الشاعرة القطرية ( صدى الحرمان ) ...

[قلم المنتدي]

تهاوت رحلة ايامي في ركن الخوف والحسره
وبديت اضعف مثل ظلي وارمي بالعمر خلفي
تصورت القدر حاجز زجاج من السهل كسره
ولكني جرحت اناملـي حتـى دمـع طرفـي
وعشت الياس والحيرة بشـوق ينتظـر بكـره
ولا .. هان الامل عندي ونصفي مل من نصفي
يميني خانت حروفي وهانت عندهـا العشـره
ومن يكتب لي اشعـاري اذا ماخاننـي كفـي
وهل ارتاح واحساس مجـرد حلـم او فكـره
او احذف باقي اوراقي واودع فكري المنفـي
تمنيـت ارحـل لعالـم عليـه الفاتحـه تقـرا
ورفض موتي يواجهني بوجه القادم المخفـي
فهل شفتوا جسد ميت ورفض يستقبلـه قبـره
انا هذي معاناتي واظن اللـي مضـى يكفـي
ابترجى الزمن واحمل على كتفي عنـا دهـره
ماعادت فيني القوة على اقناعه يجـي صفـي
انا من يوم ميلادي مااحنـي راسـي بالمـره
ولكـن ماتحملتـه عجـز لايشملـه وصفـي
وانا اللي كنت بـالاول عنيـده قاسيـة حـره
وبديت اضعف وانا اكره مجرد ضعفي لضعفي

صدى الحرمان