مسخرة الجهاز جابتني عالساخرة

[لبناني]

اولا تحية كبيرة للشاب ارغون



منفوت دغري بالموضوع

حسيت انو الشاشة عمتتمسخر علي فجيت احكي همي بالساخرة

يا ناس يا هو

كل ما هميت اكتب رد بمواضيع صلاح الدين وعنتر وغيرن اللي بيسالوا فيها المراقبين عن سبب اعتقال المجاهد عمر وخطفو بليل ما فيه ضو قمر

فجأة بلاقي الموضوع ما موجود
طار

برجع بنطر شوي
بترجع بتتكرر القصة

العمى ؟!!؟
شو القصة وشو الحكاية؟

في شي جني بالجهاز عندي معصب

المهم شبهتلكن القصة متل ما منسمع بالخطب الجماهرية للاحزاب التقدمية

انو الحكومات الظالمة ما شاطرة الا على شعبا يعني متل الحكمة اللي بتقول


ارنب ارنب في لبنان اسد اسد في الجولان

منرجع للموضوع
حسيت الشاشة عمتتمسخر علي متل ما مسؤولينا بيتمسخروا بيقولوا انتو احرار ولما بيجي الواحد بطالب بحقو بيختفي ( مسخرة حلوة)

عاللمس
قصدي عالهمس بيختفي
انت بس اهمس ببلدك وشوف


اخيرا

انا بدي اهمس همسة كبيرة شوية


انا بصراحة كنت فايت ما بدي طالب بشي الا بضبط النفس
لانو صارت موضا سياسة الاسود