قفا نبك من ذكرى نزول المؤشـر

[على رسلك]

الكهرباء والماء () وتقول مااكتتبت في الريان( )


معلوماتك موثقه ما بين المطبات الى الكهرباء والماء()

يمكن انت خويك اللي تقول عنه())


أي اسم فيهم ( )على رسلك والا .........()

وانسى التلفون (()) عادي ثم عادي عندي الجوال ( )

هجاء تقصد حروف الهجاء ابجد هوز.. اول مره اتعرفها ..اجل وش درسوكم ( )

اصير( عبره لغيري) بس انا ما حب الدموع والتعبار(())

ذا المرة ما طينتها الا حرقتها ..بس معذور وانا اختك تاثير الكهرب())


وهنا يجي دور الماء ((عرفت ليه كهرباء وماء ..لمثل ذا المواقف ))(())

[دايم العلو]

أهلا وسهلاً بك أخي النسري
فصدقت إن شر البلية مايضحك
وهذا من حر مانونس
واللي رجله في النار مو زي اللي رجوله في الماء
وين غاب عني هالمثل الحين عرفت ليش الكهربا والماء عند إخواننا هناك

أما إنها مخطط لها فلا أظن ذلك كله من الهوامير والضعوف اللي يطيرون في العجة ويبيعون
على طول ،،، لكن الصبر زين

---

الكرباء والماء

أول شيء اسمها الكهرباء وربما حذفتي الهاء حتى تصبح على وزن عقرباء
ياحبكم للعقارب
أما بالنسبة للمطبات فهذي أنتي أعرف بها مني
الله يعينكم من جرف للدحديرة وبين كل مطبة ومطبة بسطة
والشيء الأكيد أنو انتي خويتس اللي طفى عليها الكهرب في البنك
ثم الجوال أبدا لايغني عن الثابت ،، الله يديمها نعمة
حنا يعلمونا إي بي سيدي والبس ثوبي الجديدي
وتصدقين أنو طبقوها عندنا في صف سادس من العام

أنا عرفت أنو الكهرباء لا تجتمع بالماء حتى في يوم الدفاع العالمي اللي أزعجونا به
يقولوا ( أخي الطالب لا تطفي النار بالماء )
أجل وش يطفيها به ؟؟!!
يعني أنتو ماشاء الله عليكم أفلحتوا وجبتوا الذيب من ذيله
كهرب وماء
لما يطفي الكهرب تبدأو تشتغلوا على الماء
ولما يرتفع الكهرب تشربوا ماء
ولما ينزل الكهرب تبردوا بالماء
بصراحة علاقة وطيدة بين الكهربااااء والمااااء

[على رسلك]

يوووووووووووووووووووووووووووووووووووه بالسادس ()

وش ينفع بعد ما شاب() حنا وانا اختك بالروضة ( )

اما الثوب الجديدي شكلك بتبيعه وتجلس على الحديدي()

اما المطبات صادق ..اما البساطات..صدق ما شفتهم بالرياض لان الوكاله

بمكه ..والشعار بساطه لكل حجاج( ))

اما كهربا وماء وماء وكهرباء تبرد ( )) )

ياجماعة الحقوا على الاخ دايم احد يقرا عليه .حدد وش تبي تقول وكلمه

كلمة عندك فرصة واكتب ما راح انحاش من الموضوع لا تخاف )

جالسه لين يخلص اللي براسك والا ترتفع الاسهم بسم الله عليك اخوي دايم()

[دايم العلو]

ماشاء الله عليكم بالروضة زاد اشوفكم مفلحين وترطنون رطن

زين أنا بتبقى لي الحديدة أما أنتوا الله يعينكم وين بتلقون حديدة تجلسون عليها

ترى ما أسلف حدايد

بالنسبة للمطبات فعندكم بين كل مطبة ومطبة بسطة على بالكم بقالة

بصراحة ودي اعرف نشاط هالثلاث شركات لو سمحتي

دلالة >>>> بروة >>>> السينما

وبصراحتن ثانية ودي أطب في سوقكم لأني أشوف اسعاركم زينة ومغرية
بس اخاف أشتري المؤشر حقكم وتبحلون بها

والله يجزاتس خير على أنك سميتي علي كذا أثق أنو مؤشرنا راح يعود فوق

[مستبشر الساحات]

الحين وراكم ماتعوذون من بليس ..وتتركون الهوشات وتخلونا نفكر في بلشة الأسهم بالأسواق الخليجية كلها

[غــيــث]

على طاري السوق المنسم ...تعالو نشوف سالفة الشايب المنسم


يقولك فيه شايب منسم


كل يوم وهو في البنك .. يعني شبه يومي يجي للبنك ويدخل في حسابة (( 5000 )) ريال


المهم جلس مده طوووويلة وهو على هذه العادة ...


استغرب منه مدير البنك .. وبدا يشك في هذا الشايب .. فقال للموظفين اللي في البنك


إذا جاكم هذا الشايب مره ثانيه حووولوه على مكتبي على طوووول ابي اعرف وش قصته


ولما رجع الشايب ذا العله للبنك يبي يودع دراهمه في حسابه مسكوه الموظفين وحولوه على مدير البنك


استقبله مدير البنك .. وعطاه شاهي وبدا يسأله من أين لك هذا من وين تجيب هالفلوس يا مخرف


المدير .. انت تاجر


الشايب . زاحف : لا<<<<<موب من زواحفنا هههه


المدير .. طيب لك عيال موظفين ولا تجار ..


الشايب .. لا


المدير ... طيب وارث شي ولا حرامي ولا نصاب ..


الشايب : لا


المدير .. طيب من وين تجيب هالفلوس هذه ؟؟؟


الشايب : أتحـــدا الناس


المدير : كيف ؟


الشايب : تتحداني أني ألحس عيني بلساني


المدير : اتحـــــــداك يا شيخ


الشايب : إذا لحستها تعطيني (( 5000 )) ريال


المدير : أعطيك ياشيخ بس اشوف


الشايب طلع عينه التركيب ولحسها بلسانه .. وخذا من المدير (( 5000)) ريال

الشايب مره ثانيه .... تتحدا يالمدير أني أعظ أذني ؟؟؟؟

المدير : اتحداك انت وجهك ولك (( 5000)) ريال


الشايب طلع أسنانه التركيب وأعظ أذنه .. وأخذ (( 5000 )) ريال<<<منتهي هالشايب


صار مع الشايب (( 10000)) ريال وحطها في حسابه


اليوم الثاني دخل الشايب البنك...


المدير ... يابو عين تركيب<<<<<ياحرام مقهور


الشايب : هلا . تبي تتحدا بعد


المدير : لا لا ... بس تكفى رجع الفلوس والله ماهي لي .. ماخذها من حساب واحد في البنك


الشايب : طيب تتحداني .. وإذا غلبتني أرجع فلوسك .. وإذا غلبتك ما أخذ منك ولا هللة


المدير .. فرحان .... قدام .. اتحداك واتحداك واتحدا أبوك ..... <<< ما صدق خبر المسكين .. يبي يرجع الفلوس


الشايب : تحداني أعرف لون سروالك ؟؟


المدير : أتحداك يا شيخ ؟؟


الشايب : لوووونه أزرق


المدير : كـــــــذاب


الشايب : طيب أفسخ سروالك خلني اشوفه


المدير :: ها شف سروالي لونه أبيض


الشايب التفت على اللي وراه (( جميع الصرافين )) وقال كل واحد يجيب (( 5000)) ريال


لاني تحديتكم ان المدير يفسخ سرواله وهذا هو قدامكم مفصخ


قايل لكم موب هين هالشايب ولايهونون بعض الاعضاء

وسلامتكم

منقول للتنسيم

[الوافـــــي]

أجارنا الله وإياكم من أصحاب الأطقم

[على رسلك]

الحين وراكم ماتعوذون من بليس ..وتتركون الهوشات وتخلونا نفكر في بلشة الأسهم بالأسواق الخليجية كلها
ــــــــــــــــــــــــــــــــــــــــــــــــــ ــــــــ

هلا بك اخوي المستبشر...

بلشه الاسهم .ما ينفع فيها تفكير () ما ينفع الا كثرة الاستغفار

وشكلها بتحتاج قنوت ()...

والهوشات اللي تقول عنها ..على انه المفروض تقول (وراك ) (واترك)()

لانك تعرف رأس الفتنه في ذا الموضوع ( )

انا ما لي شغل فيها ولا في غيرها...لا تطلع أشاعات ( )

[دايم العلو]

أخي / مستبشر الساحات
حياك الله وبياك وأبشر ها أنا أتعوذ من ابليس وأعوانه
فأعوذ بالله من ابليسه وأعوانه
أما بلشة الأسواق الخليجية فلا أعتقد أن الأسواق الأخرى مثل سوقنا
إللي دج دجة الله يخارجنا منها
وحنا يالله نفكر في اللي عندنا عشان نروح للأسواق الخليجية !!
وعلى قولة القائل : إذا مت عطشاناَ فلا نزل القطر !!
ياساتر استر

---

الأخت / على رسلك
أنتي تتهاونين في الحديدة
الحديد هاليومين مشعلل يعني طاير فوق
وكنت أفكر بعد مادج سوقنا إني أتاجر فيه
حتى عمال النظافة عندنا ماشاء الله عليهم استغلوا
ارتفاع الحديد فبدأو يجمعون علب المشروبات
ويبيعونها على مصنع الحديد ، حتى إني في يوم من الأيام
شفت عامل معه كرتون وكيسة . الكرتون يجمع فيه النفايات ( أعزكم الله )
والكيسة السوداء يجمع فيها ( القواطي ) وبعد قبل يحط القوطي ( يفعصه ) برجله
حتى يجمع أكبر كمية من القواطي ناس تفكر >>> ماخلوا لنا شيء

أما رطنكم بالفرنسي فكنت أذكر أن أخواننا في الإمارات كانوا يدرسون الفرنسي
في صف ثالث ثانوي أدبي بس ألغوه ما أدري ليه ؟؟!!
أما أنتم فماشاء الله عليكم من الروضة وأنا أقووووول ليه ( شيراك ) جالس عندنا
كم يوم أتاريه ينقل تجربتكم

أما بورصتكم فاسكتي الله يرحم والديك لايسمعونكم أهل طوكيو
ويسكرون بورصتهم >>>>> 26 شركة قالت بورصة قالت

وشكراً لك على المعلومات القيمة عن تلك الشركات

أما معنى ( تبحلون بها ) فيعني ( تتوهقون ) وفي رواية ( باح )
عاد هذي أخي غيث هو اللي يقدر يفسر أكثر

أما اللون الأخضر فعلى ما أظن أن هناك شكوى ضدي بهذا الخصوص
علني أجد الموضوع وأضعه هنا ،، والحمد لله بائت تلك الشكوى بأن كسبت القضية
وأصبح اللون الأخضر خاص بي فانتبهي ياكبيرة >>> على وزن ببسية كبيرة

أما ماجاء في ردك على ( المستبشر ) وادعائك بأنه يعرف رأس الفتنة في هذا الموضوع
فأنا أعرف الفتنة بكبرها

---

أخي / الوافي

كيف دخلت على محفظتي ؟؟!!

---

أخي المتعلق مثلي / غيث
تصدق إنه ماعرف لها إلا هالشايب المروح
ياليتك علمتني على الخاص لأني أظن أن كل مدراء البنوك الآن
عرفوا هالسالفة ولا عاد تطوف عليهم
إلا كان نروح لجيرانا أصحاب البورصة ونسويها عليهم تراهم حبيبين

[دايم العلو]

هذا هو حال المساهمين خلال هذين الأسبوعين
لكن الحمد لله مازلت متماسكاً أسال الله السلامة
لي وبقة المتعلقين