{ قصـــايد أعجبتني }

[قلم المنتدي]

يا بنت صوتك عبر الأسلاك يسري
ويسري عبر شريان قلبي وتاجـه

ودموع عينـي يعلـم الله تجـري
وقلبي على بعـدك تعكـر مزاجـه

اسمع ونيني داخل أعماق صـدري
وازريت أعدل للزمـان اعوجاجـه

يا بسمة ايامي ويا نـور فجـري
ويا طب قلبي يوم يصعب علاجـه

أمـر دارك يعـلـم الله مــدري
لي حاجةٍ وإلا على غيـر حاجـه

لا تعلني يا بسمة العمـر هجـري
ويزيـد بعـدك للفـؤاد إنزعاجـه

لاجلك نظمت الشعر واقصيت نثري
والنثـر قـدم للفـؤاد إحتجاجـه

وما بينهم حكمت بالعـدل فكـري
وقال كبـو عـن سعيـد اللجاجـه

النثر له معنـاه والشعـر يغـري
وكلٍ على وزنـه يعيَّـن خراجـه

لكن وزن الشعر كالنهـر يجـري
ويخلِّي العاشـق يزيـد ابتهاجـه

هذا شعوري بعد ما قـل صبـري
أهديه لك والصبر حـان إنفراجـه

انتِ رضاي وشمس عمري وبدري
والشعر في غيرك اشوفه سماجـه


للشاعر((سعيد الغامدي))