عندما كنتم (أطفالا)..!!!

[على رسلك]

الطفل البريء :


في المنزل تجده حبوووب وطبيعي 100 %

لكن مع دخوله المدرسة .. ** تنمحي ** شخصيته ..

فتكثر الاصابات في وجهه .. لأنه مايدافع عن نفسه ..




الطفل العنيد:


يطبق نظام البيت بالعناد .. يسوي اللي براسه ..

مايخاف من الأب أو الأم .. لو قلت له هذا خطر لاتقربه .. عناد فيك يسويه ..

يُــضرب كثيراً في طفولته .. ومع ذلك عنيد مايغير رايه ..



الطفل الحنّـان:

يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..

الطفل المادي:


هذا الطفل مايرد السلام الا ** بفلوس ** ..

تعامله مع اهل المنزل .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..



الطفل الفتّــان:


تجد عند هذا النوع جميع اخبار المنزل ..

يجد المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..



الطفل الدلوع:


هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..



الطفل العله:

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..


الطفل الداج:


هذا الطفل مستحيل يجلس في المنزل ..

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح اذا كبر مهندس طرق ..



الطفل الملسون :


يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..


الطفل اللزقه :


تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتوا عليّ ..

الطفل الهادي:


هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..


الطفل القوي:


اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ** منطقتهم ** تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم


طبعا هذا لاعضاء المنتدى دون العضوات لانه قال طفل ولم يقل طفلة


منقول ..

[عربي سعودي]

أغلب الأوصاف اللي فوق من كل نوع ألقاها فيني يوم كنت صغير

طبعا هذا لاعضاء المنتدى دون العضوات لانه قال طفل ولم يقل طفلة

إيه هين عاد .. هذي منطبقة عليهم كلهم سواء أطفال أو "طفلات"

[على رسلك]

المشاركة الأصلية بواسطة عربي سعودي

أغلب الأوصاف اللي فوق من كل نوع ألقاها فيني يوم كنت صغير





إيه هين عاد .. هذي منطبقة عليهم كلهم سواء أطفال أو "طفلات"

بدينا لا الله يسلمك مافيه طفلات قال طفل..لا تبلى علينا


طفلات هنا موجوده


سقا غيث الحيا مزنن تهاما $$$ على قبرن بتلعات الحجازي
يعط ابه البختري والخزاما $$$ وترتع فيه طفلات الجوازي
وغنت راعبيات الحماما $$$ على ذيك المشاريف النوازي

[chouchou]

المشاركة الأصلية بواسطة على رسلك

:
الطفل القوي:
اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ** منطقتهم ** تلقى له أثر وتوقيع ..
يمثل القائد والفتوه .. يهابونه الاطفال ..
يتقرب منه الكبار ويتوددون له حفاظاً على سلامة اطفالهم

.

وكانك تصفين الكارثة الطبيعية ريان ابن خالي
عمره سنتين وطوله شبرين ولسانه مترين
مخرب من الدرجة الاولى .....محترف اجرام......يخافه صغار العائلة ويكرهه كبارها
لمن يشبه يا ترى هنا في الخيمة ؟؟؟

[عربي سعودي]

المشاركة الأصلية بواسطة على رسلك

بدينا لا الله يسلمك مافيه طفلات قال طفل..لا تبلى علينا


طفلات هنا موجوده


سقا غيث الحيا مزنن تهاما $$$ على قبرن بتلعات الحجازي
يعط ابه البختري والخزاما $$$ وترتع فيه طفلات الجوازي
وغنت راعبيات الحماما $$$ على ذيك المشاريف النوازي

زين زين يا أختي أجل وش رايك تجيبين نفس الموضوع عن الـ"طفلات" ؟

ترا الفرق كلها ألف و تاء .. لكن ما فيه فرق بينهم لأن الشطانة هي نفسها عندهم كلهم

[دايم العلو]

وشلون جمعتي هالبزارين ياعلى رسلك

مرحلة الطفولة مرحلة لابد أن تمر بجميع الأقسام
يعني مره مفلوق مرة ممشوخ مرة طاقك ولد الجيران
ومرة تصير بثر وغثيث ، ومرة قوي طايح على لنمبات سور الجيران بالنبيطة
ومرة ماتخالف تلهف من شنطة أختك كم ريال
ومرة تستهبل على أمك إذا جت تصحييك للمدرسة وتصير ثقل ..
ومرة تصير مؤدب وتصلي مع الجماعة في المسجد ولا تتأخر في السجود
ومرة تمسك معك وتسجل في حلقة التحفيظ
ومرة تروح للبقالة وتهبش كم سنكرس وكم فشفاش إذا كانت البقالة زحمة وعينك ماتشوف إلا النور
ومرة تصر وتعاند ألا بتركب قدام لو كان فيه منهو أكبر منك
ومرة تاحذ دورة بسيكل ولد الجيران بالقوة ولا بالمروة

الله يأ أيام المبزرة

أذكر فيه منتدى أسمه بزارين حارتنا
شكله بزارين حارتكم ياعلى رسلك

[عربي سعودي]

المشاركة الأصلية بواسطة دايم العلو

وشلون جمعتي هالبزارين ياعلى رسلك

مرحلة الطفولة مرحلة لابد أن تمر بجميع الأقسام
يعني مره مفلوق مرة ممشوخ مرة طاقك ولد الجيران
ومرة تصير بثر وغثيث ، ومرة قوي طايح على لنمبات سور الجيران بالنبيطة
ومرة ماتخالف تلهف من شنطة أختك كم ريال
ومرة تستهبل على أمك إذا جت تصحييك للمدرسة وتصير ثقل ..
ومرة تصير مؤدب وتصلي مع الجماعة في المسجد ولا تتأخر في السجود
ومرة تمسك معك وتسجل في حلقة التحفيظ
ومرة تروح للبقالة وتهبش كم سنكرس وكم فشفاش إذا كانت البقالة زحمة وعينك ماتشوف إلا النور
ومرة تصر وتعاند ألا بتركب قدام لو كان فيه منهو أكبر منك
ومرة تاحذ دورة بسيكل ولد الجيران بالقوة ولا بالمروة

الله يأ أيام المبزرة

أذكر فيه منتدى أسمه بزارين حارتنا
شكله بزارين حارتكم ياعلى رسلك

و مرة ماخذ الساكتون و مفرغ علبتين رصاص (حوالي 200 طلقة) إلين تعبت أحاول أطق قوطي بيبيسي من قريب و ما قدرت

[دايم العلو]

المشاركة الأصلية بواسطة عربي سعودي

و مرة ماخذ الساكتون و مفرغ علبتين رصاص (حوالي 200 طلقة) إلين تعبت أحاول أطق قوطي بيبيسي من قريب و ما قدرت

وأحسن حل إذا عجزت أخي عربي سعودي عليك بلمبات الشارع
تراها تصيب على طوووول حلال الحكومة بس ماتنكسر

[عربي سعودي]

المشاركة الأصلية بواسطة دايم العلو

وأحسن حل إذا عجزت أخي عربي سعودي عليك بلمبات الشارع
تراها تصيب على طوووول حلال الحكومة بس ماتنكسر

الحين ما قدرت أطق قوطي بيبسي من بعد عشرة أمتار أو يمكن أقل و هو على الأرض من وين لي أجيب لمبات الشارع ؟

بالمناسبة وقتها كنت صغير مرة بالابتدائي و كان الساكتون نفسه أطول مني و ارتداده يدزني ورا

قعدت أحاول إلين تمصعت يدي من كثر ما أفك الساكتون و استسلمت و رجعت الساكتون لمكانه

[على رسلك]

المشاركة الأصلية بواسطة chouchou

وكانك تصفين الكارثة الطبيعية ريان ابن خالي
عمره سنتين وطوله شبرين ولسانه مترين
مخرب من الدرجة الاولى .....محترف اجرام......يخافه صغار العائلة ويكرهه كبارها
لمن يشبه يا ترى هنا في الخيمة ؟؟؟

يخافه الصغار ؟؟ويكرهه الكبار ؟؟؟

ومن يشبه هنا في الخيام

فقد يكون أعمى أو مستضعف..ألا يوجد خيارات ؟؟