أطرف المواقف لجميع من في الخياااااااام....

[الكرّاوي]

أخواني وأخواتي الأعزاء
أسعد الله أوقاتكم بكل خير.
أعتقد أنه لايوجدإنسان إلاويمر به موقف سواء طريف أو محرج أو..أو..الخ..
المطلوب منكم ذكر أحد المواقف الطريفة
مثلا(طيحه بوسط سوق ..رجدة من سلم متحرك )

[المد]

تحياتي احرج موقف مر علي بس لاتضحكون علي اني مره من المرات جيت ابي اصرف فلوس من مكائن الصرف اللي بالشوارع وعند الأسواق هي بابها قزاز ومن ثر ماهو نضيف وشفاف تخيل لي انه ما فيه اجز قدامي وان مندفع صدمت بالباب بكل جسمي
وطاحت المحفضه والشماغ وكل شي وطحت على ضهري دايخ مادري اش السالفه اللي اذكره ان فيه ناس ماسكين سرى وراي والصراف مطل على محلات تجاريه
والا والناس اللي يضحك واللي يساعد في اقوم وانا ابي ادخل جوت ملابسي من الخجل وطبعاً انتو عارفين لما احد يشوف موقف او حادث ايش اللي يسير يلتمو عليه الناس من كل جهة المهم ماحسبت الملم اوراقي ومحفضتي وشماغي وفكه من بين الناس ولا صرفت الا بعدين بعدها بوقت بعد ما ارتحت ومن صراف ثاني على شان ما احديقول هذا اللي ما شاف الباب وصقع فيه وطول ماني ماشي بالسياره فاطس ضحك من اللي سار وماني متخيله
نفس الموقف لشخص آخر وبصراف آخر كنت انتضر انا
ابي اصرف وفيه ناس جايين يبو يصرفو وهو داخل جالس يكمل اجراءات الصرف وانا اناضره من الخرج استناه يخلص الا وشوي خلص وهو خارج الضاهر انه نسى الباب او مسرح او ما ادري بالزبط المهم شوي الا وهوصاقع بالباب واقوى من صقعتي وعلى وجهه بعد انا استنيته يدوخ من قو الصدمه الا فتح الباب والفلوس بيده ماسكها وآخذ عقاله بيده ومن الأحراج اللي هو فيه الضاهر انه نسي المه وهو معدي قال ياخي دوختني الفلوس قلتله الله يعينك تسير دايم وخصوصاً مع النوعيه هذي من الزجاج والمصيبه انه زجاج ضد الكسر يعني تنكسر انت وهو لا بس بصراحه شي يفشل وكثيره المواقف اللي تفشل بس الشباب لا يستحو ترى العمليه عمليه تذاكر لأبرز المواقف المحرجه او المضحكه
وشكراً على فكرة الموضوع من اخونا الكراوي

[الكرّاوي]

الأخ أحمد مساء الخير
هههههههههههههههههههههههههههههههههههههه
هههههههههههههههههههههههههههههههههههه
الله يستر عليك موقف من جد يضحك
تلقاك ما عاد تجي هالمكان (توبه ) والله يعطيك العافية على هالموقف المضحك
وأشكرك على الرد
وأتمنى منك التواصل
أخوك الكراوي

[ملاك الشرقيه]

امممممممممممممممممم
انا دائما مواقفي محرجه وطريفه من لقافتي ولساني المتبري مني بدون قصد
عاد انا اللي بقلبي على لساني صريحه مره واذا شفت اي شي على طول اعلق بدون قصد يعني افكر بصوت عالي
ملقوفه
والله ياكثر المواقف اللي تصير لي واكثرها وانا بالمدرسه
ماادري والله بس اذكر اني مره شقاويه بالمدرسه كنت دوم اروح اشرب كوب عصير عند المديره من شقاوتي ويجهزون لي الملف يالله اركبي الباص وانثبري ببيتكم ولكن كانوا يحنون علي او بالعربي اللي يشفع لي كانت تفوقي بالدراسه والا واش يبون بوجهي عمى
ايه تذكرت واحد
مره وانا بخامس ابتدائي كنا بحصه الماث وكان الدرس كله اختيارات نعم ولا وكنا نتنافس ونشارك من اللي تسبق وتجاوب
وانا وناا ارفع يدي للمعلمه عشان اجاوب وكانت الاجابه (نعم) خويتي سالتني واشوا الاجابه يا ملاك فقلت لها بسرعه كنت ابي اسبق على المدرسه ابي تخليني اجاوب وهي خويتي غثتني يوم تسالني فقلت لها قبل ما الكل يرفع يده نعم وعلى طول قمت من مكاني عند المدرسه وبدل ما اقول انا استاذه قلت بصوتي كله نعم واملدرسه بنفس اللحظه ههههههههه انقهرت مني وقالت لي وعمى والكل اللي بالفصل جلس يضحك وانا مت ضحك وضحكت بوجهه المدرسه وشوي وانقهرت مني هي ما عندها اللي يضحك برى فانا يوم شفتها معصبه قلت لها خلاص بطلع برى من غير ما تقولين وشلت كتابي وقلمي (هههههههههههه قللك شطارتي واصله حدها بحل لوحدي برى الفصل) وهي قامت تضحك وقالت انثبري مكانك

ولكن انا اذكر ان اكثر مواقفي مقالب بصحباتي يعني ان صار لي موقف من لساني بس
واذكر بعد وحده جات عندنا خيويه اختي جلسنا نسولف وانا شفتها دبه وكان ودي اتكلم معها على الريجيم يعني سوالف عاديه مو قصدي احراج وما قدرت امسك لساني وسالتها ليه انتي دبه كذا اختي خلاص كان ودها تصحكني وتكفخني بكف وبنفس اللحظه جلست تبتسم ويتها مسكينه انحرجت بس ان ايعني ما قصدي احرجها بس ملقوفه اش اسوي
والبنت وا عليا لونها انقلب فسفوري وشكلها حرمت تجي بيتنا من سبتي انا


ماادري والله كثير مواقفي بس وعد وعد اذا ذكرت بقولها لكم وبغثك اخوي كراوي لا يهمك


باي
ملوكه
انت كراوي قوللنا على موقف صار لك


باي اذا تذكرت موقف محرج بجيكم لا تخافون اوكي

[Sure-different]

السلام عليكم أخوي كراوي

صحيح ما قالته أختناملاك ،المفروض أنت تبدأ

بموقفك عشان يشجع الجميع ،موب مشكلة ما فات شئ

بالنسبة لي والله قاعده أفكر وعشان ما تحسب أنه

تجاهل منا حبيت أردإلى أن أكتب موقفي مرة أخرى

تحياتي.

[الكرّاوي]

بسم الله الرحمن الرحيم
هذا الموقف يعني مو طريف بس جا على بالي
وأنا بالصف الأول الثانوي كنت وقتها بالديره
ونداوم بقريه مجاوره(غلب وبهدله)
المهم راكبين بالجمس الأحمر اللي يوسع الصدر (طبعا بالحوض)ومشرع.
المهم وصلنا المدرسه . وكان ذاك اليوم المشرف
مدرس مواد الدين (معجب فيه)المهم الشباب نزلوا بقي دوري نزلت رجلي اليمين أبي المدرس يشوفني
ما أدري إيش اللي مسك بثوبي . إلا وأنا على
صفحتي ( ظهري) المهم قمت مثل الحصان
وأتسحب من عند المدرس كأني ماني شايفة
يله طيحة وتروح

ومره وأنا ثاني ثانوي هالمره بالمدينة (تطورنا )(مو المدينة المنوره .. المدينه اللي عايش فيها..)
سنة الضياع قبل الحصة الثالثة قابلنا مدرس المادة قبل ما يدخل الفصل وإستاذنا منها خمس دقايق (وذاك وجه الضيف ) فركنا مع الاب رحنا
نفطر بالقهوة لأن واحد من الشباب خرمان (معسل)
المهم وحنا راجعين مرينا على بقالة نبي نشتري فصفص علشان الجلسة تكمل بزاوية الفصل
المهم وأنا داخل إلا وأنا بوجه المدرس حقنا
(فضيحة وأنا الطالب المؤدب والمشارك معاه)
فلان !! المهم اتها الموقف بإعتذار مني
بس عقب ما وجهي طاح .. :
ــــــ
وهذا موقف صار لي بمطار الرياض المهم نازل
مع السلم المتحرك(مبسوط وكاشخ) اللي أعرفة اني أوقف لين ياصل آخر درجة وأرفع رجلي واتوكل على الله .
المهم شفت قدامي واحد ينزل عليه كنه نازل
سلم عادي
قلت ياولد سوي مثلها المهم خطوة والثانية إلا وأنا راجد الله من الفضيحة المطار مليان
ناس المهم قومني واحد من الأخوان على بالهم دايخ ( ما دروا بالسالفة)المهم آخذ شناطي مثل البرق وأنا عيني بالأرض أسترق النظر بنص عين

[ود]

مرحبا....

مواقف...حلووووووة
بحاول أذكر لكم موقف وأكتبه

[ملاك الشرقيه]

هلوووووووووووووووووو
جيتكم يالله تذكرت واحد من المواقف اللي عندي
مره وانا جالسه مع صحباتي فيه وحده من بيننا حبوبه بس اللهم انها ما عندها ذوق بالملابس يعني تلبس ملابس بدون تنسيق انا استغليت اثناء كلامي معها اني اساعدها وانبهها للوضع اللي هي فيه والله صدقوني كله من لساني وتفكيري العالي اللي يوديني بمشاكل واحراجات المهم انا فجاه وانا اطالعها قلت لها فلانه ليه ما تصيري ذويقه بالملابس انا قلتها عادي لكن شوفوا الطامه!!!!!
خويتها تطالعني من وراها وجالسه تغمز لي وتعض على شفايفها يعني امسكي لسانك وانا بعدين تنبهت للي انا فيه وقلت اكمل واوضح لها والله يستر من الفلعه اللي باخذها منها المهم هي مسكينه طالعتني على طول وعيونهاكانت كذا وقالت ملاك ملاك ملااااااك واش اسوي فيكي اذبحك انا على طول قمت امثل الاسعافات الاوليه وابي اطلع من الموقف ولكت اعترفت لها ليه انا قلت لها كذا
قلت لها صراحه انتي لازم انك تهتمي لنفسك وصراحه والله ما يعجبني ويعور قلبي اني اشوف بنات فصلي يضحكوا عليكي ويتتريقوا قالت ما علي منهم قلت لها لا اعتبريني مثل اختك وخذي نصيحتي مع ان لساني حمار
قامت تقول طيب ملاك في اسلوب الله يرجك انتي ابد ما عندك اسلوب على طول اللي بقلبك تقوليه للواحد بوجهه انا انحرجت وضحكت وقلتلها طيب واش اسوي هذه صراحه لا تزعلي وخويتها انفجرت ضحك وقالت الله يرجها تصدقين يا فلانه انا اللي خويتك الروح بالروح كنت ابي اقوللك من زمان بس ما قدرت وملاك ما شالله عليها قدرت
انا خلاص رايحه فيها ابي اطلع من اللي انا فيه قمت اعطيها اسامي محلات واساعدها واوضح لها ان قصدي بريء بس بدون قصد صراحه بس
مسكينه هي عاد حز بخاطرها وكل ما تشوفني تقول اااااااااخ بس منك انتي ربي باليني فيكي متى تمسكين لسانك يوم
وانا يوم اقول لخويتي خويتي شوي وتفلعني ملاك ليه كذا قلتلها والهل مو قصدي شي وقمتت اخربط عليها ابي اطلع من الورطه ولما رحت البيت وفكرت فيها انبني ضميري وحسيت انه احرج
(ماعندي دم ما حسيت انه احراج الا بالبيت )
ولما قلت لاختي ابي اشوف غلطت والا لا اختي شوي وتذبحني قالت ملاكوووووا الشر مو اي احد تقولين له كذا وجلست تفكر بالبنت وتقول حسبي الله عليكي يا ملقوفه واش صار بالبنت يا ويلي
وانا كل ما اشوفها اضحك واقوللها متى تغيرين الملابس وتقوم تنقهر وتضحك
بس انا نيتي كانت حسنه يا جماعه شفت الكل يتتريق عليها والهل كسرت خاطري قلت اساعدها شوي واعطيها اراء لا وبعد هزات خويتها وقلت لها هذا صداقتكم الحين تخليها كذا تريقه للناس قلت لها انتيصديقتها يعني لازم تنبيها وووو00الخ
واش رايكم غلطت والا ملقوفه انا؟؟؟؟؟؟

[الكرّاوي]

مرحباملاك
إيش راضعة انتي ( أكيد لقافة)
حراااااام عليك اللي قاعدة تسويه بالعالم
ارفقي عليهم شوي ( على فكرة كيف تجاوزتي الإختبارات!!!) من لقافتك؟؟؟؟؟
أتمنى منك المزيد( من فنون اللقاقة) هل لك
صلت قرابة ب..[طاحس بن ملقوف]
شدي حيلك واعصري مخك يتذكر لنا مواقف
حلووووووووووة
تحياتي إلك(ميشيل قزي)

[ملاك الشرقيه]

هههههههههههههههه الله يرجك اخوي كراوي
لا الحمد لله اني عديت الاختبارات على خير ههههه
انا بالاختبارات ما عندي لقافه اللي يجي من الله حياه الله
بس الحمد لله الى الان تمام
ليه تامر بواسطه شي
خخخخخخخخخخخخخ
والنتايج بقوللكم اياها بعد شهر اذا طلعت بس واش الهدييييه
ابي هديه لتقدير ممتاز اوكي
باي
ملوكه