بيان صوتي القائد صالح العوفي حفظه الله حول عملية الفلوجة "القنصلية في جدة"

[قلم المنتدي]

على هذا المكان ومن رعاه ومـن تربـع فيـه
سلام وراية الاسـلام فـوق الـراس مرفوعـه
ترف بكل عـز وكـل مجـد وضمهـا بيديـه
امـام المسلميـن وكلمتـه بالكـون مسموعـه
أخص القايد الاعلى فهد درع الوطـن حاميـه
من العدوان ما عاثت فلـول الشـرك بربوعـه
ملكنا اللـي نحبـه ثـم نحبـه والغـلا نغليـه
على دربه نسير ونستنيـر الـدرب بسموعـه
ملكنا اللي يشرف حاضره ومشـرفٍ ماضيـه
يسجل له مـدى التاريـخ للتاريـخ موسوعـه
ملكنا اللـي فتـح قلبـه لنـا يالله لنـا تحييـه
فريدات الخصايل فـي مقـر العـز مجموعـه
يصون مقدسـات وبالثبـات مخططـه ماشيـه
عسى أوطانه لبراق الحيا بالرجـع مرجوعـه
تمتعنـا بعهـده بالرخـاء والخيـر والترفيـه
شربنا المـاء قـراح ومدنـا وامتـد ينبوعـه
ليا صّدر قـرار يتـم وبريشـة قلـم يمضيـه
يـورّد جـاري التنفيـذ والاوراق مدفـوعـه
يوجه مـا يوجَّـه منفـرد بالـراي والتوجيـه
يحلّ اوضاع غيره ما ابتحل في حل موضوعه
ليا منّه تنهّض زلـزل الغبـرا تحـت رجليـه
يامكبر هيبته والارض تستكلـم تحـت طوعـه
سعوديٍ ملا الكرسي صحيح ومنصبـه ماليـه
ليا زمجر وطالـع بالسبـاع تخـر مفجوعـه
تليق بـه القيـاده والسيـاده والامـن مضفيـه
على شبه الجزيرة سـاد تشريعـه ومشروعـه
بلاده ما يقـارب ربـع قـرن بساعـده يبنيـه
ولايَتبـع فهـد يُتبـع فهـد وخطـاه متبوعـه
يعود الراي لاهل الراي واخذ الراي من راعيه
يعـد اريـاه مفتولـه ومثنـيـه ومربـوعـه
بتوع ليا مضى يمضي بسيف العدل مـا يثنيـه
ليا عدوا قواطيـع السيـوف ابتـر وقاطوعـه
ليا اشتد الخصيم بخصمته مـن حكمتـه ينهيـه
ينـوخ للحقـوق وتصبـح الحقـاد مرجوعـه
جبل راسي ومن طبع الجبل ما يحترك راسيـه
ذرى المفزوع واللي طار عنها الستر مفجوعـه
جنودك يافهد شعبـك لياطـق الحـدى حاديـه
فداك الامن يفداك الحرس والجيـش وفروعـه
عليك براس الافعى ما دفق سمه وكيـف وليـه
يروّجها الغبـي واللـي ثقتنـا منـه منزوعـه
من الضربه يطيح من اوله والحق علـى تاليـه
قبل فتك الافاعي خلها فـي البيـض مخلوعـه
عصابه يا بوفيصل بثت التشويـش والتشويـه
على ارضك ما لها بيعه ومن بيعتـك مخلوعـه
على يمناك اخوك اللي مناظيم السـرب تتليـه
على اكتافه كبار الواجبـات اليـوم موضوعـه
تصدى من تعـدى ويتحـدى والوطـن يعنيـه
تعبّـر كلمـةٍ فـي نشـرة الاخبـار مذيوعـه
صدق راعي المثل لاركبت حر ارقد ولا توصيه
ولو حددت له رحلة شهـر ياتيـك باسبوعـه
نرحـب فـي ولـي العهـد ونحييـه وتحييـه
جماهير تـردد لـه بيـوت الشعـر مبدوعـه
هلا يامرحبا واهلين يارجـل الوطـن ذاويـه
بعد هذا الزعيم انت الوطن وحمـاه ودروعـه
علينا عهد لك ياسيـدي والعهـد مـا نصخيـه
عواتقنـا قلايدهـا العهـد بايمـان مقطوعـه
معك سلطان حماي الحدود ليا احتمـى صاليـه
يجيب لك القلايع مـن يديـن القـوم مقلوعـه
يسلـم ثالـث الاثنيـن ويعافـيـه ويـدوّيـه
ابوخالـد لـه الهامـات بالتقديـر مخضوعـه
على الارهاب شنوا حرب شعوا واقطعوا طاريه
تموت الشجرة اللي من عروق الجذع مقطوعـه
على من روّع الصيام خـزي ولعنـة تخزيـه
عسى من راعهم رب الفلـق يبـلاه ويروعـه
تموت اطفال وتموت النسا فعل طغـى طاغيـه
بكل الوصف وحش مفتـرس ويغيـر بفزوعـه
جريمة ما تشبـه بالجرايـم يصعـب التشبيـه
عقول للحدث ما استوعبت خرقـا ومصدوعـه
كـلام للبعيـد وللقريـب يسمـعـه باذنـيـه
لعلـه يستفيـد ويستقـر العـلـم باسمـوعـه
نجابه طغمـة بـان الـردى منهـا ولاتخفيـه
هذا والله هو الارهاب مهمـا يختلـف نوعـه
خذت عدوى وجتنا بالوبا مـن تلمسـه تعديـه
كفـى الله شرهـا وبقـدرة الرحمـن مقلوعـه

ملغمة المصاحف ما لها بيـن الرجـال وجيـه
هبـت والله وجيـه للهوى وابليـس مركوعـه

<******>drawGradient()