فااااضيه وقلت اكتب قصه........المشغول لا يفتح الموضوع.

[سامية51]

المشهد الاول:
نورة تجلس امام جهاز الكمبيوتر وفي هذه الاثناء تدخل عليها والدتها وتقوم بديمقراطيتها المعتادة بفصل التيار وتقول مخاطبة لها:
الام: قومي معي.
نورة: على وين ؟
الام: الوقت تلاحقنا وانتي تقل ما تدرين ان الحريم يبون يجون اليوم بعد العِشاء.
نورة: والمطلوب !
الام: يابنيتي ابيتس تكشخين لان ام ناصر جايه ومعها حريم يبون يشوفونتس وخلي عنتس الحتسي الي ماله ثمره وخيشة على الباب ترد الكلاب…………
اطلقت نورة ضحكة ساخرة
نورة: اكلم الوالد الليله يشوف لنا حل في باب الصندقه الي حنا عايشين فيها.
الام: تكفين بلا تميلح ماهوب وقته .
نورة: بس ام ناصر وشلتها الي جايين؟.
الام:ايي وقلت بعد لام الجيران الي توهم نازلين قبالنا ونخلص.
نورة: طيب يمكن نوعية ام الجيران تختلف ولا تنسجم مع ام ناصر وشلتها!
الام: تكفين بلا فضخت دمغ…………

المشهد الثاني:
نورة تستقبل الزائرات واثناء قيامها بذلك لاحظت ان جارتهم تختلف نوعاً ما عن الاخريات فكانت سيدة هادئة فاحست بارتياح لها ……
ام ناصر: يالله كود الله يرزق نوره بولد الحلال.
نورة : والوظيفه ياخاله.
تبادلت ام ناصر مع العجز الاخريات نظرات استغراب!!!!!!!!!!!!!!!!!!!
ام ناصر: الى الحين ما توظفتي؟؟؟؟؟؟
نورة : انا توني متخرجه.
ام ناصر: ايي (وهي تصك اسنانها)!!والله يابنيتي حسبناتس متوظفه لان فلان ولد ام فلان وده في مُدرِسه يقول كود تكفي نفسها وتدرس بزرانها……
نورة تفتح عينيها لشدة دهشتها من وقاحة ام ناصر دون تعليق.
ام فلان: وش يقرب لكم الوزير(…) .
نورة : ما يقرب لنا شيء اسم على اسم ياخاله.
ام ناصر: ايي(وهي صاكه خشمها).
ام فلان: ترا وليدي توه متوظف وماهوب عجل على الزواج……
نورة مقاطعة: العجله ماهيب زينه..
ام ناصر: تقول ام علان ان ولدها مايبي موظفه بس اهم شيء السنع والطبخ ولاهوب يبي الي تراده ويبيها صغيره.
ام نوره: ترا نوره مابعد كملت عشرين……
نورة مقاطعه: يمه!!!!!! وشلون متخرجه ولا كملت عشرين …الا وعايده رابع ابتدائي.
ام نورة تغمز لنورة بعينها ونوره مطنشه…
ام فلنتان: وكاد ان نوره سْنيعه بالطبخ دامها ماتوظفت ..يابنيتي اهنا واحد ولو انه كبيِّر شوي توه جاي من ……
احست نورة بالغضب لانها تخيلت نفسها كاسورة تتقاذفها ايدي العجائز وبصوت مرتجف.
نورة: اقول يا خاله لاتكملين انا اقول لكم ………
انا صحيح اتمنى اتزوج في يوم من الايام ولكن ماهوبطريقة السوم.
انا ماني موظفه وكان لازم بعدها تعرفون ان الوزير الي في بالكم ما يقرب لي !!!!!!!!!!!! يعني لو كان يقرب لي كنت قعدت من غير وظيفه!!!!!!وبعدين لو توظفت عمر زوجي ما رح ياخذ راتبي او قرش منه الا بمزاجي وحتى لو ساعدته في اول الامر لازم ما يرتب حياتنا على اساس وجود راتبي لاني انظر للوظيفة كوضع مؤقت استفيد وافيد مجتمعي بس متى ماحسيت ان اولادي بحاجتي تركت وظيفتي عشانهم.
وحده من العجْز : لعل الله يرزقكم بشغالة حنون والا جيبي عيالتس عند امتس.
نورة: ياخاله ما فيه شغاله في الدنيا احن من الام ولولا حاجتها ما تركت عيالها سنه اوسنتين ما تدري عنهم (اوالله حنون),وحتى لو امي رضت تاخذ بالها من عيالي ما اضمن زين نفس زوج المستقبل ولا المسافه بين بيتي وبيت اهلي ومقر عملي وبعدين حرام طفل نايم تنبزه من فراشه في عز الشتاء بعد ما كان متدفي………….
!!!!!!!!!!!!!!!!!!!!!!!!!!!!!!!!!!
واستغرب كيف تشوفون اني كبرت وتبغون اقدم تنازلات من الان !!!! اجل لما يصير عمري ثلاثين من تبون اتزوج…… انا معكم ان البنت لازم تتعلم الطبخ بس لايقف طموحها عند الكشنه والقربعه بالقدور من الصبح الى الساعه ثنثين بعد الظهر حتى تحضر لزوجها الغداء ويلغه بظرف ربع ساعه وعقبها ما تسمع منه كلمة تسلم ايدك !!!
ولايمكن اتزوج واحد ما يبغاني اناقشه او اسولف معه واجلس لحالي طول اليوم وهو مع ربعه موسع الصدر واذا جاء للبيت يجي مصدع ما يبي يتكلم؟؟ اكيد مايبي يتكلم لانه عورته حنوكه من السواليف مع خوياه …
وبعد لايمكن اقدم تنازل واتزوج واحد مل من كثر اللف وبعد ما كبر يبي يركد!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ليه خلصوا الشباب مابقى الاهو ؟؟؟؟؟
احست نورة انها قالت كل مارادت ووالدتها لم تتحرك من مكانها (من الفشيله وارتفاع الضغط والسكر معاً)
تركت نوره المجلس وتوجهت الى غرفتها واخذت تبكي وفجاءة سمعت طرق خفيف على الباب (وفي نفسها اكيد هذي ماهيب امي والا كان كسرت الباب)
نورة تمسح دموعها وتفتح الباب بعد ان علمت بان من بالخارج هي جارتها..
نورة: ارجو ان تعذريني لما حدث هذا اليوم….
الجاره: انا عاذرتك يانورة و ماتدرين مدى سعادتي بكِ وتمنياتي انكِ تكونين زوجة ابني خالد ..(اصغر اولادي وهو الوحيد الذي يعيش معنا بعد زواج اخوانه ) وكل المواصفات التي تتمناها أي بنت تتوفر به وش رايك يانورة ان تلقي نظرة عليه من وراء الشباك وتفكري بعد كذا بالموضوع؟هو الان يبي يجي ياخذني لاني اخاف ارجع للبيت بالليل لحالي.
احست نورة بالخجل وترددت كيف ترد على عرض ام الجيران.
نورة: انت متاكده انه ما يدخل من ضمن التصنيف الي انا ارفضه ؟
ام الجيران: ايي يانوره ولدي وانا اعرفه…..
نورة: وكيف خالد مع التشات؟؟ نياههههههه هاه.
ام الجيران: صدقيني يا نوره خالد ماله في الخرابيط هذي ..حدوده حوار الخيمه والناس الطيبه الي فيها……….
كادت نورة ان تسقط على الارض حينما القت نظرة على خالد فقد كان خالد وسيماً جداً ولا تبدو عليه اثار الاقساط هههههههههههههههه ههههههههههه ههههههه
طبعا فبالقرب من منزلهم تقف سيارته ال بي ام
نورة: والله ماظنتي مع سيارته هذي انه ماله ……….
ام الجيران : ( بنبرة فيها نوع من الحدة)
يعني يانورة لازم الواحد يكون راكب شبح بغمارتين علشان تكون دلاله على انه راكز والا السيارة الي يركبها الواحد هي الي تحدد نوع شخصيته…….!!!!!
احست نورة بانها بحاجة لرفع بعض خصلات من شعرها تدلت اثناء طياح وجهها على الارض الذي كان بحاجة الى تلقيط…..


وباقي القصة عليكم احبتي لاني تعبت من الفك والخيال ……بس بلييييييييييز ابغاها نهاية سعيد.

________________________________________________
هذه اول محاوله لي لكتابة القصه بحياتي.(واعتقد انها ستكون الاخيره )ولكن ارجو من الجميع اخذ الموضوع من باب وساعة الصدر والدعابه لتشتيت الغبار الذي لحق بالخيمه اثر العجه الاخيره .

...هلا والله بساااامية...

شحبااارك اليوم...وشخباار القهوة...الظاااهر جنبك على طووول...كخخخ

ترى انا اكتبلك قبل لا اقرى القصة...بس حبيت انك تعرفييين اني معاااك على الخط..

اقووول...يا اختي واله عاااديتيني...ما اقدر انااام كلش...كخخخخ

شيومة بترد عليج لما اتخلص القرااااءة لابداااعك,,,,

..رااااااااااااااااااااائع..

والله وصرت كاااتبة قصص وانا ماااادري....

اقووول...خلينا نحط الابطااال..يمكن يجي اليوم اللي نمثل المسرحية....ايش رااايك..كخخخ؟؟؟

شيومة تنتظر دور البطوله...كخخخ

[سامية51]

شيومه هذا ثاني رد لي ولا اقدر اشوف الموضوع والردود و سرعة الاتصال عندي اي كلام.

هلا سامية...

اقووول...معليش عيل...سكري الاتصال شوي...وبعدين ردي اتصلي بالنت...والله معاااك...ها ولد ولا بنت....؟؟؟؟...

شيومة المنتظرة سااااامية...

[سامية51]

شيومه.. ردي الاول ما طلع رح اكتبه لك الحين

قلت انا موافقه يا شيومه واذا تبين اغير اسم نوره لشيماء ما عندي مانع بس يبقى عليكي تغيرين اسم خالد شرايك وش نحط اسمه؟
نياههههههههههههههههه هاه.

..اخيرا وصلتي بالسلامة..ها..بشري..ولد ولا بنت...؟؟..كخخخ

اقووول..والله احرجتيني بالسؤااال هذا...ما ادري...على مزاااجك...مش انت الكاااتبة والمؤلفة والمخرجة...؟؟كخخخ

شيومة تبي الرد..

وبعدين ام الفلاااانااات وام علاااانااات من نحطهم...؟؟

لحظة لحظة...شنو هذا الصوووت...؟؟؟...
ضحكة؟؟؟؟..ضحكة من....؟؟؟

تراااها وااايد حركة حلوة منك....

اقوول..نسيت اشكرك على انك..**زلتي الغبااار من على الخيمة..بس عسى ما توصختي..**كخخخ

شيومة..........

[الكرانى]

السـلأم خير الكـلأم

الأسلوب والفكره والموضع .. بكل صراحه .. ممتازه
وبتوفق أن شىء اللـه .

على فكره القصه لأتحتاج الى نهايه .. نهايتها جميله .

[سامية51]

لا ارى الردود بعد الرد الخامس .الحل ؟؟؟؟؟؟؟؟