رياضة التضبيب + الجرررربعة

[كوكتيل]

السلام عليكم

سأتناول في هذه الاسطر القليلة رياضة محببة إلى فئة كبيرة من شبابنا و كبارنا و هي :

1 ) التضبيب :
و هي أن يتم صيد الضبّان (( التماسيح الصحرواية )) من خلال المطاردة العشوائية أو من خلال حشر الضب (( بشكمان )) السيارة حتى يخرج من الكتمه ، و يقال بأن هناك طرق أخرى ليس هنا المجال لذكرها . تتمتع هذه الرياضة بعدد من المميزات و لعل أهمها رفعع اللياقة البدنية من خلال المطاردة بالأرجل للضب و من فوائدها (( نفض )) كربون السيارة في جحر الضب مما يكون له الأثر الإيجابي على أداء محرك السيارة في المستقبل .

2 ) الجربعة :
و هي مطاردة الجرابيع في الليل (( غالبا )) و لكن يعاب على هذه الرياضة بأنها لا تصلح في بداية ولا نهاية الشهر حيث تكون الرؤية شبه معدومة ، و يفضل استخدام (( كبس )) نور جاهر .. لرؤية الجربوع أولا .. و حتى تشعق النور في وجه الجربوع فلا يستطيع الحركة بعدها (( مهوب كلهم )) .. و لكن من عيوب هذه الرياضة أن يتمتع الممارس باللياقة البدنية العالية و سرعة الحركة ، و أن يكون قائد السيارة على درجة عالية من المهارة و الفن (( أنحش عن العليمي )) و إلا ستكون العواقب وخيمة حينها .



يتبع الجزء الثاني

[دايـم السيف..]

اخوي كوكتيل

قبل لاتنزل الجزء الثاني

وش رايك
7
7
7
7
7
7
7
7
7
7
7
7
7
7
7
7
7
7
7
7
7



قرب السيارة بس
وبيكون احلى عشى في احلى استراحه

في انتظار الجزء الثاني

شكراً لك

[HONDA999]

السلام عليكم..موضوع منتاز بس ياليت ترفق بعض الصور <==يبي يوهقك

وبالنسبة للجرابيع ..تنبيهك حلو (و أن يكون قائد السيارة على درجة عالية من المهارة و الفن (( أنحش عن العليمي )) و إلا ستكون العواقب وخيمة حينها . ) ذكرتني بذاك اليوم اللي نزلنا واحد من الشباب اللي قام يطامر وراء ذا الجربوع بكل اخلاص وقوه بس كانت نيتنا شينه تركنا الجربوع وقمنا نلاحق الرجال بالسيارة وانواع الضحك .وعقبها محد نزل

ونحن في انتظار الجزء العاشر <==اقول لك يبي يوهقك

[الخنساوي]

على طاري العليمية ذاك اليوم قاعدين نجربع عند مفرق بن هاجد في شقراء وخوينا معه ددسن المهم بس ذاك الرجال عليمي في السواقه ويشوف الناس يسرعون ويلفلفون وقلدهم وحنا مصندقين بالصندوق ثم يوم قابلتنا ذيك الحصاة اللي كل اللي في الصندوق تتطايرو وأنا أذكر أني جيت في شدز* موادع ...

-------------
للعملوميه ترجمة شدز * معنها أن الشدز هو أخر بطن الانسان

[بومبا]

سلاااااااااااام


والله موضوع حلو مررررررره والي احلى منه الردود كلهم ملح وقبله


الصراحه انا مالي في هل امور ضبان وجرابيع بس مايمنع ان حنا نقوم برحله بريه في احدى بران نجد لا يزعلون مني الي ساكنين في مناطق غير نجد , نجد يتوجد فيها الضب والجربوع بكثر <===== صارت حصة علوم

ويكون مكان الرحله يا في الخويشات او الخويش الجنوبي او ابوعينبه ايه هين بس ان عرف الأخير يا كوكتيل

وانا ارشح كوكتيل مشرف الطلعه <===== بالله شريكم في اسم مشرف الطلعه يا ينفع منتدى زيود

وبنسبه لددسن انا اضمن الخنساوي يدبره لنا لكثرة تواجده في سوق الغنم

وانا ازهلو مني من يوسع صديراتكم وياكل غديكم ويهيجن لكم

والله يعينا على هوندا مراح يصلحله اكلنا راح يجيب البلطي والهامور تعرفون هوندا بحري ولا يبغى احد يجي اشغاله الله من البربسه يا هوندا باشه

اما بنسبه لدايم والله مندري عنه نبي نجربه في هطلعه بس انا حاس ان الولد شقردي مثل ما عرفته في هل منتدى بس لو يفكنا في البر من طاري النصر وتعاقداتهم

حواس عاد اووووووووه الله من الدقه لافي اكل ولا في الحطب مايبي من يجي ناره تقول مصيول الله يذكر ( ابوعتيق ) بالخير يا حواس

موادع عاد والله ان الرجال مامثله بس منت تالي معد هوب الي تبي متكبر علينا حتى في طلعات البر بس خلوه علي مالكم الا الي يرجعه مثل ماكان

ياالله عطنا الاوكيه يا كوكتيل وخل الوعد عند كودو شقراء <===== صايرين مثل حقين مرات يتوعدون عند بنك الراجحي وهو مهوب يم الوصف


علىالعموماسفعلىالاطالهبسمنكثرمانيمشتاقلجمعتكموطلعهمعهلوجيهالسفرههذريتبكثره:D
ودمتم [/align]

[موادع]

وانا اشهد انها رياضه سنعه ومن افضل الرياضات ..
وعلى فكرره فيه رياضه جاي وقتها ان شاء الله وبتزين ان جاب الله السيل ..
وهي رياضه البحث عن الفقع والعراجين ..
هي رياضه يجتمع فيها الهدوء والتركيييز والأعصاب المتزّنه .. ويمكن ان رياضه الفقع يدخل فيها عامل الحظ .. لأني أذكر من كم سنه كنّا نروح ندّور فقع ومغير نجمّع في شدزنا شلقه وحنّا راجعين وأذكر واحد قبله يجي متأخر ومغير يالله يتدحووس على العراجين

عاد يازينها لو صرت مجمّع لك كم جربوع على كم ضب وتتعشابها ..
ويصير لكل واحد ضب ومعه فقع مقلي وحليب وكلّهن سوبر صايز <=== لاعبه فيه مطاعم الوجبات السريعه !!

يسلموااا كوكتيل على هالموضوع الرايق .. ونتحري منك الجزء الثاني
لاتطوول .. هماااه

[دايـم السيف..]

عزيزي / بومبا

رحلة مافيها ذكر النصر ماهي برحلة

وخاصة بيكون معنا اكبر نصراوي

اكيد عرفتوه

عمنا الخنساوي

تقدرون تقولون شي الحين

======>>انواع الفتنه

===========================================

عزيزي / موادع
حياك الله يعني كل هذا كسل في الرد
اجل وش بقيت لاخونا السودانين
طيب شف لك عامل هندي يطبع لك الرد حل حلو صح

--------------------------------------------
وانا اشهد انها رياضه سنعه ومن افضل الرياضات ..
وعلى فكرره فيه رياضه جاي وقتها ان شاء الله وبتزين ان جاب الله السيل ..
وهي رياضه البحث عن الفقع والعراجين ..
هي رياضه يجتمع فيها الهدوء والتركيييز والأعصاب المتزّنه .. ويمكن ان رياضه الفقع يدخل فيها عامل الحظ .. لأني أذكر من كم سنه كنّا نروح ندّور فقع ومغير نجمّع في شدزنا شلقه وحنّا راجعين وأذكر واحد قبله يجي متأخر ومغير يالله يتدحووس على العراجين
--------------------------------------------
اش رايك نقلب اسم الخيمه الي خيمه التضبيب والجربعه
والرياضيات الصحراوية
7
والرياضيات==>(ماني معدلها عشان تعرفون اني متأثر بالاختبارات)

[دايـم السيف..]

ماتحلى الرحلة الا بالتطعيس

بس من تتوقعون السواق ؟؟؟




ولا تنسون

عطوووووووو الحر فرصة

سداح سداح سداح



========>> مصدق انها رحلة

[كوكتيل]

نظرا لما يحتويه هذا الموضوع من معلومات
و بيانات هامة .. تهدد الأمن القومي

سيتم مداولته من جديد .. على فرغه

كل عام و أنتم بخير يا شباب




لنا عودة و تعليق على تقليعاتكم الجميلة

[الخنساوي]

وأنت بخير