موقع جديد لجمهور الاتهاد ..!!

[العـاقل]

هلا والله فيك حبيب البي موادع .. وبالنسبه للانقطاع او المواصله فانا والله مااقدر اتواصل لان فيني عرق زوله ( عجااااااز ) احب اقرأ وما احب اكتب .. يعني ما اكتب الا اذا صرت رايق قوه والا عشان ارد على اللي يردون في موضوعي عشان مايحسبوني اتجاهلهم ..

وبالنسبه للنزهان فخلنا نخش في العميق وفي الجد ( خلك مستعد ) ..

ليتك شفت حبيبي موادع حركة مناف ابو شقير مع النزهان ودخوله برجله عل فخذ النزهان واللي بسبتها طلعت الكوره للكورنر اللي جت منه الكوره اللي سببت المشكله .. وبالنسبه لهالكوره اللي صارت عليها المشكله فلو تلاحظ ان القصاب باسم اليامي داخل برجله على بطن النزهان في حركه تستدعي وضع فاول وهذا ماحصل من الحكم والكوره عموما لو تدقق اللي طلعها هو الدعيع من تحت ابط النزهان وهي لم تدخل بكامل محيطها للمرمى .. وهذي كلها تدحظ ادعاءات الاتهاديين وتظلمهم ..

واضافه لهذا وذاك المدعو باسم اليامي كان من المفروض ان يكون مطرود لانه في الدقيقه 6 انبرش انبراشه من انبراشات سيء الذكر احمد قبيح على نواف التمياط والحكم ماعطاه كرت .. ولو كان اعطاه كرت كان انطرد بعد الكره اللي مع سامي اللي خذ عليها كرت اصفر .. وقبل هالمباراه قام هذا الجزار باسم اليامي وفي مباراة الاهلي على نهائي كاس ولي العهد بالبصق على الشنيف امام الجميع وكان من المفروض طرده وايقافه لكن ايا من هذا لم يحدث للاسف ..

عموما مهما قالوا ومهما نهقوا ونبحوا يظل الهلال البطل والزعيم ويظل هو اكثر نادي تضرر من التحكيم دون جدال ولن انسى ماحييت مباراة 1417 هـ اللي تناوب فيها الخليوي واحمد كريه على ضرب سامي والانبراش على اقدامه من الخلف ومن الامام حتى اخرجوه من الملعب وهو مصاب .. ولن ننسى الكثير من المباريات التي ظلم فيها الهلال والتي لا مجال لذكرها لانها تحتاج الى ايام لكتابتها ..

عموما اشوف اني طولت وهذي مهيب عادتي بس انت ياموادع يهمني اني اقنعك ولو تسألني ليه اقولك مدري ...

مره ثانيه الهلال هو الزعيم والبطل كالعاده ولا عزاء لمن نعق ونبح ونهق