مجلة الخيمة حوار الخيمة دليل المواقع نخبة المواقع Muslim Tents
التسكين المجاني التسكين المدفوع سجلات الزوار بطاقات الخيمة للإعلان في الخيمة
الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

العودة   أرشــــــيـــف حوار الخيمة العربية > القسم الترفيهي > خيمة الأصدقاء والتعارف
اسم المستخدم
كلمة المرور

المشاركة في الموضوع
 
خيارات الموضوع بحث في هذا الموضوع طريقة العرض
  #1  
قديم 04-02-2001, 04:26 PM
طير شلوى طير شلوى غير متصل
Registered User
 
تاريخ التّسجيل: Dec 2000
المشاركات: 35
Post قبل كل شي : بسم الله الرحمن الرحيم ... وبعدين ادخلوا واقروا

بسم الله الرحمن الرحيم ....
اخواني وخواتي / اعضاء موقع الخيمه عموما .. ومنتدى الصداقه على وجه التخصيص .. ولايهون كل من يقرا كلامي ..
السلام عليكم ورحمة الله وبركاته ..
قبل لا ابدا موضوعي .. أو بالأصح .. مفهومي .. حبّيت اسلّم عليكم جميع .. واهنّيكم واهنّي نفسي قبلكم على نعمة الله ورحمته لنا بهالربيع اللي يرد الروح .. وانشالله دوم .. وعام لكل ديار المسلمين .. قولوا آمين ...
والشي الثاني اللي اباقوله قبل بداية ( مفهومي ) انّي اعتذر من صغيركم ( بالعمر .. ولاّ كلّكم كبار بعقولكم ) قبل كبيركم .. على انقطاعي .. او قلّة مشاركاتي .. وعذري ياخواني وخواتي .. الدراسه ومشاغل الحياه .. وبس ... ااتمنّى تقبلون عذري وتفهمونّي ...
وبعد هالمقدّمه ( اللي تسنّها مقدمة ابن خلدون ) ابابدا بذكر ( وبالأصح ... سرد ) مفهومي ونظرتي ... واللي ابيه منكم .. هو .. الله لايهينكم ... المشاركه بإبداء الراي .. واكون شاكر لكم كلكم .. والله يحفظكم ..
بسم الله ابدأ ..
انا عندي فكره او مفهوم يسيطر علي .. ومقتنع فيه تمام الاقتناع .. مع وجود ناس معارضين لي برايي .. والسالفه ياطوال الاعمار هي .. انّي مقتنع ومأيّد ان الانسان مايجوز ان تطغى دراسته على علاقاته الاجتماعيّه ( طبعا تبون تقولون : وش هالمهبول هو وموضوعه اللي مسوّي به زحمه ) .. يعني .. انّي لاحظت ناس ( كثار ) همّهم بالحياة الدراسه ..الدراسه .. وبس ... علاقات اجتماعيّه .. وتعارف وتزاور .. وطلعه من البيت .. لأ .. مدري ليش ؟؟!! ..
تفكيري ونظرتني ( مع كل التواضع .. اللي يشوفني يقول وش هالعلاّمه صاحب التجارب ) اعيد واقول .. تفكيري ونظرتي .. لمستقبل من يكون هاذا حاله .. انّه راح يكون انسان غير اجتماعي ... انسان انطوائي ... غير فاعل بالمجتمع ... انا بكلامي ما اقصد اهمال الدراسه .. لأ .. لا تفهمونّي غلط ... الدراسه مهمّه .. ومهمّه مرّه .. وضروريّه .. بل واجبه ... بس ماتكون على حساب انسانيّة الانسان ... يعني ... انسان ماله حضور بالمجتمع .. ماله دور ... وان كان له دور .. فهو غير مؤثّر ... انا ماابيكم تحسبونّي اتحامل أو اهاجم هالفئه من مجتمعنا .. لأ .. انا ودّي احل حاجه .. احس انّها راح تسبّب ( ماني معطيها اكبر من حجمها ) نوع من الانعزال بين افراد المجتمع الواحد .. وهاذا شي مهو زين ...
يعني ( ياكثر .. يعني .. هاذي ) الانسان ( من وجهة نظر شخصيّه ) لازم يكون له تعامل مع افراد المجتمع ... له دور ... له ظهور ... امّا اللي شفته من ناس طول عمرهم بالبيت .. مذاكره بالبيت وبالمدرسه وبالعطله ... وبكل وقت .. وهالشي على حساب واقعك الاجتماعي .. ودورك بالمجتمع ... اسمحوا لي هنا اذكر لكم حاجه .. ينطبق هالموضوع عليها .. وهالسالفه حصلت معي شخصيّا ..
هذا سلّمكم الله ... في احدى مراحل الدراسه اللي مرّيت بها .. ( للمعلوميّه .. مو للفخر والاستكبار ... كنت من المتفوّقين ) المهم ... كنت انا وواحد من الاخوان .. كنّا حنّا الاثنين ... التّوب بالصف .. يعني اشطر اثنين ... مو هاذي القصّه ... القصّه سلّمكم الله .. انه في مرّه .. دخل علينا المرشد الطلاّبي .. وكان يبغى اختيار عريف للصف ( لا تضحكون ) ايه ... عريف للصف ... ينظّم الصف .. ويسجّل اسماء المشاغبين بين الحصص .. المهم .. طبعا .. طلب المرشد من الطلاب .. ان كل من يجد في نفسه الكفاءه فليتقدّم .... وطبعا .. ان يكون الواحد عريف الصف .. يعني علاقته متوطّده مع المدرّسين ورأيه مسموع عندهم .. وشرف كبير ان يكون الواحد زعيم الصف ( العمده ) ... المهم .. انا رفعت اصبعي .. ابي ارشّح نفسي .. والاخ المتفوّق الثاني .. رشّح نفسه .. وبهالحاله .. انحرج المرشد .. وماعرف من يزعّل ولاّ من يرظّي .. انا ولاّ الأخ المتفوق الثاني ... فلجأ المرشد الى فكرة التصويت .. وطلب من طلاب الصف ان يصوتون لأي واحد مننا .... فجا اختيار الطلاب وبأغلبيّه ساحقه ... زي مايقولون ... لي انا .... طبعا مو عشان شي ... الاّ لأنّي انسان متعامل مع الكل ...بمعنى آخر .. لأنّي اجتماعي مع كل الطلاّب وعلاقاتي ممتازه حتّى مع اللي يصنّفون من الظعاف دراسيّا ( مع ان المتفوقين مستحيل ان يكون لهم تعامل مع هالفئه ) .. المهم .... اظن ان معنى القصّه وصل ..
فياخواني وخواتي ... وش رايكم .. ووش تعليقكم ( على نظرتي ومفهومي ) .. انا صح ولاّ غلط ؟؟؟؟؟
وقبل الختام اتأسّف ( لو الاسف ينفع ) على انّي مصّختها بطول الموضوع ... آسف ... آسف ... من الأعماق ..
اللي عادّن نفسه اخوكم / طير شلوى
الرد مع إقتباس
  #2  
قديم 04-02-2001, 04:33 PM
طير شلوى طير شلوى غير متصل
Registered User
 
تاريخ التّسجيل: Dec 2000
المشاركات: 35
Post

<===== وش هالنّشبه
طبعا نسيت اقول لكم ان المتفوّق الثاني يتبع للفئه اللي اتكلّم عنها ( همّه الدراسه .. وماله شغل بالعلاقات الاجتماعيّه )
لذا لزم التنويه
الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع

حوار الخيمة العربية 2005 م