مجلة الخيمة حوار الخيمة دليل المواقع نخبة المواقع Muslim Tents
التسكين المجاني التسكين المدفوع سجلات الزوار بطاقات الخيمة للإعلان في الخيمة
الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

العودة   أرشــــــيـــف حوار الخيمة العربية > القسم الثقافي > خيمة بوح الخاطر
اسم المستخدم
كلمة المرور

المشاركة في الموضوع
 
خيارات الموضوع بحث في هذا الموضوع طريقة العرض
  #51  
قديم 19-05-2005, 05:39 PM
الشــــامخه الشــــامخه غير متصل
* * *
 
تاريخ التّسجيل: Oct 2004
الإقامة: *نجـد* قلبي النابض
المشاركات: 2,423
إفتراضي


سـيد الجـيل

اقوم من ليل واصبح على ليل
وما ادري النهار اللي يقولون وينه

مشغلني اللي مشغل البال بالحيل
واخفت شعاع الشمس غرة جبينه

المترف اللي لاعني بالمظاليل
واطبق جفونه بين عيني وبينه

لاجله تحديت البشر والذي قيل
ولاجله نذرت العمر واغلي سنينه

طرياه في شعري وصوت المواويل
واكيد عشاق السهر سامعينه

وذاكراه في بالي وكل التفاصيل
هو بحري المواج وانا السفينه

اموت به واموت به سيد الجيل
ويفداه عذال الهوي وحاسدينه

خذو النهار وقضبوني يد الليل
مادام ليلي ساكن وسط عينه

**********

الشاعر / أسير الشوق


الرد مع إقتباس
  #52  
قديم 27-05-2005, 04:22 PM
الشــــامخه الشــــامخه غير متصل
* * *
 
تاريخ التّسجيل: Oct 2004
الإقامة: *نجـد* قلبي النابض
المشاركات: 2,423
إفتراضي


تنهـيدتين ونـار

كــلّـمـنـي عـــنّــك
أبـعرف كـل شـيٍ عنّك منّك

قــلّـي وش أول جـروحـك
قلّي وش آخر أمل ترجيه روحك

إحــكـي عـــن طـبـعك
وعـــــن ربـــعــك

عــن الـلـي يـهزّ دمـعك
قـلّـي وش مـعـنى الـحـياة

قـلّي بـأنفاسك متى قد قلت آه
إحــكّ لــي عــن الـحب

إحــكّ لــي .. إحـكّ لـي
إحــكّ لــي عـن الـشوق

طــر بــي فـوق .. فـوق
خـــذنـــي مـــنّــك

وإحـــكّ لــي .. عـنّـك
الــــــصــــــدق

إن الأمل من قبل أعرفك .. كذب
والـتـضـحـيه أوهــــام

وإنـي أنـا مـن قـبل أعرفك
كــنـت أعـــرف أنــام

كــان الـسهر مـو هـالسهر
لـعب .. و أغاني .. و إختصار

صـــار الـسـهر تـفـكير
صـــــار إنــتــظـار

صـــــار إحــتـظـار
صـار السهر .. تنهيدتين ونار


******************
الملتـــــاع



الرد مع إقتباس
  #53  
قديم 08-06-2005, 01:44 PM
الشــــامخه الشــــامخه غير متصل
* * *
 
تاريخ التّسجيل: Oct 2004
الإقامة: *نجـد* قلبي النابض
المشاركات: 2,423
إفتراضي


اســتكثرك

إستكثرك وقتي علي وغدا بك
عادة زماني كلما طاب هون

ليت الذي وداك يا زين جابك
تشوف عقبك كيف الايام سون

شرقٍ مشيت و غرب وقتي مشى بك
والقلب ماله لايمٍٍ فيك لون

عقب الهنا بك ذاق لوعة عذابك
تلونت دنياه ولا تلون

طويتني طي الورق في كتابك
حتى معاليق الحشالك تطون

إشتقت لايام الهوى في جنابك
يوم الشموع بليل الاحباب ضون

واشتقت أقول لهاتفك مرحبا بك
و اشتقت لغيوم الصحاري تكوّن

عوّد ترى داعي الهوى عند بابك
واروي القلوب اللي بعد ماترون

غنيت لك عمري و لاجا جوابك
و اسمي مع مجنون ليلى تدوّن


******************
أمير الشعر خالد الفيصل




الرد مع إقتباس
  #54  
قديم 08-06-2005, 04:27 PM
متفائلة متفائلة غير متصل
مشـــاكسة المنتدى
 
تاريخ التّسجيل: Jun 2003
الإقامة: ksa
المشاركات: 1,165
إفتراضي

عابر جميل ما اضفته ..

سأقرأها بتأني ان شاء الله ..
الرد مع إقتباس
  #55  
قديم 10-06-2005, 09:35 AM
همس الأحاسيس همس الأحاسيس غير متصل
ريـــــم
 
تاريخ التّسجيل: Dec 2001
المشاركات: 2,305
إفتراضي

صمت الوداع

فارقت من لاكان ودّي أفارقـه = عقب الصلاة وتوّها الشمس شارقه
الفجر يوم الناس تسعى لرزقها = أنـا عيـوني بـازرق الدمـع غـارقه
بكى وأنا أبكي يوم وقّفت أودعـه = والكـل منّا يذرف دمــوع حـارقه
سـلّمت ويديـني بياديـه ترتجف = ويديه بيديني من الخـوف عارقـــه
وأقفا وأنا قفيت والصمت حيلـتي = عز الكـلام ودمعـة الياس فارقــه
وحسّيت كن القاع حدري تزلزلت = يــوم ألتفتلي وأسـتهلّت غـوارقه
سـرقت من دنياه لـذّات دنيـتي = برضـاي سارقني وبرضاه سارقـــه
همّي وهـوجاسي وحـبي وغيرتي = للي بوسـط القلب ناصـبٍ بيارقـه
وعـوّدت للمطلاع حزينٍ ملتجي = والقلب مـّني طـارق الهم طارقــه
ضلعٍ ورا المطـلاع شـوفه يريحني = عســا الحيـا يسقيه لالاح بـارقه
كتبت في عاليه حـرفي وحـرفها = ورسمت قلب الحب والسهـم خـارقه
ذكرى غـرام مات من قبل ينولد = بفـراق من لا كـان ودي أفارقــه
<******>doPoem(0)
طلال السعيد
__________________



لم أزل أرنو إلى عليائها.... قمّة الفخرِ على النهج القويم
فـــإذا ما لاح فيـــها قيـمٌ.... فانظرن في سِفرِهِ توقيع ريم
الرد مع إقتباس
  #56  
قديم 21-07-2005, 06:11 PM
الشــــامخه الشــــامخه غير متصل
* * *
 
تاريخ التّسجيل: Oct 2004
الإقامة: *نجـد* قلبي النابض
المشاركات: 2,423
إفتراضي


من كثر حبـّي

من كثر حبــــــــي لك تركتك وصديـــــــت
والقلب خالفني عليك وتركنـــــــــي

من شان عينك هنت عيني وضحيـــــــــت
وش عاد لو سهر الليالي هلكنــــي

ابيك وابعد عنك حبـــي وانا ميـــــــــــت
والوم حظٍ بالبـــــــــلاوي شبكنـــي

واذا دعاني حبي الذات عييــــــــــــــــت
احبك اكثر ياعذابٍ ملكنـــــــــــــي

لاجللك جميع ظروف وقتي تحديـــــــــت
حتى الفراق الّي بضرسه علكنـــي

لا ماتخلّى الحب ولا تخلّيـــــــــــــــــــت
كل مابغيت اعود يمّك مسكنــــــي


***************
دايــــم السـيف



الرد مع إقتباس
  #57  
قديم 02-08-2005, 02:41 AM
نور الحياة نور الحياة غير متصل
عضو فعّال
 
تاريخ التّسجيل: Apr 2005
الإقامة: أرض الخليج ...
المشاركات: 595
إفتراضي


صرخة العاشق

للشاعر:العفيدلي
الكويت

رسمتك لوحة العاشق رسمتك لوحة الاحساس
رسمتك بالسما نجمه على الموعد تناجيني
ترى ساس العشق قطر ندى .. وتعطّر الأنفاس
أشوفك عاطفه حلوه وعيونك حيل تغريني
أعرفك و الأصل طيّب وخلك من كلام الناس
وخلّك من حكي العذال رشي مزن واسقيني
أشوفك صرخة العاشق قبل تمطر عليْ افلاس
خذيني دمعة الواله على الوجنات واحبيني
تعالي جفّفي بكفك من عيوني دموع الياس
تعالي وارسمي برمشي معاني الحب واسيني
تعالي واشعلي فيني قناديلك ضيا نبراس
لأنك يا بعد عمري مناي إنك تحاكيني
أحبك حب ما يوصف أحبك حب ما لو قياس
تعالي واسكني قلبي دخيلك لا تخليني
أشوف بعينك الفرحة .. أشوفك فرحة الأعراس
وأتوه بنظرة عيونك وهجرك كم ياذيني
ترى بعض الغلا مني غلا شاعر رهيف احساس
ببنالك بالغلا صرحٍ على رجوي تزوريني


**************************************



طفلتي حطي نظر عينك بعيني
واستجيبي للمشاعر في نداي
لا تقولي كلمتين وتتركيني
لا تخليني غريقٍ في هواي
طفلتي هذي وصاتي واعذريني
وافهمي مضمون قصدي من بكاي


ابن العاصفة



__________________
رب جنبني صداها ، فهي اعدى من عرفت .. هي نفسي و هي شيطاني الذي منه هربت
الرد مع إقتباس
  #58  
قديم 02-08-2005, 02:45 AM
نور الحياة نور الحياة غير متصل
عضو فعّال
 
تاريخ التّسجيل: Apr 2005
الإقامة: أرض الخليج ...
المشاركات: 595
إفتراضي



يا صاحبي عمر الزهر ما تنبته صحراء قـفر
حتى ولو هو يانعٍ ما له غنى عن ها الرمال
ما له غنى عن غيمةٍ تروي سهوله بالمطر
أو مقلةٍ ترعى ضميره، كبرياءه والدلال
وش ذنبها روحي وروحك تحمل أخطاء البشر
وش ذنبها طفلة أسى تسلك طريق الانحلال
وش ذنبها العنّاب يسرق من لواحظها نظر
وش ذنبها يبكي أسى لفراقها صم الجبال
لفراقها الماضي تكدّر حيل والآتي انتحـر
ولّى زمانه الطاهر العذري تلاشى ثم زال
يا دانتي جرحي أنا بركان بهمومـه انفجّر
واصل شعاع الانفجار سهيل ونجوم الشمال
يا دانتي مـذبوح أنا كلي وشـوقي يحتضّر
كافي عذابات الألم لا تجرحيني بالنصّال
يا دانتي كلّي خطا أدري وذنبي يغتفر
يا ساهرة عيني أنا ما أقوى على همومٍ ثقال
ما أقوى أداري دمعةٍ تهتن على ضّي القمر
تنتاب بستان الظمأ ترويه فيضٍ من زلال
أخطيت يا ريم الفلا ادري وأبي منك العذر
علّي أراجع غلطتي أبغيك محتاج الوصال
كفكف دموعي وحيرتي وارحم قلوب تنفطر
تبغي رضاك وطيبتك وما ظنتي صعبة منال
يا (فيلسوفة ) حاضري قيثارتك تهـوى الشعر
لا تحرمي قيثارتك من شاعرٍ عذب المثال
لا ترحلي عن دنيتي خلّي طيورك تنتظر
لا غردت تبغي سفرْ تقطع مواصيلٍ طوال
تحمل جروحي بجنحها لآخر مسافات العمر
وترمي بها وسط الفلا في غربة فيها ارتحال!


للشاعر :وليد العامري
جامعة السلطان قابوس



__________________
رب جنبني صداها ، فهي اعدى من عرفت .. هي نفسي و هي شيطاني الذي منه هربت
الرد مع إقتباس
  #59  
قديم 16-08-2005, 12:51 PM
الشــــامخه الشــــامخه غير متصل
* * *
 
تاريخ التّسجيل: Oct 2004
الإقامة: *نجـد* قلبي النابض
المشاركات: 2,423
إفتراضي



شمس الورق

أنابظهر من سكوتي قبل شمس الورق ما تغيب

قبل حبر الليالي يجف .. وانا ماغنت جروحي

قصيده .. خذتها من طفل .. ما اظنه ابد بيشيب

ولكنه نزح عني .. مثل إحساسي بروحي

ابا اكتب للسماء نجمه.. ابا اكتب للخزامى طيب

واباكتب لين احس القلب لا يكتب ولا يوحي

يموت في قلبي الشاعر ويغتال المشاعر ذيب

ولا ادري افزع للضحكي .. او أحمي صرختي ونوحي

حزينه هالقوافي لا .. ولكن من يعرف الغيب

سعيده هالقوافي .. بــ انتظر لين آخرة بوحي

تعالي نتيع الضي البعيد في عتمة التغريب

ولو مليتي من أجمل قصايد غربتي روحي


************
للشاعر الامير بدر عبدالمحسن



الرد مع إقتباس
  #60  
قديم 01-09-2005, 04:59 PM
الصورة الرمزية لـ الوافـــــي
الوافـــــي الوافـــــي غير متصل
عضو جديد
 
تاريخ التّسجيل: Apr 2003
الإقامة: saudia
المشاركات: 24,409
إفتراضي

عين تشربك شوف

بين فرحة لقاك وهم فرقاك = لاتذكرت جرح ولا نسيتك
حي هالشوف ماتنمل دنياك = شف سواة العيون ليا لقيتك
عين تشربك شوف وعين تظماك = لاذبحني ظماك ولا رويتك
قمت اخيلك هناوهناك .. وهناك = وين ترحل بي النظره نصيتك
ان تبسمت قلت الموعد شفاك = وان تمنعت بانفاسي دعيتك
وان طلبت الغلا قلت الغلا جاك = وان سكنت الخفوق البيت بيتك
وان نثرت القصيد بدرب لاماك = ذاع صيت القصيد وذاع صيتك
يارجا العمر لو حفتك الاشواك = ليتك اول طريق القلب ليتك
ودع البرد كف ضم يمناك = صافح الود قلبي يوم جيتك
حي هالشوف رغم هموم فرقاك = لو تناسيت جرحي مانسيتك
<******>doPoem(0)
الشاعر / مساعد الرشيدي
__________________


للتواصل .. ( alwafi_248@hotmail.com )

{ موضوعات أدرجها الوافـــــي }
الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع

حوار الخيمة العربية 2005 م