غدا تشرق شمس على أرض.. حره ... عربية

rasha · #1 06-05-2002, 11:12 AM

قلنا الكلام .. وعلينا بالكلام صوتنا

نصرخ .. نهاتى..هى دى حدودنا

بس لو كان للكلام فايده..

لو كان في يدى حجر .. كنت أروح وارميه

لكن في يدى قلم .. والكلمه جوايا

سكت الكلام وأنحشر ..

وسن قلمى .. أنكسر

معدش ده وقت الكلام ..

وقت الهتافات والخطب..

الوقت ده للفعل بس

للدم بس

وقت الكرامه أتكلمت

في أيدين شهيد شايل حجر..

في دموع جنين مات..حتى قبل ميتولد

وقت الحصار صار .. بركان دمار

في وش أزمه لانكسار

يمكن في يوم يقدر يفك عنا الحصار..

الحصار.. مش بس دبابة .. ومدفع ..أوبارود

مش بس غصن زتون مقطوع ومرمى..

الحصار جوانا احنا..

مزروع في جوفنا ..

مروى بخوفنا..

ليه نخاف والحق سيفنا..؟!!

ليه نضحى بغد آتى عشان ولادى!!

ليه ضمي الأمة ساكت ..ع المهازل والمجازر!!

واللى كل يوم بيحصل ع الشاشات !!

قبل متفكر تهزم عدوك

اهزم الجبن اللى معشش في صدورنا..

أهزم الخوف اللى مليانه به عقولنا..

مش كل ده محتاج لعده..

احنا متهزمناش امبارح ... وبس

احنا أتهزمنا قبل امبارح بمده

أتهزمنا لما سبنا الرياده لحد تانى..

لما رضينا بالفتات..

رضينا نبقا وصمه في حق امه

واحنا مش حننتصر بكره.. بسرعة

النصر برضه محتاج لعده..

نبدأ ندعم ولادنا بالسلاح جنب العزيمة

يمكن يجىّ جيل يمسح الوصمه القديمه..

بس لازم نعد له الخطة السليمه..

وهو يكمل اللى نكون احنا بدأناه

وغدا تشرق شمس على أرض

حره ... عربية

محمد السلفيتي · #2 06-05-2002, 11:38 AM

نعم رشا ستشرق شمس ان شاء الله
وتماما كما قلت عندما نتخلص من خوفنا
من جبننا وعجزنا عن الوقوف في وجه ظلامنا .

شكرا لك أخت رشا
وأمنياتي بالتوفيق
محمد السلفيتي

منال درويش · #3 07-05-2002, 01:32 PM

أوحشتنى واوحشتنى كلماتك برغم كل ما كان فقد كنت اتابعكِ بشغف
ليس انتِ فقط ولكن الجميع الجميع احبائي من يتوجون خيمتى بورودهم ورياحينهم وقلوبهم النقية .

رشا صدقتى وصدق قلمك

الوقت مش وقت الكلام

وقت العمل والجد

نسمع لصوت الضمير

ما يهز ش قلوبنا حد

سن القلم م العدم

ح يقول غناوينا

الحلم طارح خضار

لولادنا أو لينا

شايفة يا روشة النهار

آتى على سفينة

بارك الله في قلمك ووعيك

مع أطيب المنى وارق التحية

rasha · #4 08-05-2002, 08:15 PM

أخى محمد السلفيتى

أشكرك على زيارتك التى تعنى لى الكثير, وحقا يجب أن نستعد للنصر ونثبت اننا نستحقه اذا كنا نريده

مع تحياتى

---------

العزيزه منال

مرحبا بعودتك لبيتك فقد كان دونك ظلاما بدون مبالغه

أوحشتنا فعلا فلا تتركينا ودعينا نشد من ازر بعضنا .

تمنياتى لك دائما بالتوفيق

رشا

محمد السلفيتي · #5 09-05-2002, 06:39 AM

لا شكر على واجب أخت رشا
وفقق الله

واه جنين
ارح قلبنا مرة يا حنين
تدحرج برفق على الذاكره
ما زال موعدنا سائر نحو نفس الأنين
جنين تكرر مأساتنا النادره ...

والى الأمل
أخوكم
محمد السلفيتي

rasha · #6 13-05-2002, 04:24 PM

أخى محمد السلفيتى

أشكرك مره اخرى,

تقبل تحياتى

رشا

ابو طارق · #7 14-05-2002, 04:30 PM

اختي الغالية رشا..
ماهذا الابداع ..؟!!
عندما اقرا مواضيعك...تنتابني قريحة وشعورا لا افكر به....واحساس بان هناك في داخل اعماقي...شي يصدر بعض الحركه..يريد ان يخرج من مكمنه....ولكن تعجز الكلمه عن ترجمته..ويخونني الأسلوب عن البوح به...
فانت بحق مبدعه....

تحياتي وتقدير لكي....ياصاحبة الأبداع...

rasha · #8 14-05-2002, 05:57 PM

أخى ابو طارق

شكرا لتشجيعك , لكنك بالتأكيد مبالغ فلست بكل هذا الأبداع

ماذا أكون أنا في فيضكم !!

تحياتى

رشا

انسانة · #9 16-05-2002, 07:49 AM

أختي رشا

وأنا أقرأ كلماتك ... كنت أشعر أني أقرأ روحي حين تكون في أوج غضبها من ذاتها على هذا العجز المسيطر علينا ....بدون ارادتنا بل مجبرييييييييين

أنتظر معك ومع الجميع اشراق شمس عربية على أرضنا العربية

أنتظر بقلبي

رضا · #10 23-05-2002, 04:41 PM

رشا المبدعة دائما ما شاء الله عليك

ونحن ننتظر ايضا

لكن في متل لبناني بيقول

كتبنا الحرف كتبنا الكملة ومن وقتا ما حكينا ولا كلمة