وش الاحسن الدوري الانجليزي , الايطالي ام الاسباني؟؟؟

[دبدوب]

اولا اشكر الداعي على المجهود اللي بذله في اطلاعنا على جداول
مباريات الدوري الانجليزي والايطالي بس يوم شفت عدد الردود طرا لي _طرأ لي _ سؤال.
وش احسن دوري في الدول الاوربية يعني وش الاحسن الدوري الانجليزي او الايطالي او الاسباني؟؟
في رايي ان كل دوري له جماهيره يعني كل دوري له طابعه الخاص تختلف اسباب حب للدوري من شخص للثاني.
بس انا في رايي واستنادا بترتيب الفيفا للمنتخبات الافضل عالميا اقول ان الدوري الاسباني الافضل لوجود اللعب الجماعي وبعد اللعب الفردي_يعني ان اللعب يطلع مهاراته ويتفلسف على العالم وهو ما حولك احد_ ووجود اكبر النجوم فيه للمعلومية اسبانيا اخذت المرتبة الثالثة في فرق الصدارة

اما الدوري الانجليزي دوري فيه لعب الذوق والتمريرات الخيالية كما يوجد فيه اكثر من فريق معروف وقوي مثل :مانشيستر يونايتد , ارسنال , ليفربول ,تشيلسي _اللي على فكرة عارض على راؤول لاعب ريال مدريد 110مليون دولار علشان يلعب معهم موسم واحد بس ؟؟؟؟ ولاحد يستغرب مقدار العرض لان صاحب الفريق الجديد هو ملياردير روسي وقبل امس عارض ستة لاعبين جدد انتقلوا لفريقه _ وغيرهم من الفرق المشهورة واللي ينخاف منها في بطولة ابطال اوروبا على عكس الدوري الاسباني اللي كل الاعبين المشهورين اللي قلت عنهم قبل شوي مجتمعين في فريقين ريال مدريد , وبرشلونه , وديبورتيفو لكرونيا يعتبر من الفرق المهمة.

اخيرا وليس اخرا الدوري الايطالي اللي يتميز بالعنف واللعب السريع ووجود فرق كبيرة وتنافس على البطولة الاوروبية واكبر دليل ان بطولة العام الماضي كانت ايطالية 100% ومن ها الفرق: ميلان , الانتر , اليوفينتوس , روما , لاتسيو ,بارما و.........الخ
بالنسبة لمعلوماتي عن الدوري الايطالي من حيث طريقة اللعب فهي ضعيفة علشاني ما اتابعه لذا اعتذر مقدما

آسف على تمطيطي الموضوع واللي عنده اي اضافات يتفضل .....شكرا

[الداعي]

الدوري الانجليزي ، الأسباني ، الايطالي

كل واحد أحسن من الثاني

لكن أنا أحب الدوري الاسباني ( اللي فيه كل موسم يظهر فريق جديد منافس للكبار )