هنا مساجلة جديدة (بالشعر الشعبي) لكن أبياتها من سكب أعضاء الخيمة فقط شاركونا

[الصوت الرخيم]

الحال من عقب فرقى خلي كسيفه000 لا اتهنى في منامي ولا اقرب الزاد

[مستبشر الساحات]

زاد الغلا بالقلب من عقب ما جيت ::::وامسيت أطالع كل لحظة عيوني

[الصوت الرخيم]

عيوني من الهم سهرانه0000ونفسي من الحزن موجوعه

[مستبشر الساحات]

موجوع ياللي تجر الصوت ::::هذاك حسك يقــزيني

[الــنــدى والـــمــا]

يقزيني عن لذيذ النوم .... همومٍ عسى ربي يفرجها

[مستبشر الساحات]

يفَرِّج عسيرات المواقف اله الكون ::::ومن يعتزي بالرب ياهنيا له

[محمد العاني]

هنياله اللي حظى بمحبوب يوفي له :.:.: و كل الهنا يوم الذي قلبي يلقاه

[مستبشر الساحات]

يلقاه من يبذل المعروف بيدينه ::::مهوب ينشد عن اللي قال ناولني

[الــنــدى والـــمــا]

ناولني العصى ودفتي المشقوقه .... ابي اسير على العجز اللي حوالينا

الدفه عند اهل قطر هي العباة

واللي طلبت منه يناولني العباة هو المستبشر بما انه هواخر من كتب

[مستبشر الساحات]

حوالينا مطر والجو بالغمامة بقى مزدان :::: تجر الذيول الممطرة في صـــحارينا
خــوذي عباتك كان جسمك غــــدا بردان :::: ترى الطير لاصابك لزومن تكوينــا
ــــــــــــــــــ
الطير أو أبو طير عند البعض مرض يصيب الانسان ويحتادج الى لسع الكي حتى يشفى