مواقف لاتنسي*

[DAYEM]

همسة..
زي ماوعدتك خذي هالموقف:
المواقف كثيرة بس ابي أقولكم اخر موقف صار..
الاسبوع اللي فات..كلمني واحد من الشباب وقالي مر علينا في الاستراحة ترا الشباب كلهم مجتمعين..حاولت أعتذر لأن عندي امتحان السبت..لكن ماقدرت..رحت لهم..أخذنا نسولف وندردش ..كان في واحد من العيال رافض انه يسهر معنا ويقول عنده امتحان بكرة..المهم فجأة طب علينا خوينا ذا وهو مبسوط..وقلناله خير..كنسلوا الامتحان يا..فلان..
قال لا.. بس انا كانت مقفلة معي (يعني ايش مقفلة..ماأدري) وما قدرت أذاكر..وكلمت واحد من الشباب الجيدين وماقصر..تزهل انه يذاكر ويحضر الامتحان مكاني..(شفتوا فزعات الشباب..ماهم زيكم يابنات)..
تأخر الوقت وقلت لازم أروح أذاكر..
قال خوينا ابو امتحان..بدري يادايم..قهرتني كلمته ذي ورفعت يدي ودعيت عليه..ان شاء الله ينكشف خويك في الامتحان بكرة وتروح فيها(فيهاوين.. برضه ماأدري)..قلت هالكلام وانا امزح والله..الشباب ماتوا من الضحك وقالوا امين..؟؟
مشيت..وفي الصباح كلمني خويي ذا وقال..رحنا فيها الموضوع انكشف..والله لأوريك (الموضوع خطير.. يمكن يفصل بسببها)..وقام يدعي علي ويقول ان شاء الله ترسب بكرة في امتحانك..(طبعا هو يمزح..بس انا خفت من دعوة المظلوم)..
المهم..اختبرت الامتحان وكان تمام..
وخوينا..صار معاه تحقيق..وبعد الواسطات قررت الكلية تكتفي بترسبيبه في ذاك الامتحان..وامتحان المادة اللي قبله واللي بعده..
طبعا صاحبي مبسوط..متعود على الرسوب..بس أهم شي مافيه فصل من الكلية..
باركتله على الرسوب (أول مرة يكون فيه كلمة مبروك..على الرسوب)
ورجعنا حبايب..
الخلاصة:
معقول دعوتي تستجاب بالسرعة ذي..(انتبهوا..أضحكوا لا أدعي عليكم.. هههههههه)..
القصة أطول من كذا..و باقي سالفة وشلون انكشف خويه اللي فزعله..لكن انا حسيت اني طولت عليكم فاختصرت القصة.
ترا من جد صارت هالقصة.
تحياتي DAYEM.