مواصفات العروس

[خولة2]

السلام عليكم ورحمة الله وبركاته..

اشلونك يا اهل الخيام..واشلون الدنيا معاكم

الموضوع هالمرة تابع للمواضيع الاولى..
بعث لي احد الشباب هذه القصيدة كرد على سؤالي..وحبيت تشاركوني في قرائتها..وتقولي رأيكم فيها...
خوي الدرب عمري ما خذاني دونه النسيان ..
..............................وانا يا اهل الملامة ما رغبت العيش وحداني
ابيها مهرة ما عسفت وبنت احصان..
............................وابوها اللي يفك المشكلةويزين الجاني
واخوها لا تعزوا باسمها فزوا لها العربان..
............................يحق لها الفخر في قولة ال فلان حداني
ابيها في بحر عشرين لا زود ولا نقصان..
...........................ابيها اقصر طويلةو الوصف اشكال والواني
بجبهة كالصبح أو قوس أسود الحجبان ..
........................... ابيهااناعسات و نرجسية سود العياني
أبي رمش كما ريشا يغطي الثلج في الاوجان..
...........................وأبي جفن يشيل الرمش طربان وكسلاني
أبي خدا كما وردا تنما في طرف بستان..
...........................وابي خشم صغير ومثل حد السيف شاماني
ابي البسمة كما البرق وثناياها كما المرجان..
...........................وشفاها جمرتين وفمها خاتم سليماني
ابي شعرا مثل ذيل الفرس لا طبت الميدان ..
...........................أو الشلال لامن بات ليله بين الامتاني
ابي جيدا سوات ابريقفضة ناتق مليان..
.........................وجيدا كنه امرايه عليها طلع روماني
ابي ظهرا كما الجدول وقدا مثل غصن البان..
.........................وخصرا مثل مجدول العنان وجسم روباني
ابيها ناميه ردفا وبطن ظامرا جوعان..
...........................ابيها مدمجة ساق وقدمها لسان ثعباني
ابيها بنت عز ورغدها ينعم الفستان..
.......................... ابي الدقة وابي الرقة لها باطرافها شاني
ابي المشية كما اللي طالع من المعركةكسبان..
.........................وابيها ترش مع خطواتها مسك ورياحيني
صوتا الى من سمعنه كن فيه الحان..
.........................يدغدغ مسمعي ويثير كل السحر في اشجاني
ابيها حب واخلاص وهواجس وفرح واحزان..
........................ابيها مثل ما دكتور اهل العشق وصاني
ابيها لوحة ما صورتها ريشة الفنان..
.......................ابيها جوهلاة ما حابها قاصي ولا داني
ابيها تنتصر لي من زمن حطني نيشان ..
.......................وتبشر بالغلا اللي ما لقابه واحدا ثاني
مهرها قلبً وشعراً يهز القلب والوجدان..
.......................والبسها القصيد ونصبح اوزاني وقيفاني
ابي اللي فات اللي فات صعب ومن لقا العنوان..
.........................يرد العلم والا افضل اعيش وحداني

.................................................. ........
اش رايكم يا اهل الخيام