ياترى تعمل ايه لو كنت مكان اشعث

[الشيخ عادل]

CENTER]
ياترى تعمل ايه لو كنت مكان اشعث

ازيكوا ياجماعه والله انى احبكوا فى الله

عشان كده بحاول اتفرغ لخدمتكم وكتابه ما يرضى الله

لاننا كلنا مسؤلين عن الدعوه فى سبيل الله والله هذا عمل شرفنا به الله دون باقى الامم لانه عمل الانبياء ونحن امه مرحومه لان الله سبحانه وتعالى يقول فى كتابه العزيز

قل هذه سبيلى ادعو الى الله على بصيره انا ومن اتبعنى

وطبعا انتم عارفين مين اتباع الرسول صلى الله عليه وسلم انت وانا

المهم دى كانت بدايه الموضوع اللى عايز اقول لكوا عليه

فى بدايه الدعوه كان الرسول صلى الله عليه وسلم وسيدنا على بن ابى طالب وستنا خديجه
يعنى كام يا احباب تلاته مظبوط

وطبعا اول الصلاه ما نزلت كانت ركعتين فى الصباح والمساء

فى يوم خرج الرسول صلى الله عليه وسلم عشان يصلى ركعتين المساء وخرج سيدنا على يصلى وراه
وبعدين خرجت ستنا خديجه وبدؤا الصلاه 0000

مين واقف وشايفهم من بعيد العباس عم الرسول صلى الله عليه وسلم ومعاه واحد صاحبه جى يتاجر فى موسم الحج اسمه اشعث ابن قيس

منظر غريب لاشعث اول مره يشوفه فيسال العباس من الراجل اللى واقف جنب الخيمه قال له العباس ابن اخى واسمه محمد

والغلام اللى وراه برضه ابن اخى بس من اخ تانى

طيب والست دى قاله هذه زوجته

سال اشعث وماذا يفعلون ؟

قال يزعم ابن اخى انه نبى وانه سوف يملك كنوز الروم والفرس

وعجبه المنظر قوى وطول فساله العباس ؟

تحب اعرفك به ؟

قاله لا خلينا فى تجارتنا ومشى

وبعد عشرين سنه ياحباب

يسلم اشعث فى فتح مكه ولكنه يذهب للرسول صلى الله عليه وسلم
ويبكى ويقول ليتنى كنت رابعهم ويقول له الرسول صلى الله عليه وسلم هون عليك الاسلام يجب ما قبله
ولكنه يخبر الرسول ما حدث من عشرين سنه ويبكى
ويقول ليتنى كنت رابعهم

ياترى اسال نفسك لو كنت مكان اشعث وجت لك الفرصه العظيمه دى والهديه من الله سبحانه وتعالى كنت حاتتصرف ازاى
كل واحد يجاوب فى نفسه ويسال نفسه هذا السؤال ومن الان يالا نصلح علاقتنا مع الله
عشان يوم القيامه لا يقول لك الرسول صلى الله عليه وسلم وانت عطشان ورايح تشرب من ايديه عند الحوض وحلقك حا يتقطع من العطش سحقا سحقا

وسامحونى لو اطلت عليكم
محبكم فى الله الشيخ عادل[/center]