عابر سبيل ......!!

[منال درويش]

وهذا مقطع آخر ...من رحلة عابر سبيل

عابر سبيل ،،
سال السؤال ،، و اترد له تاني
ازاي تكون شمس الربيع ،،
وتضيع ف أحزاني؟!!
أزاي تكون نهر الوفا ،،
وتعيش لي وحداني ؟!!
ازاي تكون نبع الصفا ،،
وتقول لي إنساني ؟!!
قلبك دهب
شاف العجب
ح يعود ويلقاني
مهما الغروب ، دوب قلوب
السكة عرفاني
النور طريقي ودنيتي
والشمس عنواني …!!

عابر سبيل ،،
شايل ما بين كفك حنين
جايز يكون النور ضنين !!
جايز يكون الحلم اكبر م السنين
جايز يكون المنتهي ،،محتاج ايدين!!
لكنها دنيـــــــا …!!
عاشقة عيون السهرانين
دايبة ف دموع الحيرانين !
يمكن وسرقاني …!!
لكنها دنيـــــــا ….!!!
وملونة توبها بلون الليل ساعات
وساعاات كتير لون الاهات !!
وساعات مع ضحكة وليد
تنسي همومك واللي فات !!
وساعات تلاقي حضنها
حضن الورود …!!
تفرح بلمسة منها ،،
وبعطرها تنزع الخوف
اللي ساكن والجمود…!!
تقوم ف قلب الشوك تفوت
لا يهمك الشط البعيد
ولا يمنعك حرس الحدود …!!
لإنها دنيــــــــا.....!!
وانت يا عابر ف الجراح
يا واصل الجاي باللي راح
أطلق لقلبك مية سراح
فك الأسير ..!
خلية يطير
يكسر الخوف والدموع
ويقيد مع الأحلام شموع …!!
يبقي يا عابر ف الجراح
ابدا ما عمرك يوم تضييع ..!!