مساجلة بالشعر النبطي ( شاركونا )

[الــنــدى والـــمــا]

لو يشتكي المظـلوم وش في يدينه..........من يـرحـمـه لاهلت عـيونه دمـوع

من يسمـعـه لابـاح خـافـي كنينه..........منهـو يـرد القلب لاصار مـنـزوع

مهـمـا شـكـى قلبه وعقله وعينه..........شكـواه مـاتنفع ولاهـو بمسمـوع

ربي على خـافـي هـمـومـه يعينه..........قلبه غـدى في روضة الهم مزروع

زرعه ذبـل مـن قـبل وقته وحينه..........صـارت حـياتـه هـم وآلام ووجـوع

يوم انقطع حبل الرجاء في يمينه..........يسحب لكن حـبـل رجــواه مقطـوع

ماعاد بـاقـي كـود ذكـرى حنينه..........في خافقي برق الرجاء عنه ممنوع

هـذي معانـاة القلوب الحـزيـنه..........مهما يصيح اليـوم ماهـو بمسموع