رسائل خاصة جدا ...جدا

[الـــــــــريم]

السلام عليكم ورحمته الله وبركاته
موضوعك اعجبني لذا اشارك فيه بهذه القصيده التي تعبر عن الحزن اللي يحتويني من فقدت اغلى الناس(أبــــــوي )فهي رساله مهداه الى روحه الزكيه بإذن الله .
{{رحم الله موتنا وموتى المسلمين}}


في غيبتك يابوي عن ذاتي اغيب=
يا كيف بسلى ياسنادي دقيقه!!!
وش ادور كسب وانت المكاسيب=
ولخاطرك والله لبيع الخليقة
بنتك انا يابوي لا يلحقك ريب=
علمتني كيف السلوم العريقة
لاضاقت الدنيا عيونك تراحيب=
يصبح وجودي شك وانت الحقيقة
تعبت من صدر تتله مناديب=
يمشي طريق كل شي يعيقة
وتعبت اذم العفت وامدح الطيب=
ومن كلمتي بعض العرب مستضيقة
ليت المنايا درب تقطع به الغيب=
والله لمشي سكته مع طريقة
وليت العمر بالوطراته مقاضيب=
بيدي اشده لين مااروي رحيقه
نقضت ليلي من ورا غرة الشيب=
طوحت نجم ونجم يلمع بريقه
سريت سريهذيب في خوة الذيب=
وامسيت في كل المهالك مويقه
وقفت قي رجم ضلوعه محاديب=
والدمع انا يابوي نشفت ريقه
النفس عطشى وكل برق مشاريب=
واصدها عن مشرب ما اطيقه
وصلت ورحله جروح وتصاويب=
وتكسرت كل الضلوع الدقيقه


للشاعره {ابعادالتركي}