أصول القيادة في ....

كوكتيل · #1 28-05-2002, 08:29 PM

هذه أصول القيادة لديهم .. و هذه مهارتها :

1. الأفضلية دائما للسيارة الأكبر حجما، فكلما كبر حجم سيارتك كلما كانت لك الأفضلية في فعل ما تشاء.
2. عند الدوارات أو التقاطعات فإن الأفضلية لمن يدخل مقدمة سيارته أولا.
3. إشارة المرور ماوضعت إلا لكي تقطع ! وإلا فماذا سيقطع الناس لو لم توجد إشارات المرور ؟
4. استح على وجهك وخلك رجال ولا تربط حزام الأمان لا يضحكون عليك الناس ويقولون مصدق نفسه !!
5. اسقط من اليمين ومن اليسار وماعليك من أحد..
6. السرعة القصوى في الشوارع، هذي ماوضعت لك هذي وضعت للي سياراتهم ما تقدر تسرع .. أما انت فادعس بنزين لين الآخر
7. الحين من قالك ان أعلى سرعة تقدر توصلها هي 120 ؟ يعني اليابانين والامريكين والألمان يتعبون أنفسهم ويحطون سيارات بسرعة 200 و220 ليه ؟ بتصير أحسن منهم ؟
8. لا تدق إشارة قبل ماتلف .. ترا مايدق إشارة إلا الخوافين والسواقين بس !
9. امسك المسار الأيسر .. واللي يرفض انه يفتح لك لزق صدامك بصدامه .. لين يخاف ويفتح.
10.المراية اللي قدامك ما وضعت إلا علشان تشخص فيها.. وماله داعي انك تناظر فيها اللي وراك.
11.إذا كنت مروق ذاك اليوم .. امسك المسار الأيسر وامش 80 واللي مو عاجبة يشرب من البحر.
12.خط المشاة ؟!!! وش هو خط المشاة ؟ أصلا وشوله يمشون ؟ مافيه ليموزينات ؟
13. ترا اللي خططوا المسارات ماعندهم سالفة.. فإنت امش في الشارع بالشكل اللي تبيه.. لو في النص بين مسارين.. أهم شيء ما يتعكر مزاجك
14. إشارة "قف" !!!!! أقول تراكم مصدقين انفسكم من جد !
15. اثنين احذر منهم .. خط البلدة .. والليموزين. فعندهم القدرة العجيبة على نقل سرعة السيارة من 120 إلى صفر في خلال ثانية وذلك اذا شافوا زبون واقف على الشارع ويأشر لهم !
16.أهم حاجة انك تكون مثقف، فما فيه أي مانع انك تقرأ جريدة أو أي ورقة وأنت تسوق.. أحسن من انك تطالع الأزفلت الأسود !!
=======
منقول
======

الدومري · #2 29-05-2002, 05:49 AM

هي اصول قياد ة الدراجات

مو السيارات اخوي

ميت فل و عشرة

الدومري

ملاك الشرقيه · #3 29-05-2002, 07:35 AM

الأفضلية دائما للكزس فكلما ملكت اللكزس كلما كانت لك الأفضلية في فعل ما تشاء.

ملوكه

alreem · #4 30-05-2002, 03:44 AM

للإسف هذه هى افكار الكثير من الشباب، التهور، عدم القدره على الصبر ولو لدقيقة واحده وكأن الدنيا بطير، والسرعة الجنونية الى خلفت الآلاف من الأرواح، كل يوم نسمع عن الحوادث الي اودت باروح شباب فى عمر الزهور، طيب ليش مو حرام عليكم هالسرعة؟ فيه علماء افتوى بان السرعة الزئدة صاحبها يكون فى حكم المنتحر، ليش تعرضون ارواحكم وارواح الاخرين للخطر، اخوانى رواد الخيمة، الدين النصيحة فتعالوا ننصح من نقدر على نصحه ونصلح من نقدر على إصلاحه، فالكلمة الطيبة صدقة وإن كان لكم شباب انصحوهم عسى الله أن يهديهم، ويحميهم ويجعلهم ذخر لوطنهم وقرة عين لوالديهم.
وكلمة اوجها لكل أب وأم : كلكم راع وكلكم مسؤول عن رعيته.

أبو أشواق · #5 30-05-2002, 04:07 AM

السلام عليكم..............

اخوي كوكتيل نو مور تيرررررررررز

والله انك حفلة من جد ... اجل

هذي اصول القيادة

........ بس تصدق من جد روقااااااااااااان عالااااااخر

اخوي كوكتيل ........ تشكورااااااااااااااااااات افندم

الف تحية

الدومري · #6 30-05-2002, 12:48 PM

أحسن سواق يدعس الشجرة

هو المدعو ابو النور

لهذا لجنة حماية الطحين رفعت علي قضية تطالب بتعويض عن الاضرار
التي لحقت بواحد نتيجة التفحيط بالسيارة بجانبه و هو طالع من الفرن
و بيده خمسة كيلوا خبز عشان العيال و رمى نفسه بالنهر البعيد عن الفرن من شدة رعبته مني

يالطيف الطف بنــا

قولوا آميــن

الدومري

كوكتيل · #7 31-05-2002, 01:22 PM

ابو النور

يا خوفي يجي اليوم اللي الواحد يمشي على رجوله
و شكله قريب

و كان الله في عون الشجر عندكم

ضيعت مستقبلها

ملاك
الكزس .. ما يسوي شيء مع (( العربجية ))

خصوصا .. إذا صار السواق حقها .. رفيق

الريم
فعلا .. المشكلة التي نعاني منها .. هي السرعة و عدم إحترام الانطمة
و هنا.. أذكر قول واحد أمريكي عندنا في الرياض يقول :
أنتم يا السعوديين .. ما تحسون بأهمية الوقت إلا إذا ركبتوا السيارة

و للموضوعية ..
كلامه مع الاسف صحيح ..

العاشق
أشوفك معلق على (( نو مور تيييرز ))

وش السالفة
تبغاني أغيرها.. تراي حاضر ..

و الموضوع .. أهم شيء أنه جاز لك .. و أن شاء الله قريبا
أجيب .. أصول قيادة الطائرات

الدومري · #8 01-06-2002, 06:14 AM

الله يستر من ذياك اليوم

من غير المشي و انا ما عندي اقدام صحيحة

يلا يتعلم الواحد قانون الجري على المنعطفات

ملاك الشرقيه · #9 01-06-2002, 07:48 AM

موووت قهر ياجدووووووو انا ادري انك غيران من شان اني ماخليتك تركب معي باللكزس يوم ذاك اليوم كنت تبغى تروووح الكورنيش

ملوكه

الدومري · #10 01-06-2002, 12:17 PM

ملاك الشرقية

تعرفين الفيصلية

بكرا تشوفين السوبر مالتي لونها سوداء و عليها ستاير حمرا

تشوفين راعيها بنظاراته و لحيته البيضا و لا جيمس الهيئة

ترا حاسبي لأني رايح ادعسك انتي و الولد الهندي اللي يسوق سيارتك

بخ بخ بخ بخ بخ بخ بخب خب بخ بخ ب