عندما كنتم (أطفالا)..!!!

[على رسلك]

المشاركة الأصلية بواسطة دايم العلو

وشلون جمعتي هالبزارين ياعلى رسلك


بسيطه أخوي دايم هددتهم قلت اللي ماهوب مصطف بضربه

مرحلة الطفولة مرحلة لابد أن تمر بجميع الأقسام
يعني مره مفلوق مرة ممشوخ مرة طاقك ولد الجيران

ماصار بزر صار حقل تجارب لولد الجيران .../

ومرة تصير بثر وغثيث ، ومرة قوي طايح على لنمبات سور الجيران بالنبيطة

النبيطة ايه الله يسلمك اطلع منها اخوي دايم على ايامك ما كان فيه لمبات..

ومرة ماتخالف تلهف من شنطة أختك كم ريال

افاااا هذا اسمه حاله اعتراف اقول بري ذمتك ورجعل لها فلوسها وعساها تسامحك

ومرة تستهبل على أمك إذا جت تصحييك للمدرسة وتصير ثقل ..

يا كثرها بس أمي ما تغشمر بالصلاة كاس الما البارد ما يقول شئ يخلينا اخف من الريشه

ومرة تصير مؤدب وتصلي مع الجماعة في المسجد ولا تتأخر في السجود

لا اما التاخر بالسجود حاله مستعصيه خاصة الفجر..

ومرة تمسك معك وتسجل في حلقة التحفيظ

هذا بزر غير شكل..زقرت ومطوع ....

ومرة تروح للبقالة وتهبش كم سنكرس وكم فشفاش إذا كانت البقالة زحمة وعينك ماتشوف إلا النور

لا تحرجنا اخوي دايم وتخلينا نطلع المستور الله يغفر لنا ،بس وش هو الفشفاش؟؟

ومرة تصر وتعاند ألا بتركب قدام لو كان فيه منهو أكبر منك

عاد من اللي يعطينا وجهه انا يالله اقدر اجلس جنب الدريشة وبالغصب

ومرة تاحذ دورة بسيكل ولد الجيران بالقوة ولا بالمروة

انا كنت اخاذه بالطريقتين وكانت امي تعطيني هدية سنعه


الله يأ أيام المبزرة

أذكر فيه منتدى أسمه بزارين حارتنا


شكله بزارين حارتكم ياعلى رسلك

ايه بس بشر عساهم مؤدبين خابرتهم شياطين وعبثين وهل تفلع

[على رسلك]

المشاركة الأصلية بواسطة عربي سعودي

زين زين يا أختي أجل وش رايك تجيبين نفس الموضوع عن الـ"طفلات" ؟

ترا الفرق كلها ألف و تاء .. لكن ما فيه فرق بينهم لأن الشطانة هي نفسها عندهم كلهم

وأنت مستهين اخوي وليد بالالف والتاء..

بعدين ظليمتنا يوم كنا صغار شينه. الطفلات حبوبات هديات لا يهشن ولا ينشن

حبيب ات طيب ات هادئ ات ..شفت وشلون تفرق الالف والتاء..لا تتهمنا يومنا

طفلاااااااات ظلما وعدوانا..

[عربي سعودي]

المشاركة الأصلية بواسطة على رسلك

وأنت مستهين اخوي وليد بالالف والتاء..

بعدين ظليمتنا يوم كنا صغار شينه. الطفلات حبوبات هديات لا يهشن ولا ينشن

حبيب ات طيب ات هادئ ات ..شفت وشلون تفرق الالف والتاء..لا تتهمنا يومنا

طفلاااااااات ظلما وعدوانا..

يمكن تكونين صادقة

قعدت أتذكر أقاربي الصغار و الأشقياء فيهم لقيت أن الأشقياء أطفال بس موب طفلات

[على رسلك]

شفت ما قلت لك أنا طيبات

وإن طفلاااااااات فيها فرق عن اطفاااااااااااااال

لا نعرف ولا ولا ولا ولا

[دايم العلو]

المشاركة الأصلية بواسطة عربي سعودي

الحين ما قدرت أطق قوطي بيبسي من بعد عشرة أمتار أو يمكن أقل و هو على الأرض من وين لي أجيب لمبات الشارع ؟
بالمناسبة وقتها كنت صغير مرة بالابتدائي و كان الساكتون نفسه أطول مني و ارتداده يدزني ورا
قعدت أحاول إلين تمصعت يدي من كثر ما أفك الساكتون و استسلمت و رجعت الساكتون لمكانه

شف وأنا أخوك لمبات الشوارع مافيه أسهل من صقعتها ،، بس مشكلتها ماتنكسر
أنت انسدح على ظهرك وامسك الساكتون وركده على الأرض ووجهه إلى اللنبه
وعقبها أطلق زنادك ،، فصدقني راح تنصعها
وترى يمدي الحين مافات شيء

[دايم العلو]

بسيطه أخوي دايم هددتهم قلت اللي ماهوب مصطف بضربه

ماشاء الله عليك شكلك زعيمة العصابة

ماصار بزر صار حقل تجارب لولد الجيران .../

نعم هو كذا كل واحد يجرب في الثاني ، فإذا فلقك ولد الجيران فعليك بعظه
وإذا وصخ ثوبك فعليك بمشخه ... وهكذا


النبيطة ايه الله يسلمك اطلع منها اخوي دايم على ايامك ما كان فيه لمبات..

لا كان فيه وقريبه بعد ، وأحسن مافيه نصعتها


افاااا هذا اسمه حاله اعتراف اقول بري ذمتك ورجعل لها فلوسها وعساها تسامحك

يعني ظنك هي من وين جابت الفلوس ؟؟ ألا لاهفتها من شنطة والدتها الله يحفظها
وبعدين لاتحاولين تجريني أني أعترف بشيء ماسويته في حياتي أبد


هذا بزر غير شكل..زقرت ومطوع ....

إيه هذولا البزران ولا بلاش ساعة وساعة

لا تحرجنا اخوي دايم وتخلينا نطلع المستور الله يغفر لنا ،بس وش هو الفشفاش؟؟

الفشفاش ياعلى رسلك ماخوذ من فش يعني نسم وفاش يعني دخل يدك واكل
( نسم الكيسه ودخل يدك واكل )
وهو مو على قولة إخوانا اللبنانيين ( فش خلئك ) لا
والحين تطور صاروا يسمونه ( شبس ) وبعضهم بطاطس


عاد من اللي يعطينا وجهه انا يالله اقدر اجلس جنب الدريشة وبالغصب

هذا مادهورنا إلا الغصب كل شيء نبيه وبالغصب
حتى الهلال فاز بالغصب

انا كنت اخاذه بالطريقتين وكانت امي تعطيني هدية سنعه

أنتي محترفة

[الوردة الندية]

الحقيقة أعجبني الموضوع وأضحكني كثيرا ..
ولا اخفيك أختي على رسلك بأن أصغر اشقائي بالمنزل عمره 13 سنة يجمع بين عصيبين :
العناد , والزنة
و رغم ذلك محبوب ماشاء الله ويحصل على مايريد
و لأنه أصغر فرد .. فغيابه يورث بالمنزل هدوء بشع ..

******

( اخي دايم العلو .. تكفى والي يعافيك .. لمن ترد بلهجة نجدية .. فأخر الرد حط قاموس لمعاني الكلمات النجدية الي أستخدمتها )
أنا أحب تلك الهجة .. ويطيب لي سماعها .. فلا تبخل علينا بالمفردات ..

تحيتي

[دايم العلو]

المشاركة الأصلية بواسطة الوردة الندية

( اخي دايم العلو .. تكفى والي يعافيك .. لمن ترد بلهجة نجدية .. فأخر الرد حط قاموس لمعاني الكلمات النجدية الي أستخدمتها )
أنا أحب تلك الهجة .. ويطيب لي سماعها .. فلا تبخل علينا بالمفردات ..

تحيتي

ما أظن فيه شيء غامض أختنا الوردة الندية
يعني حنا ما نتكلم فرنسي
وأبد إذا فيه شي مو واضح ضعي تحته خط وحنا نترجم

[الوردة الندية]

طيب .. وهذا الخط ..
_________________

بثر =
ممشوخ =
الســـاكتون =

وفي كلمة مو موجودة بالموضوع بس ودي اعرف معناها

بي عنك =

[على رسلك]

المشاركة الأصلية بواسطة دايم العلو

بسيطه أخوي دايم هددتهم قلت اللي ماهوب مصطف بضربه

ماشاء الله عليك شكلك زعيمة العصابة

ماصار بزر صار حقل تجارب لولد الجيران .../

نعم هو كذا كل واحد يجرب في الثاني ، فإذا فلقك ولد الجيران فعليك بعظه
وإذا وصخ ثوبك فعليك بمشخه ... وهكذا


النبيطة ايه الله يسلمك اطلع منها اخوي دايم على ايامك ما كان فيه لمبات..

لا كان فيه وقريبه بعد ، وأحسن مافيه نصعتها


افاااا هذا اسمه حاله اعتراف اقول بري ذمتك ورجعل لها فلوسها وعساها تسامحك

يعني ظنك هي من وين جابت الفلوس ؟؟ ألا لاهفتها من شنطة والدتها الله يحفظها
وبعدين لاتحاولين تجريني أني أعترف بشيء ماسويته في حياتي أبد


هذا بزر غير شكل..زقرت ومطوع ....

إيه هذولا البزران ولا بلاش ساعة وساعة

لا تحرجنا اخوي دايم وتخلينا نطلع المستور الله يغفر لنا ،بس وش هو الفشفاش؟؟

الفشفاش ياعلى رسلك ماخوذ من فش يعني نسم وفاش يعني دخل يدك واكل
( نسم الكيسه ودخل يدك واكل )
وهو مو على قولة إخوانا اللبنانيين ( فش خلئك ) لا
والحين تطور صاروا يسمونه ( شبس ) وبعضهم بطاطس


عاد من اللي يعطينا وجهه انا يالله اقدر اجلس جنب الدريشة وبالغصب

هذا مادهورنا إلا الغصب كل شيء نبيه وبالغصب
حتى الهلال فاز بالغصب

انا كنت اخاذه بالطريقتين وكانت امي تعطيني هدية سنعه

أنتي محترفة

نعم احتراف فوق العادة وهدايا ايضا فوق العادة