نظره من عين نوف
كل ما جيت باحكي عاندتني الحروف
وكل ماجيت باكتب القلم إرتجف
كل ماجيت باصحى زاورتني طيوف
وكل ما جيت بارقد قام دمعي ذرف
كل ماجيت بافّرح عاجلتني ظروف
وكل ماجيت باحزن قام حزني انصرف
كل ما جيت باكره صار قلبي رؤوف
وكل ماجيت باعشق قام عقلي حلف
كل ماجيت بارحل قام غقلي يطوف
وكل ماجيت بابقى احس فيني قرف
تاه عقلي وقلبي تهت بين الظيوف
بين فرحي وجرحي بين قسمه وصُدف
تهت في ظلمة الليل تهة لحظة كسوف
ومادريت الا واني في دروب الكلف
والسبب في ضياعي نظره من عين نوف
راح عمري ونل ما وصلت الهدف
ان تراجعت شرهه وان تقدمت خوف
تهت في بحر واسع ماله اية طرف
ودي اتقدم ولكن صرت ما قدر اشوف
ودي اتراجع ولكن قلت كلمة شرف
__________________
انما الامم الاخلاق مابقيت،،، فإن هم ذهبت اخلاقهم ذهبوا
؛؛؛ لا عز لنا الا بالاسلام؛؛؛
|