جاهل العيله

[بو سيف]

السلام عليكم و رحمة الله و براكاته ..
صراحه اليوم بخبركم عن موقفين طريفين صارو لي ..
قبل كل شي حنا و ما شالله عيلتنا كبيره وايد وايد .. لنه كل واحد من الشواب متعدد الزوجات ..
ف-مره من المرات جه زارنا في البيت ولد عمتي و معه امه(( اول مره اشوفها )) - الله ايطول ابعمرها- كبر ابوي -الله ايطول ابعمره - , .. انا سلمت على عمتي و بست ايدها وبستها على راسها .. , المهم مرت لأيام و كل ما جت اقوم احبها على راسها , ومره واحنا يالسين على الريوق قلتلها ها عمتي ش حالج و شخبار لعيال قالت آه منك يابو سيف لهالدرجه انا كبيره وأبين كبر عمتك ؟؟؟!!!
انا سكت وويهي قفط وإستحيت أقولها ليش إنتي هب عمتي , فداريت الموضوع و قلتلها لا هذا احترام لشيبات شعرج شان تضحك . ولما ردت لبلاد , قررت اسأل الوالده (( بس ابصيغه غير مباشره -ثعلب صح- عن إيبين جهلي المطبق بالعيله)) , قلت لأمي ماشالله هاي كم عمرها الحين , قالت أمي هاذي كبر أبوك لأنه عمتك تزوجت و هي إصغييييره و يابت هاي على راس اعيالها ؟؟؟؟!!!!!!!!! ((يعني بنت عمتي !!!!!! ))

والسالفه الثانيه هي سالفت ابنيه بيضه دوم ترمس ويا ولد عمتي لي اشوي أٍسمر ، أنا ما أعرفها لكن قلت إنه عرق التعدد صاب ولد عمتي و بيتزوجها على راس حرمته ,المهم انا كل ما كنت أدش الصاله و اسلم ألقاها يالسه ابروحها تتطالع التلفزيون فا ادش انا الميلس , و كل ما ابي انزل من الطابق الاول ((فيهاحجرة نومي)) ألقاها يالسه تحت في الصاله , لاااا وتقوم إتروح إتييب لها الماي والشاي وكنه البيت بيتها , انا تضايقت لنه شي ما أقدر آخذ راحتي فالبيت و هذي رازه ابويها كل يوم عندنا , ولما اشتد بيني الحال قلت حق اميه , يما من ذي لي ما تستحي يالسه بالصاله كل يوم عندناو مااتروح ميلس الحريم ؟ , الوالده عصبت علي و قالت : عيب شي ترمس عن بنت عمتك ؟؟؟ّّّّّّّّّ!!!!!!!!!! , وفي النهايه الثنتين خوات طالعين على عمتي و ولد عمتي حنطي على أبوه ...
صراحه انا اعتل حالي , فقلت أقرا في كتب التاريخ يمكن في غيرهم بعد ما اعرفهم

والسلام عليكم و رحمة اله و بركاته

بو سيف

[ماما ملقوفه]

شوف الصراحه انا ما قريت كل الموضوع بس عندي نصايح غير الخيمه للحوارات علشان يردون عليك الثانيه اذا كان موضوعك طويل زي هذا خله قسمين علشان ما يتعيجزون يقرونه

[بو سيف]

السلام عليكم ..
مرحبا الساع .. والله شو أقول .. أنا هذي كانت أول مشاركه فا ما كنت أعرف إنه الباب مفتوح للناس للمشاركه .. و غير هذا إنه الموضوعين متصلين إف بعض فا حبيت إيكونوا بنفس المكان .. و أكثر من هذا إني ثرثار أحب الرمسه .. وإنشالله تقرونه ..
و مع السلامه و شكرا للنصيحه

[Hadia]

والله مسكين يابو سيف واللي مسكينة اكثر بنت عمتك هذي
ما تعبت وانت تطيح في مقالب معها.
الله يعينك
هادية

[بو سيف]

مرحبا الساع بالأخت هاديا ...
والله شو أقولش أنا لي تعبت من هل عيله .. وأنا الحين ما خليت حد إلا و سئلته عن أهله .. تعقدت خلاص ..
و يايتنكم السوالف بس في فقره غير هذي علشان ما تملون مني

باي باي فور ناو و مياوو

[بو سيف]

الله حيهم .. شو رايكم بهالموقف :

مره أنا و أخوي في (( عزكم الله )) الحمام نغسل إيدينا بعد الغدا .. فا مثل ما تعرفون كلمة الله ممنوعه نطقها في الحمام .. المهم دار بينا حديث و بالغلط قلت

بو سيف : (( الله )) إسامحهم .
بو خليل: هي مايصير تقول كلمة (( الله )) بالحمام .
بو سيف : أووووه إستغفر (( الله )) , أووووه (( الله )) يلعنك زين شي خليتني أقولها غصبن عني
و كل هذا وإحنا بعدنا بالحمام عزكم الله

و الله يلعن الشيطان

باي باي (( و بلوتو )) فور (( و فايف )) ناو (( و مياوو ))

[Marvellous]

السلام عليكم
بصراحة مواضيعك حلوة وسخيفه بنفس الوقت

أرجو أنك ما تزعل

[Marvellous]

السلام عليكم
بصراحة مواضيعك حلوة وسخيفه بنفس الوقت

أرجو أنك ما تزعل

[بو سيف]

هاهاهاهاها ...

انت امطرش مرتين فا أنا ما زعلت على الأولى و زعلت عالثانيه

هاهاهاهاهاهاهاها

[بو سيف]

والله يا شباب ما أزعل منكم أبد .. أحبكم كلكم
؛) بوسه للكل ..