مجلة الخيمة حوار الخيمة دليل المواقع نخبة المواقع Muslim Tents
التسكين المجاني التسكين المدفوع سجلات الزوار بطاقات الخيمة للإعلان في الخيمة
الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

العودة   أرشــــــيـــف حوار الخيمة العربية > القسم الثقافي > خيمة بوح الخاطر
اسم المستخدم
كلمة المرور

المشاركة في الموضوع
 
خيارات الموضوع بحث في هذا الموضوع طريقة العرض
  #1  
قديم 15-05-2007, 02:42 PM
عابر سبيل عابر سبيل غير متصل
ابو معاذ
 
تاريخ التّسجيل: Jun 2003
الإقامة: نيويورك
المشاركات: 2,259
إرسال رسالة عبر MSN إلى عابر سبيل
إفتراضي صوت الصورة قصيدة ضبان



صوره طريفه وضحت شوف قناص

صوره وتحيي فيك شوق المقانيص

مشكور من دور على الصيد باخلاص

يحرص على صيد الصحاري بتحريص

معتاد بن عويش السلمي - الرياض

الصيد جاير والبشر منه يشكون

وتحولت عيشة هناي بنكاده

راحت حياتي بين شوزن وسكتون

وشنوا علي الناس حرب الاباده

سبيتان شرار العنزي - بريدة

المسألة ما هي سباق وتحدي

خذها هوايه واقتصد يا ابن الاجواد

الصيد جاير بالنظر ومتعدي

لو صدت خمسة ثم عودت وش عاد

راشد سعيد المعيلي - الخرج

يا صايد الضبان ويش الطواري

ما هوب حق تهلك الحرث وتصيب

مفروض تحمي كائنات البراري

وحماية البيئة علينا مواجيب

سعود بن سعد الحافي - الرياض

موتر وواقف حملته صيد ضبان

ضبان مذبوحه بكثرة وتبذير

يا صايد الضبان خسران غلطان

تستاهل التوقيف من بعد تحذير

محمد بن مرزوق السميري - الرياض

الجور واضح ياهل العرف والقول

والضب ماله غير يا ناس شكواه

من شاهد الصوره تفاجأ ومذهول

وين الحمايه عنه تنظر في بلواه

خالد بن ناصر المخيمر - روضة سدير

حرب الاباده طالت الضبان

لابد من وقفه جماعيه

نوقف سوا ونحاسب الغلطان

نقول له يكفيك انانيه

يوسف عوض العتيبي - الخرج

صوره غريبه شفتها بالخزامى

سيارة فيها العكر تقل عسبان

فيها العكر صارت تهز وتوامى

من خلقني ما شفت هالكثر ضبان

عقلا بن خزن الخمشي - تبوك

الاسراف ياهل الجود ماحبه الرحمن

نهانا عن الاسراف في الصيد بانواعه

وشغلك هذا يقضي على فتية الضبان

نفسك الله يعافيك لا تكون طماعه

سلطان بن حمد ابو شقاف الحبابي - الطائف

راعي ونيت محملٍ كوم ضبان

متنوعه باشكال كبار وصغار

جور وسرف في موتر مليان

هذي حقيقه فعلهم سر وجهار

حمد عبدالله الوايلي - حوطة سدير

الضب جاه الذنب فيه السرف دب

ما تنصح العقال عنه اسفهاها

مير افزعوا للضب ملزوم واجب

بحماية الفطري ايسجل احماها

مسعد عوض المطيري - الرياض

ضبان في وسط حمالي

يا هولتي كيف جمعها

واظن ان صحت اقوالي

للسوق بالصبح بايعها

سعود عائش التميمي الحربي

يا ناس هذي والله حرب الاباده

هذا كوم حطب والا ضب على ضب

الصيد ولى والضب صيد من صاده

اللي ما قدر غيره سوى عليه شنب

محمد سعد شبيب الجروي - الرياض

ياموتر حملته ضبان

ياخي وين انت موديها

عساك بتبيع بالميزان

وابو زناده بيشريها

عبدالله جمعان الغامدي - الرياض

ياما حلا الضبان من بعد مرباع

احلا والذ من الدجاج الفرنسي

واحلا من البيتزا على كل الانواع

اليا حمست الثرب والكبد حمسي

ماجد بن هاجد الحنتوش - ساجر

لا تسرفون الثروه الحيوانيه

الضب والماء من ثروة الحيواني

خلوا الضبان تعيش بالارض حيه

والارض يحييها من مزنها والداني

سعود شجعان سعود المقطاي - الرياض

يا ناس من يوصل الشكوى الى الهيئه

الاوضاع يا مشاهدين الشكل مكشوفه

هذي مباده وذي تجلب وهي حيه

يناشد عن حياة الضب وضروفه

محمد جلمود الشكره - الدلم

سم بالله واترك الضبان عنك

قد سمعت انه تكلم من نقلها

محمله بالحوض ومضنوكات ضنك

لا تلوم الضب لو رجلك عقلها

سعود بن عبدالعزيز الهزاع - نعام

ماني مصدق عيوني ذا جزر او عكر

يوم اني شفت الونيت ازداد حمله وفاض

راحت كنوز الصحاري ياستاذنا بكر

يا حسبي الله على راع الهدم والقضاض

ماجد عبدالعزيز الثميري - المجمعة

سيارة محملة بكومة الضبان

اشهد ان من صادهن ما فيه لينه

مير خليتوا توازن بيئة الضبان

بوقت التزاوج للجحر حافرينه

فهد فنش العنزي - حفر الباطن
__________________



كلما حاولت اعدل في زماني .. قامت الامواج تلعب بالسفينه

آخر تعديل بواسطة السيد عبد الرازق ، 16-05-2007 الساعة 02:06 PM.
الرد مع إقتباس
  #2  
قديم 16-05-2007, 02:08 PM
السيد عبد الرازق السيد عبد الرازق غير متصل
مشرف
 
تاريخ التّسجيل: Apr 2004
الإقامة: القاهرة -- مصر
المشاركات: 1,254
إفتراضي

شكرا عابر سبيل علي الصيد والصياد
تقبل مروري
لك تحياتي وتقديري
والسلام عليكم ورحمة الله وبركاته
__________________
السيد عبد الرازق
الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع

حوار الخيمة العربية 2005 م