما أقول يمكن ربما
و إلا يصير أو ما يصير
محافظ على الخمس الفروض
واضح و لا أحب الغموض
و لا أتلون و ألتوي
لأني بدوي
متمسكٍ بأصالتي
و لا أغير لهجتي
أنا بدوي
في فزعتي
و في قومتي
و في قعدتي و في مشيتي
و بجلستي
و في كلمتي و بنخوتي
حتى عقالي و لبستي
و لو قلتي عني فوضوي
ما ضرني
بالحيل يا بنت بدوي
و يسرني

أعرف من أنتي و من أنا
و الفرق واضح بيننا
تدرين و أدري من أكون
و يكفينا نعرف بعضنا
أنتي مثل عمر الزهور
مالك عمر مالك سنين
شهرين و يجيك الجفاف
و تذبلين
و تصبح ألوانك باهتة
و انا جذوري ثابتة
ماخذ من الصحرا الهدو
و إن كان هذا يسعدك
حطي على راسك يدك
هالمرة لا قلتي بدو
يا تارسة وجهك صبغ
يا تارسة عينك شدو

للشاعر / طلال السعيد