ورحل الشاعر

abokhaleel22 · #1 01-03-2002, 04:40 AM

لاأدري لماذا رحل جورج ارثر عن الهلال ولماذا أقالوه؟

أنا أتوقع أن الإدارة الهلالية أقالته لأنهم خافو أن يلازمهم النحس في المباريات
النهائية مثل جارهم النصر عندما كان ارثر مدربهم

ولكن ارثر ترك الهلال في قمة الدوري في ضروف صعبة وغياب
معظم اللاعبين لتأدية رسالتهم مع المنتحب الوطني
فلماذا أقالوه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سؤال عليه 100 استفهام.

وعلى العموم أهلاُ بمدربنا اجديد ماتراونا فأنا سمعت عنه أنه مدرب كفء
وإن شاء الله يكون فأل خير على الهلاليين

الخنساوي · #2 01-03-2002, 04:57 AM

لقد قال النصر عندما أخذ أرثر مدرباً للهلال وقال سوف يلغون عقده مهما طال الزمان أو قصر ......

abokhaleel22 · #3 01-03-2002, 08:08 AM

وليش يعني النصراويين يعرفون علم الغيب طبعا لأ

بس قالوها بسبب الحقد اللي في قلوبهم على الهلال وعلى

كل من يتعاون مع الهلال

الخنساوي · #4 01-03-2002, 09:20 AM

ووووووين منقهر منه ... النصر ما ينقهر بالفرق الصغيرة .. بس النصر مجرب وش جاه من أرثر بعدين ليه ينقهر وهو أفضل خامس فريق في العالم لاعب مع ريال مدريد وما نشستر يوناتيد
..... ووصل العام إلى خمس نهائيات ...
وين ينقهر منه
.........
بعدين هو ما يعلم الغيب .... بس اللي مجرب .... أكيد بيعرف .....

دايـم السيف.. · #5 01-03-2002, 10:02 AM

هلا بك اخي العزيزabokhaleel22

بكل صراحة المدرب اثر جورج من افضل المدربين في الملاعب السعودية
وكم كنت اتمنى ان يستمر في التدريب سواء كان مع النصر او الهلال
اما من ناحية لماذا استغنى الهلال عنه
فهذه عادة الهلال ما ان يحضر النصر مدرب او لاعب ممتاز الا ويحاول ضمهم الية بس علشان يقهرون النصر

شي غريب يعني ياخذون المدرب دون قناعة او تفكير مسبق

abokhaleel22 · #6 01-03-2002, 11:43 AM

طيب قلي الحين يالخنساوي وراك تقول عن الهلال إنه فريق صغير؟؟

ترا الهلال مربيكم يالنصراويين وعشان كذا مقهورين منه لأنه ماخذ بطولات أكثر منكم وترا النصر عدد بطولاته على أصابع اليد الوحدة

وودي أطرح سؤال لو تسكت عنه أحسلك
ورا القهوجي ما تمر مباراة إلا ومدخل هدف في مرماكم؟

تذكر جاوب على السؤال.

وودي أقلك بلا كذب تقولي النصر لعب مع ريال مدريد وانصكيتوا ب3أهداف
ما اختلفنا لكن مع مانشستر فكثر منها يالخنساوي وهذه طبايعكم
يالنصراويين دايماُ كذابين

وترا مباريات النصر أكثرها تجيب النوم

وياهلا فيك يادايم السيف وفعلا قد تكون هذه ظاهرة في الفريق الهلالي
لكني ما أذكر إن الهلال أخذ مدرب من النصر إلا آرثر
وحقيقة أشكرك عللا أسلوبك المهذب في الكلام مو زي أخونا الحنساوي

الخنساوي · #7 01-03-2002, 12:16 PM

ليه زعلت مني .. الله يهديك يا بو خليل ..... وش أنا مسوي الحين .... بس أنا موضحلك .....
واذا كانت تبي تزعل من كلامي هذا ... فقبل ما تخدل حوار الخيمة ... أبيك تاكل حبوب منع الضغط .... لان فيذا نصراويين .... موووووت وأنا أقل واحد فيهم ......
فعادي يابن الحلال خذ الامور كلها ببساطة ....
____-----_____------
... الرد على الموضوع

أنا ما أخطيت لما قلت أنه فريق صغير ..... أن على حق .. وأعلمك ليه ...
أولاً الحكام السعوديين معه دايم .... والبطولات اللي ياخذها .. بطولات ماهي معترف فيها ... بطولة الخطوط السعودية علشان مر عليها 50 سنة .؟؟؟!!!! وبطولات ما أدري وش موقعها من الاعراب ....
وبطولات تجية بالترشيح ... وبطولات ما فيه الا ستة فرق .. ويعتذر منها 4 فرق ....
حشا وش باقي ... ما بقى الا يسووون حفلة في ملعب الاستاذ الملك فهد ولا الملز .... ويقولون بطولة
ولا تسمي حقة الخطوط ذي بطولة ...
الظاهر ما بقى الا بطولة المراعي ولبن نادك والصافي ....
.....
وعلى طاري القهوجي ... أجل تقول كل مباراة لازم يسجل هدف ... ليه ... فيه مباريات ... ماسجل فيها أهداف .. وكنت حاضرها بعد ..... ولو ما كنت متابع ... الجرايد تبي تكتب عن الاهداف ..؟؟؟!!!

أحس أنه في أحراج لك
________----------
وليش حنا ما لعبنا مع مانشستر يوناتيد ... لاعبين ونص ...
وليش تقول أن حنا كذابين ....
أجل وش تقول على سؤالك هذا اللي تقول في نصاً وما غيرت فيه شي ... حتى أن مسوي نسخ ولص ( كوبي وباست )
ورا القهوجي ما تمر مباراة إلا ومدخل هدف في مرماكم؟
... لا أبد منتب كذابين أبد مرررررة قبلكم صادقين ...
.. وبعدين مباريات النصر كلها حماس X حماس

الحنين · #8 02-03-2002, 05:03 AM

اخي العزيز

لا تستمع الى كلماتهم الساخرة من ابوي اللي هو الهلال
فقط
طنش تعش تنتعش

واستمع الى نصيحتي فانا هلالية الاصل وسابقى هلالية دائما

abokhaleel22 · #9 02-03-2002, 05:37 AM

يالخنساوي فكنا من أكاذيبك اللي مالها داعي وتراني لساع في عز شبابي يعني خل حبوب الضغط لك إنت شكلك شايب في الستين والنصراويين اللي موت هذولي منهم كلمهم خليهم يقولون إنهم نصراوية
يمكن في لكنهم مستحين لأن النصر ما شاء الله (يشرف) بس شوف
الهلاليين وطالع في بنت الهلال حاطة في اسمها إنها مشجعة هلالية
ليش؟
لأن الهلال دايما مرفوع الراس.

وعلى إن الهلال فريق صغير طالع في بطولاته بغض النظر عن عددها
أكثر فريق ماخذ كاس دوري خادم الحرمين الشريقين(8مرات)
الفريق الوحيد اللي جمع الثلاثة بطولات الآسيوية
الفريق الوحيد اللي ماخذ كاس المؤسس.
وهذه تكفي

أما إنه فريق حكام فهذه اسطوانة سمعناها مرات كثيرة منكم يالنصراوية
وترا كل الناس عرفوا إنها كذبة حطيتوها على الهلال عشان تبرير البطولات الي ياخذها فالجماهير الهلالية تقولكم إنتوا قرقوا وحنا راح ناخذ البطولات تلو البطولات

وإن أخذتوا بطولة تراها زي وجهكم وحدة لاعبينها في ملعب حواري وحدة في التشليح الله يحفظكم بس

أما القهوجي فأتحدى إذا مامرت مباراة إلا ودخل عليكم هدف لاتقولي ما دخل معروف إنه متخصص فيكم واسأل جميع أعضاء المنتدى

وقولتك إنكم لعبتوا مع مانشستر شكلك تقصد مانشستر حق الحواري وإذا كنت
صادق ياخنساوي قولي متى لعبتوا هالمباراة

لاتنسى تاكل حبوب الضغط بعد ما تقرا كلامي هذا لأنها مفيدة للشيبان

HONDA999 · #10 02-03-2002, 10:01 AM

السلام عليكم

هلا يا abokhaleel22

من ناحية ليش اقالو هالمدرب فأنا مع دايم السيف في كلامه ,,بس ترا الهلال قد عمل هالطريقه اكثر من مره ومع اكثر من مدرب من اجل ان يقهر النصر فقط.. مثل جويل سنتانا و ربرتو كالوروس وفيه مدرب ثالث ما يحضرني هالحين ..بس قد تكلمنا عن هالموضوع من فترة

وبعدين القهوجي ما سجل ضد النصر الا في اربع مباريات صحيح انها مباريات مهمه بس في اخر مباريتين لم يسجل وفاز النصر في الاولى 2 صفر والثانيه فاز الاهلي بدون ما يسجل اي هدف

والنصر صحيح ان مستواه ذا الايام يفشل بس انه يأصل للنهائي ..
ومن ناحية انه انهزم من ريال مدريد بثلاثه ( واحد) فصحيح انه انهزم بس بشرف والاهداف اللي جت في النصر لا تعتبر اهداف قوية ..يعني خبط ولزق ..وريال مدريد انحرج من تلك المباراة حسب ما قاله رئيس النادي الاسباني..حيث ان بلاتر وصف نادي النصر بأنه أفضل فريق عربي

على العموم هد اعصابك وكلنا في الخيمة زملاء وحبايب

وتراني رديت على اخطاء قلتها انت وما قلت لك انك كذاب