No Job, No Money, No Wife

[غــيــث]

الأخ NBR656

بعد إذنك أعدت تنسيق القصيدة..حتى تكون أكثر

وضوحآ للقارئ..

مع العلم أنني أرى فيها بعض الإيجابيات من ناحية

أساس الشكوى ولا أحبذ نبرة العنصرية فيها..

كلنا إخوة في الإسلام و أبناء وطن واحد..



[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=1 char="" num="0,royalblue" filter=""]
وش نفعنا فعل أبوك وفعل جدي
وش عطانا كل تاريخ القبيله

السوالف ماتجيب ولا تودي
والزمن أصبح نهاره مثل ليله

ناظر الدنيا وتفهم ويش قصدي
وين جدك وين هذاك الدليله

ماتذوق العز والحال متردي
لو تشوف الخير ماتقدر تجيله

علمونا نارد الموت ونعدي
مادروا وش صار بياع البليله


علمونا ننزل وبكره نشدي
والديار اليوم بصكوك الفضيله

علمونا نكرم الضيف المعدي
لاجل يذكرنا ويمدحنا للقبيله

أكرمه لو كان يصلخ كل جلدي
ما اتعذر لو كان ما باليد حيله

كرهونا بالتجاره والمكدي
لو شريت وبعت ضيعت الجميله

والصناعه ماتخص عيال نجدي
لو تجي صناع ياكبر الفشيله

والمراجل تنوخذ صبح وهجدي
مادروا وش صار بياع الفنيله

الدراسه ماوراها خير يبدي
من درس ضيع حلاله عزتي له

ضيعونا والزمن كله تحدي
كيف ناكل عيش بعلوم جزيله

كيف يارث جنب بيت الله هندي
يوم ورثك نخلتين بالمسيله

شيخنا يبلش على تعيين جندي
ينطل بوجهه ملفٍ جا يشيله

والموظف هيثم بن عماد سندي
يطرد الشايب ويلعن سلسفيله

وان درى انه كان فارس مايصدي
شبت النيران بقلوبٍ غليله

والسبايب ذبح خاله نقشبندي
ينتقم من فعل ربعك في وهيله


حنشلٍ من جوعهم محدٍ يعدي
خال هيثم حج وجدك محتسيله

من يروح للحجاز يقول بعدي
العيال وداعة المولى دخيله

يفخرون بكسب حجاج وعبندي
وكسبنا منهم ذنوب وحن..

عاد تدري ليه أنا بيحت سدي؟
لا وظيفه لا فلوس ولا حليله



[/poet]

ملحوظة :

لا أتوقع أن الأخ ARGUN من خلال تعليقه

إستوعب فكرة القصيدةوما بين السطور ..

بحكم أنها نبطية محلية بحته..



تحياتي..