محاولة شعرية

[رعشة هدب]

قصر من الرملة
يا حبيبي من عذابك اكتفيت
إكتفيت أذوق في شتاك الهجير
ما بقالي عمر كلي انتـــهيت
ذبلت ورودي وفارقها الـــعبير
وهبتك عيوني ولك عمري هديت
وفرشت لك درب الهوى ورد وحرير
وقلت لك لو أخسر الدنيا رضـــيت
بس أكسبك وأكون لك فل وعـــــبير
ضحيت بأحلامي ولك وحدك سعيت
ومن بين كل الناس توجتك أمــــير
واليوم شوف بقسوتك كيف اكتويت
عناد وزعل حزن ونكد هذا المـــــصير
وش هو السبب ماظن في حقك خطيت
ياحارم عيوني الهنا دخلك ترى حالي خطير
تبغيني أروي لهفتك ومنك أنا ياما ضميت
وتبغيني أجبر خاطرك ومنك أنا قلبي كسير
هذي ترى غلطة عمر قصر من الرملة بنيت
وأنهار بنيان الهوى حطمته انت بلا ضمير