سواليف رمضانية ... اللي يستحي لايكتب

[المنشق]

مساكم الله بالخير جميعا .. وكل عام وانتم بخير وسلامه ...

قلت اجي واسولفلكم شوي عن الصوم يوم اننا صغار .. وترى المجال مفتوح للجميع يسولفون عن ايام رمضان يوم انهم صغار ...


زماااان اول مابديت اصوم .. كنت اصوم غصب عني .. واول رمضان صمته كان الجو حاااااااار ... كنت اقول لابوي ..يبه اسمحلي اصوم الى الظهر بس .. وكان يرفض ويطقني بعد ..
وانا ماش مااقدر استحمل هالحر .. المهم كان سعيد راعي البقاله اللي جنبنا حليل اذا شريت منه مايعلم اهلي وكان يخليني اكل عنده بالبقاله .. يخليني اخش ورى اكياس الرز والسكر عشان مايشوفني احد ..
مره من المرارير .. اكلت اسكريم توت .. وتوهقت صار لساني احمررررررررر ..واذا رحت للبيت كفشوني اهلي .. نسيت اقولكم كان ابوي دايم يقول ورني لسانك .. علشان يعرف انا افطرت ولا لا ...لانه اذا كان ابيض يعرف اني ماافطرت ...
جلست افكر وش اسوي وش الحل .. المهم مالقيت الا حل واحد ..وهو اني احك لساني بجدار .. علشان يصير ابيض .. وفعلا حكيته بجدار بيتنا .. بس القهر اليوم هذا بالذات اللي ابوي ماقالي ورني لسانك ...
.............................
ثاني رمضان صمته ..طبعا كبرت شوي على الفطور بالبقالات والجلسة تحت كراتين الشطه والسكر والرز ... قلت ياولد مالك الا انك تراقب امك اذا ابعدت عن المطبخ ادخل والقط اي شي يقابلك بالثلاجه .. حتى مره من السرعه والخوف سحبت فخذ دجاجه نيه ..
المهم .. مره دخلت اتسحب للمطبخ من غير محد يحس فيني ..
وافتح الثلاجه الا والله الخير ماليها .. ومن الجوع جلست اكل عند باب الثلاجه .. كلها 3 دقايق بسسسس .. وبعدها حسيت ببركان انفجر براسي ..التفت الا هذي امي ويوم جت عيني بعينها وتصكني بنيه على عيني نستني اسمي .. وقالت وش عندك هنا .. انا من الروعه والخوف مدري وش اقولها ... قلت يمه علي الدوره اليوم ..
اشوى ضحكت ونست الموضوع ولا علمت ابوي....... لكن بعد هاليوم صارت اذا طلعت من المطبخ قفلته بالمفتاح !!!!!!!!!

والسوالف واجد .. بس انا قلت افتح لكم الباب وانتوا اكتبوا ولا تستحووووون ........

[جمال حمدان]

صح لسانك يا مطقوق ..أقصد يا ملقوف ...بل أقصد يا عزيزي وحبيبي المنشق ......والله زمان عن خرابيطك اللي تجيب وطي ....

أخي المنشق ..بالله عليكم عد للصدارة والريادة في خيمتكم المفتوحة وإنني لا أغفر لكم إبتعادكم وقلة مشاركتكم تحت أي عذر أو مسمى .


كل عام وأنتم بخير وإن شاء الله نرى أخينا وحبيبنا الدايم عن قريب ....

تحياتي لسعيدان

أخوكم : جمال حمدان

[ندى2]

مساك الله بالنور.. وكل عام وانت بصحة وعافية

اقول لك شي..

انت بكل لغاااااااااااااات العالم مدهش

تبي الصدق انا كنت اذكى منك .... ما كنت انخش عن امي وابوي

كنت اكل واشرب عادي واذا صادف حد شافني

اقول نسيت والناسي صيامه صحيح

بس مشكلتي كنت انسى في وقت معين.... من ارجع من المدرسة على طول انسى ..... وشدعوة....

في التالي عرفوا خطتي قعدوا لي قعدة.... لكن كانت ايام حلوة

[المنشق]

اهليييييين حبيب ألبي جمال .. كيفك وكيف علقات ام محمد معاك؟؟

والله موجود ياجمال وكل فتره وفتره اجي اطل على الخيام .. وابي اكتب بس ياخي انا خوااااف .. يكفي قضيت من عمري 60سنه بالسجن ...ماعندي اي استعداد ارجع له ..الخيمه ياخي انقلبت سياسه وانا ان شفت مواضيع سياسه.. تجيني نفاضه بجسمي وشعري يوقف ووجهي يعرق وحالتي تصير حاااااله .. يعني وقتها لو اشوف حمار اقول اخوياااااا ... وتسلم حبيبي على الكلام الحلووو اللي اتمنى اني استاهل نصه ...

..............................

اهلين ندى أس 2 .... مره في رمضان اهلي ماكانوا موجودين بالبيت ..مافيه الا انا .. طبعا كنت ماخذ راحتي على الاخررررر ..
اكل واشرب بكييييفي محد يشوفني ... بالوقت اللي كنت فيه اكل واشرب .. طق الباب ؟؟؟؟
رحت فتحت الباب .. طلعت عمتي وزوجها جايين زياره وماكانوا عارفين ان اهلي ماهم موجودين .. انا طبعا نسيت ان الدنيا رمضان لاني كنت اكل واشرب بكيفي .. دخلتهم المجلس ورحت سويت لهم شاااااهي ... هههههههه طبعا ماابي اقولك كيف كان شكلي وزوج عمتي يقول يالمنشق الناس في رمضان وصايمييييييييييييييين ...يوووووه وجهي صار كنه ورقه وجايبين بزر ومعطينه الوان وقايلين له يالله شخبط عليها .. يعني جميع الوان الدنيا صارت بوجهي وقتها ........

وتسلمين على المقدمه .... وهلابك

[ندى2]

والله حلوة منك يالمنشق.....بلفيت الأخ قايم بالواجب

طيب بعد ما راح عمك وزوجته....ورجع وجهك لطبيعته وش سويت ؟؟؟

ما ضربت على الشاهي اللي قدمته لهم

[ندى2]

المنشق وينك انت بعد ؟؟؟
بس قلت لنا سالفتين ورحت؟
يالله تعال كمل الباقي