|
.gif)
مجلة الخيمة
 حوار الخيمة
دليل المواقع
نخبة المواقع
Muslim Tents
|
|
التسكين المجاني
التسكين المدفوع
سجلات الزوار
بطاقات الخيمة
للإعلان في الخيمة
|
| الأسئلة الشائعة | قائمة الأعضاء | التقويم | البحث | مواضيع اليوم | جعل جميع المنتديات مقروءة |
|
#1
11-07-2000, 12:03 AM
|
|||
|
|||
يوميات المنشق في القاهرة..كخخخخخخخ
اليوم ابي اقولكم بعض السوالف من سفرياتي انا وصديقي دايم..واللزقة المنشق..كنا دايما نسافر مع
بعض (المنشق مانبيه يسافر معنا بس المشكلة في كل مرة مجبورين ناخذه معنا لانا محتاجين فلوسه في قطة السفرية).. اي سالفة اقولكم..؟؟ أي سالفة.. ايوة..ابي اقولكم سالفة القاهرة واللي صار معنا فيها.. قبل ثلاث سنوات اتفقت انا ودايم.. انا نروح هالصيفية للقاهرة (طبعا المنشق لازم يروح معنا..الفلوس ياناس..كخخخخ) اجتمعت انا والشباب في المجلس عندي واتفقنا على كل ترتيبات السفرة..وحجزنا التذاكر وكانت رحلتنا بكرة من مطار الملك خالد بالرياض..وحددنا ساعة الصفر (م.م ثلاثمية)..جا بكره ورحت انا هناك ولقيت أخوي الدايم ينتظرنا ويا حلاته ماشا الله ما شالله مكشخ ولابس نظارات شمسية.. عين سودا والثانية برتقالية ماركة بفباف (اخر صيحة في عالم العميان) وقميص عليه غابة ماركة مرتديلا وبنطلون ( ربنا يستر ) .. المهم : صباح الخير يالدايم ..صباح الخير اخوي جمال .. سألني دايم ما شفت المنشق ؟ قلت له مفروض إنه يكون في المطار على حسب إتفاقنا على ساعة الصفر بس مدري وش اخره.. المهم أخونا الدايم على عادته الحاتمية عزمني على طاسة نسكافيه وجلسنا في الكافتريا ننتظر الملقوف . والله تونا بنسولف إلا المنشق جاي علينا من بعيد يركض وحاط إيده على راسه من خوفه لا يطيح العقال ..وحاط ثوبه في فمه..وجاي ركض.. قمت أنا والدايم .. خير يا الملقوف عسى ما شر ؟ وين الشنطة ولوازم السفر ؟ وليش منحاش؟ قال المنشق لنا وهومقطوع نفسه تكفون يالحبايب تعالوا فكوني من الدريور .. ونطالع وراه الا فيه باكستاني (شنب..كخخخخ) يلحقه..سأله الدايم .. إيش فيه ؟ رد المنشق : يا خوي نسيت الفلوس تحت المخدة لأني ما حبيت أخليهن بجيوبي خفت من أخوي مقيليط يسرقهن .. المهم تعالوا واللي يسلمكم إدفعوا للدريور عشان يفكني ويعطيني الشنطة…قاله لدايم ياكثر مشاكلك يامنشق .. وصل السواق .. سلام رفيق . كام الحساب ..قال السواق : مش مهم الهساب هبيبي أنا يبغي تأويض فلوس كتير ؟ ليش من غير شر ؟ قال : هذا نفرات ملقوف طول طريق يهفر في مناخيرمال هو وأنا صاير قرفان كتير منه . ( ياذي الفشيلة..حتى الباكستاني فشلتنا عنده.. متى تترك هالعادة يالملقوف) . قال له الدايم أوكي قول لنا كام الحساب مع التعويض ..قال السواق : ابغى ميتين ريال .. قال له الدايم ماشي : هاك الفلوس وانقلع .. المهم قلنا للمنشق يالله هات الشنطة وخلينا نلحق الطيارة .. قام المنشق قتح دبة السيارة وطلع منها صرة (بقشة) وقال يالله .. الدايم لما شاف بقشة المنشق أنفتحت عليه طاقة الكخخخخخخخخخخخ واخذ يغامزلي بعيونه .. قلت له ما عليك يا رجال عديها المنشق وانت عارفه.. لكن نسينا نسلم على خوينا المنشق ونسلم على خشمه . قال لي الدايم والله يا خوي السفر كوم واني ابوس على خشمه كوم .. ما شفت كيف السواق الباكستاني قرفان منه وععععععععععععععععع .. قلت له يا رجال مهما يكون هذا اخونا ولازم نقوم بالواجب معه.. المهم تقدمت أنا للمنشق وحظيت إيدي في إيده وحبيت على خشمه .. وبعدها ماصحيت بنفسي الا وانا في مطار القاهرة الدولي .. اثاري أغمي علي ونقلوني للطيارة وطول الرحله و الدايم يقول للمنشق حسبي الله عليك كم مرة وانا اقولك تروش ذبحتنا بريحتك ..ويدعي عليه من قلبه .. صحيت أنا وقلت للمنشق يا لله نروح للطيارة قبل ما اتفوتنا .. قال لي الدايم الحمد على السلامة إحنا الحين في مصر.. وصلنا خلاص .. قلت وانا مندهش في مصر؟ وليش أنا نايم وحولي أكسجين وليات وخرابيط .. قال لي المنشق ما عليك شر يا خوي يا جمال بعدين أنسولف لك السالفة .. المهم نسيت اقول أن أخونا المنشق كان لابس دشداشة والله ما هو معروف لونها.. في الأصل كانت بيضاء وهالحين بانوراما وتشوف فيها كل الوان الطيف وريحة البارفيوم اللي حاطة وعععععععععع يبدولي إنه كان من ماركة ( شم وأقلب) .. ومن كثر الفضول اللي عندي قمت سألت المنشق وقلت ليش لابس هالدشداشة مع انا متتفقين كلنا أنا نطقم ونكشخ بالبذلات والسموكن .. قام قال لي : تحسبني خبل مثلكم.. أنا قلت بلبس الدشداشة عشان البنيات يعرفون إني خليجي ويتهافتن علي ..( يعني من أولها نيته أزفت من بارفيومه - يعني العطر حقه-). قلنا لا معك حق البنات يبون يجونك كلهن (من زين الدشداشة اللي انت لابسها عاد..كخخخخخ).. المهم نزلنا من الطيارة .. وخذنا ليموزين وقلنا للسواق خذنا على فندق يكون أرخيص وكويس وابن ناس يعني يكفي لو إنه فندق من درجة ثلاث ملاعق وشوكة .. قال : حاضر يا بهوات .. وأحنا في الطريق لقينا السواق كل شويه يطلع راسه من الشباك ويشم هوى ..ليييييييييش؟؟ لأن المنشق كان قاعد جنبه في المقعد الأمامي .. وبصراحة طلع السواق أخر نكته ووناسه وطول الطريق أخذ يسولف معانا ويضحك فينا .. وكان الدايم يترجم للمنشق من اللهجة المصرية للحوطيه عشان يفهم نكت السواق.. وفجأة السواق ناظر في المراية..انا على بالي انه يتكلم معاي او مع الدايم وقال : بأول إيه يا بهوات .. الأخ المؤرف اللي أأعد جنبي جاي يعمل إيه في مصر ؟ (طبعا خوينا الملقوف كان يمارس هوايته في حفر الكوسا).. فقال له الدايم : لا يغرك شكله إنه لابس دشداشة وصخة ولا يغرك ريحته اليععععععععععععععععع لكن ترا هذا اللي ماهو عاجبك شخصية مهمة في السعودية ..ومن الاعيان هناك.. السواق : ياخبر ابيد..إيه يعني بيشتغل إيه ؟ جاوبه الدايم وقال : هذا شريطي كبير .. السواق كان يحسب ان شريطي يعني شرطي وكان يعتقد انه ضابط في الشرطة.. فقال للملقوف : لا مؤاخزة يا بيه اللي ما يعرفش سعادتك يجهلك . هو قال هالكلمة وأخونا الدايم ما منه إلا كخخخخخخخخخخخخخ .. ومن ساعتها وهو ماينادي الملقوف الا ياسعادة البيه ..ويضحك ويضحك..كخخخخخخخ وصلنا للفندق ودفعت أنا الحساب لأن خوينا الملقوف ضاوي وانظف من الصيني بعد الغسيل . ورحنا للريسبشن عشان نحجز ثلاث غرف .. موظف الريسبشن .. أهلا وسهلا بالبهوات ,, أي خدمة . قلنا عاوزين ثلاث غرف .. قال أاسف يا بهوات في غرفه واحدة فاضية لأن الموسم زحمة أوي .. قلنا ما في مانع أعطينا إياها . أوكي,, فين الجوازات بتاعتكم .. أعطينا الجوازات .. صار يقرا الموظف في الأسماء فتح جواز الدايم واخذ يكتب البيانات : الإسم دايم . العيلة : السيف الجنسيه: سعودي .. وبعدين فتح جواز المنشق .. الإسم : المنشق ,,إتعجب الموظف وضحك هاها..وقال : ده إسم وألا مرض يافندم؟ إيه يعني المنشأ ولا مئخزه.. قال له المنشق .. لا بالله موهب مرض لكنه إسم والله من زين الاسامي .. اوكي قال له الموظف وأخذ يكمل في البيانات .. اسم العائلة : الملقوف .. قام الموظف وحط القلم على جنب وهو معصب..توقعنا انه راح يعطيه كف على وجهه..كخخخ وقال للمنشق ..ممكن تئولي ياحضرت إيه يعني ملؤووف ..؟ قال له المنشق : ملؤووف يعني إرد اللي يلؤفك ويلؤف الدايم وجمال بعد منه .. تراني قلت لهم أكثر من مرة خلينا أنروح على ساحل العاج لكنهم عيوا وقالوا لا بنيجي على مصر .. ملؤووف هذا إسم العيلة وأنا أخوك . قال الموظف .. أوكي متزعلش روحك.. ملؤووف ملؤووف وانا خسران حاجة!. المهم أعطانا غرفة في الدور الثاني فوق مكتب الريسبشن مباشرة .. طلعنا فوق على السلم وفتحنا الباب ودخلنا في الغرفه .لقينا الغرفه فيها سريرين وحمام ( اكرمكم الله) .. حطينا خلاقينا في الخزانة وقال الدايم أنا ابي أرتاح وانام شويه قبل ما نروح على السهره الليلة وانا قلت برضه أبغى أنام .. وانت يا منشق وايش ناوي تسوي ,, قال : إنتو ناموا وأنا بأنزل في الكافتيريا شويه وبأرجع لكم بعد ساعتين .. زين .. قلنا زين .. المهم حطينا روسنا ونمنا والمنشق صك الباب ونزل للكافتريا .. بعد حوالي نصف ساعة ما شفنا إلا والباب يصيح من كثر الطق ..ونسمع الصياح ورا الباب.. صحيت وقلت خير إن شاء الله .. وفتحت الباب إلا والملقوف جاي ومعاه موظف من الكافتريا وشرطي وبنت في العشرينات بتبكي وبتتشغنف . قام الدايم على رقع الباب وقال : ايش فيه يا جمال ؟ قلت له قوم شوف هالمصيبة الجديدة.. المهم جا دايم وسأل الشرطي عن السالفة .. قال المؤرف ده كان آآعد في الكافتريا وبتحرش في البنت دي .. والبنت ضربته ألم على وشه آآم هو شاددها من شعرها ..(يا ذي الفشيلة) قال الدايم : هذا خوينا واحنا عارفيه..والمطلوب ..؟ قال الشرطي لازم يدفع غرامة علشان عملته المهببه دي .. قال له الدايم : وكام الغرامة. قال الشرطي : ربعميت جنيه .. قال الدايم موجه كلامة للمنشق .. طبعا أنا اللي بادفع لأنك ضاوي .. ودسيت الفلوس تحت المخدة ..مزبوط . قام المنشق يهز براسه أوكي ,, المهم دخل المنشق ودايم دفع الغرامه للبنت وراحوا في حال سبيلهم . الدايم : قول لي يا المنشق وايش السالفة الله يفشلك؟ رد المنشق يا خوك كنت قاعدن في أمان الله وجت البنية وقعدت جنبي وقعدت تناظر فيني من فوق لتحت .. قلت في بالي والله وغمزت الصنارة ياالملقوف واخيرا لقيت بنت تعطيني وجه.. رحت مقرب لعندها وتبسمت لها ,, ويومن شافت إبتسامتي وسنوني وهي يا خوك تخترع ويقلب وجهها أزرق وأصفر .. المهم هديت من روعها وقمت كتبت رقم الغرفة على ورقه صغيرونه ومديت إيدي أعطيها إياها قلت يمكن تحتاج اي خدمة مني..كخخخ.. والله وأنا أخوك إلا وهي تكفخني على خشمي ذاك البقس..قمت من حرتي واشد شعرها واشحطها على الأرض ..وهي تصيح..وبعد كذا طلبوا لي الامن وصار اللي صار.. وهذي هي كل السالفة .. قال له الدايم: واللي يرحم والديك يالمنشق لا تعمل حركات قرعة وتفشلنا قدام خلق الله .. خليك جنتل يا اخي .. المهم المنشق قلب بوزه وحلف يمين ماهو طالع الليلة لأي مكان .. ولما شفناه مصمم على كذا أجلنا فسحتنا لثاني يوم . ثاني يوم الصبح طلبنا الفطور وافطرنا وعينا خير.. وكشخنا والمنشق كان نايم بالدشداشة وصحا فيها ويبي يطلع فيهابعد . المهم قال الدايم للمنشق وين تبينا إنروخ اليوم ؟ قال المنشق .. واللي يطول عمرك نفسي أروح على جنينة الحيوانات بالجيزة ..دايم اشوفها في المسلسلات وودي اشوف القرد بعد..( يا حليلك إنت وهالأمنية ) . وافقنا كلنا ورحنا على جنينة الحيوانات ( صلة رحم مش أي كلام ) .. أول ما قطعنا تذاكر وخشينا إلا وأحنا قدام مجموعة القرود .. انبسط المنشق وابتسم ابتسامة الاطفال البريئة..كخخخخخ وقرب لأحد القرود الصغار وشوي الا هو يصيح.. يا دايم يا جمال شوفوا هذاك القرد اللي قاعد فوق ؟ والله إنه يذكرني بـ.. !!! وسكت وقعد يبكي .. المهم أم القرد قامت تناظر على المنشق وبسرعة خطفت قردها الصغيرون بحضنها وانحاشت بعيد وقعدت إتصارخ وهي تطالع في المنشق ,, طبعا الدايم كالعادة مات من الضحك وكثر من الكخخخخخخخخخخخخخ كخخخخخخخخ.. وجه المنشق صار أحمر ( حياوي مرررررة) وقام يناظر للأرض ..وحط اصبعه الصغير في براطمه.. وبعد شوي جاء العامل اللي يحرس القرود وهمس بكلام في أذن الدايم وراح ..إلا واخونا الدايم كخخخخخخخخخ ووقع على الأرض من الضحك وأخذ يرفس برجليه في الارض من كثر الضحك,, رحت بسرعة صوب الدايم واسأله عن سبب هالضحك الهستيري ,, ماقدر يجاوبني وقعد يضحك ويضحك ونزلت دموعه من كثر الضحك واخذ يطالع في المنشق وكخخخخخخخخخخ وكخخخخخخخخ.. وبعد ما لقط نفسه قال لي : تعرف ليش يا خوي جمال انااضحك؟ قلت له ليش ..؟ قاللي : لأن العامل لما وشوشني كان يقول.. أم القرد كانت بتقول للمنشق وهي بتصارخ عليه : يعني إبني أنا قرد وإنت اللي غزال !!!!!!!! ياالشيييييييييييين..كخخخخخخخخخخخخخ تأليف:جمال سيناريو: دايم اخراج: منظمة جمال ودايم الارهابية وإلى اللقاء في يوم اخر..من يوميات المنشق..كخخخخخخخ |
|
#4
11-07-2000, 01:14 AM
|
|||
|
|||
حبيبنا يالدايم يا ترى خوينا المنشق فاكر هذي القصة وألا زي عوايده حينكر؟
وينك يا المنشققققققققققق؟  |
|
#5
11-07-2000, 01:24 AM
|
|||
|
|||
|
المر..الحمدلله ان سهرك ماراح بلاش..ننتظر ردك بكرة..كخخخخ
فراس.. كيف الحال حبيبي..ذكرتني والله يمكن نحتاجك المرة الجاية لاخراج عمليات المنظمة الارهابية..كخخخخخخخخ جمال.. المنشق متذكر كل هالقصص بس مسوي فيها ناسي..كخخخخخخ بس بيني وبينك الشباب طلعوا اي كلام وناموا..لايكونو خايفين من المنشق بس..كخخخخخخخ..تطمنوا ترا المنشق وسيع صدر..وهو ابو الابتسامة كلها.. جمال..تصدق ياليت شيوووووووووومة معنا هالليلة كان ماتت من الضحك..كخخخخخ بس مسكيييييييييييينة..الحين نايمة..هههههه |
|
#7
11-07-2000, 01:30 AM
|
|||
|
|||
|
يا سيدي بكره قريب لكني متأكد بان المنشق دا حين قاعد بيدعي علينا.
والا شو رايك؟ |
«
الموضوع السابق
|
الموضوع التالي
»
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
| خيارات الموضوع | بحث في هذا الموضوع |
| طريقة العرض | |
النمط الخطي
|
|
