من عيون الشعر النبطي

[القوس]

وقد قالها بعد ان سلبوه ابناء عمه المشيخة على قومه

الله من هم بكبدي سعرها

دلى يمل القلب مل الشواتي

وش خانة الدنيا سريع دورها

لو أقبلــــن سنينها مقفياتي

ومن عقب ماني مقفي عن نحرها

اليوم بين القين هو والحذاتي

ومن عقب مانلبس غرايب شهرها

من فوق قب عندنا مكرماتي

يوم ان خيال الندم ماقصرها

عمن جذت به نفهق الاولاتي

واليوم طيبنا على الشيل مرها

ياحيف مانستاهل المعسراتي

حلال عقدات كبار عبرها

وخالق نجوم بالسما ساهراتي

مامال إلا فارغ من زبرها

ولا حي إلا مقتفيه المماتي

يارازق اللي ما بعشه ذخرها

طيور الهوى في قدرتك عايشاني

تفرج لمن عينه تزايد سهرها

الطف بنا ياعالم الخافياتي

ياللي خلقت أقفارها مع بحرها

يامن بحكمك تجري الكايناتي

أوجست من حر الليالي سعرها

وذكرت طيب أيامنا الفايتاتي

ونشدت وين اللي ينثر حمرها

وقمت اتذكر وين حروة شفاتي

اللي إلى جا الخيل خبث كدرها

صوته ذعار القرح الصافناتي

عقاب السبايا كان جاها ذعرها

عوق العديم ومشبع الحايماتي