وجه المقارنة بين ولد النعمة والولد العادي

[الحنين]

ولدالنعمه قليل الحركه

الولد العادي سريع الحركه كثير الربشه لدى قدميه حاسيه عاليه للطم المواد الزجاجيه ( ‏الكاسات و البيالات)

‏ولد النعمه يقول " ‏ماما"

‏الثاني يقول "‏يمه"

‏ولدالنعمه يقول " ‏نعم"

‏الثاني يقول " ‏هاه"

‏ولد النعمه يقول " ‏عمو" ‏للي اكبر منه

الثاني يعاير اللي اكبر منه

ولد النعمه ياكل بالشوكه و السكين

الثاني يبدأ تعلم الشوكه و السكين في سن 26

‏ولد النعمه يلعب في الحديقه

والثاني يلعب في البراحه

ولدالنعمه يلبس نعاله قبل الخروج الى الشارع

الثاني لا يأخذ نعاله معه الا في حالة استخدامه لها كعوارض مرمى في الشارع

ولد النعمه ينام في بيجاما

وهذاك ينام بثوبه

ولدالنعمه ينام في فراشه

والثاني ينام في الصاله

ولدالنعمه يأكل على طاوله طعام

وهذاك يأكل على درج البقاله

ولدالنعمه يحب يلعب دور الدكتور

والثاني يحب يلعب دور الحرامي في " ‏شرطه و حراميه"

‏ولدالنعمه يقول سلطه

والثاني يقول زلطه

ولدالنعمه يلبس بدله رياضيه اثناء لعب الكوره

وهذا يمسك ثوبه بفمه ويلعب

ولد النعمه يجلس مع امه في العرس

وهذا هو الورع الوحيد في العالم الذي يٌطلب من امه عدم اصطحابه رسمياً في بطاقات الدعوه

ولد النعمه اسمه طفل

هذا اسمه بزر

ولد النعمه تفتش جيوبه تلقاها نظيفه

والثاني عند تفتيش جيوبه يعثر على " ‏و‏حصى ...‏تراب.. ولاعه.. ‏حزام طرطعان ناسف


وهذي كل السالفه


منقوول

[بدر البدور]

هههههههههههههههههه

حلوووووووه...يا وردة الخــيـمه..

يعطييك العاافيه يالغلا... ومشكووره...




نور الخيمه

[المتيم المجهول]

هههههههههههه ،،،، وهذي أكثر شيء أشوفه

‏ولد النعمه يقول " ‏ماما"

‏الثاني يقول "‏يمه"

[الوردة الندية]

في وحدة جديدة....
ولد النعمة... تلاقيه شعره مليان جل....والولد العادي...يادوب يمشط شعره...
ولد النعمة يقعد قدام المرايا بالساعات....الولد العادي .. طيب لو طل على المرايا....
شكرا على الموووووووضوع الرائع...

[غــيــث]

ولد النعمة **** دبا ( من الجنك فوود)

والعادي *** أعصل ( من الشقاوه وقل التغذيه)

ولد النعمه*** خجول وجبان( يعني مؤدب زايد عن اللزوم)

والعادي *** بثر ووقح ( يعني شجاع زايد عن اللزوم)

ولد النعمه** أوتوماتك ( ولد شغالات)

والعادي *** عادي ( ماله والي)


شكرآ للأخت بنت الهلال على الموضوع خفيف الظل هذا

وتحيتي للجميع..

[Almusk]

أختي بنت الهلال زادك ربي من نعمة

يقولووووون إن ولد النعمة إذا شاااااف برصه، يقووول يااااااي دينصووور وخروووو عنه، يقوم يرد عليه ولد نعمه ثاني من ربعه ويقول له: لاااا هذا الحبيب ضب صغير ما يسوي شي....

كمان ولد النعمة إذا راح البر وحب يصير نشمي ويتساعد من ربعه وينصب معاهم الخيمة، إيش يسوي، يفصخ الكبك ويكفس يد ثوبه ويسفط الغترة ويحط فوقها الطاقية ويدخلهم داخل السيارة، وبعدين يجيهم فارع ويقول لهم يا الحبايب (بترقيق الباء) وين كتلوج الخيمة

أما ولد الفقرا على طول يشتغل بثوبه ولا يخلص من نصب الخيمة إلا وهو شاق الثوب ومجرح روحه....

وفي الأخير يقوم ولد النعمة ويربط أحد الأوتاد، وتعالم أسمع السوالف عن نصب الخيمة وعن نشامته مع الربع.....

يستاهلون اعيال النعمة غير على راسهم ريشه!!!!!!!!

تدرون إني ما عمري شفت ولد نعمه راسه فلافل...سبحان الله...حتى لو راسه فلافل من يوم يقرب يصير تشوف راسه بدى ينسااااااااب...والله عجب

[الحنين]

احلى واروع سلام .. لمن يهوى ويرتاد الخيام


بدووورة الامورة .. لا شكر على واجب وانا من واجبي اني ارسم البسمة على وجوهكم الحلوة

( ابغى اجر ادخال السرور الى قلب مؤمن)

المتيم .. هذا الشئ الوحيد اللي لاحظته ؟؟!! الا كل شئ مكتووب موجود فعلا
عالعموم شكرا على المرور

ورد .. غيث .. المسك .. شكرا لزيارتكم موضوعنا وجزيل الشكر لاضافة المعلومات

[pizza-man]

شكراا على الموضوع الحلو

[الحنين]

العفو هذا واجبنا